I Valle radio har Siri Johannessen i vår hatt ein serei om bønn. I kveld snakka ho med Noreapastor Asbjørn Kvalbein om dette, og det var ein fin samtale, der dei mellom anna var inne på temaet forbønn og bønnesvar. Mellom anna vart strofa frå Det er makt i de foldede hender sitert, der heiter det Du som ber for ditt barn, dine kjære.

Kan hende får du ikkje bønnesvar slik du sjølv hadde tenkt, men Gud høyrer bøna di. Av og til kan det også vere godt å ha faste, formulerte bønner når ein sjølv ikkje maktar å sette ord på bøna. Andre gonger kan bøna bare vere ordlause sukk, også dei høyrer Gud.

Vi fekk også høyre Bjørg Straume fortelje om basaren som skal vere på Valle bygdeheim laurdag og at den er open for alle. Lodd kostar ti kroner, og basaren vil ha mange trekningar ut over dagen, så her kan folk få seg kaffi og litt å bite i medan dei pratar saman og samlar gevinstar.

I kveld fekk eg hjelp av Sigmund til å kome tilbake på Setesdalswiki. Etter at eg hadde problem med datamaskinen min, fekk eg problem med å skrive på nettleksikonet. Men no var det løyst, og eg kan halde fram.

Planen var å skrive om nokre bøker eg har lese når eg ikkje har kunna skrive. Eg har hatt fleire bøker av Åsne Seierstad på leselista mi. Eg fekk jo boka Afghanerne til jul, og så har eg lese om att Bokhandleren i Kabul, De krenkede og To søstre. Eg lånte også En av oss, men den har eg ikkje lese. Eg må levere dei tilbake, men ville jo gjerne lage små artiklar om dei på wiki også. Difor var det flott å kunne skrive der att for meg.

I morgon er det igjen sending i Valle radio frå klokka 18. Noko å glede seg til:

Tirsdag 28. februar

Ansvarlig og tekniker: Siri Johannessen

18.00 Kvarteret
18.15 Andakt ved sogneprest Toralv Frøysaa Lie 

18.30 Musikk
19.15 Langtimen
Basar 4. mars! Bjørg Straume vet mer
Asbjørn Kvalbein om bønn
Fra Ukraina-markeringen  i Valle
20.30 Postludium til faste med Siri Johannessen
21.00 Kyrkjebakken

NETTRADIO via http://www.valleradio.com

I dag kom eg på namnet på den franske naturlegen. Han heitte Messegue. Det var artikkel om han på engels wikipedia, og eg fann også anna stoff, mellom anna noko frå Bergen hudpleieklinikk:

Maurice Messegue

En viktig aktør innen kosmetikk og urtemedisin.

Messegue ble etablert av den velkjente urtespesialisten Maurice Messegue i Frankrike i 1958. Messegue produktene ble laget gjennom erfaring med planter fra hans egen familie, helt tilbake til 1500 tallet. Produktene kombinerer urgamle oppskrifter med nyskapende kosmetiske ingredienser – en kombinasjon som gir helt enestående resultater. Messegue regnes som en av de store aktørene innen utviklingen av urtemedisin og naturkosmetikk. Han brukte flere år på å studere og perfeksjonere hudpleie serien sin og skapte etiketten Phytobio 1960 for å stoppe bruk av sprøytemidler, tungmetaller og andre miljøgifter i sine produkter. Produktene er velegnet til sart hud og kan brukes av alle hudtyper inklusive tørr og fet hud, samt problemhud med tendens til akne, rosacea, eksem og psoriasis.

https://bergenhudpleieklinikk.no/2017/05/26/maurice-messegue/

Morgon og kveld tek eg mine medisinar. Dei er kjøpte på apoteket og når eg har handla over ein viss sum, vil eg kunne få frikort og sleppe å betale. Ein gong eg var på sjukehuset til ein kontroll og der måtte betale, måtte eg le då det etter meg kom ein mann som sa han var FFF-pasient: Frikort før februar.

Før var det meir vanleg å bruke urtemdisin. Mor var hos Vistemannen og fekk flasker med medisin ho skulle ta. Det lukta som turka høy, så vi kalte det for hestepss og lo litt av henne.

Dei siste dagane har eg lese boka Gaven av Ellen Vahi. Ho er sjølv etterkommer etter signekona Anne Brannfjell, om henne er det artikkel på Wikipedia. Ho hjelpte mange med urtemedisinene ho ga til folk som var sjuke, og dette var på ei tid der helesvesenet ikkje var utbygd, midt på 1800-talet.

Boka minna meg om ei bok eg las for mange år sidan. Det var om ein fransk natur-lege.

Skulane har vinterferie denne veka, men Valle Radio tek ikkje ferie. Tysdag er Siri Johannessen ansvarleg, og onsdag er det møte i Valle kommunestyre. Posten er sein, så eg har ikkje fått programmet frå Niklos K. Besteland ennå, men her er programmet:

Tirsdag 21. februar

Ansvarlig og tekniker: Siri Johannessen

18.00 Kvarteret med kåseri av Asbjørn Kvalbein (Norea)18.15 Over en åpen bibel med Olav Vestbøstad fra Norea
18.30 Country-gospel timen med Per Govertsen

19.30 Boktmen med Guri Idsøe Viken om Sørlandets litteraturpris 2023 og Victoria Bø om boken I bønnens landskap

20.30 Postludium med Niklos K. Besteland

21.00 Kyrkjebakken

Onsdag 22, februar

18.00 Møte i Valle kommunestyre

NETTRADIO via http://www.valleradio.com

Etter at vi måtte bytte systemet for å publisere bloggen, har vi fått det meste på stell. Men før hadde Helge laga eit system der ein ny post automatisk vart lagt ut på ei side som bloggen hadde på Facebook. Dermed kom han opp i feeden til dei som hadde vald å følgje bloggen min.

Det hadde vore fint å få det systemet tilbake, så eg må nok ta ein prat med Sigmund om det i helga. Det var jo flott at han kunne overta som sysop for Setesdalswiki og for bloggen.

Elles bir det vel helst å unngå å kome ut i vinden i helga. Eg misunner ikje dei som reiste og skulle ha skihelg på Geilo eller Hovden denne helga. Danskane kom seg korkje fram eller tilbake, så for dei som satsa stort på vinterferietrafikk, vart det nok eit vonbrot. Men . men…

I mange år har eg hatt pustehjelp om natta. Ein oksygenkonsentrator hentar oksygen ut av lufta og blæs inn i lungene mine. Eg må difor sove med maske, slik at lufta kjem inn. Den eg har hatt, song etter kvart på siste verset og peip svært, ikkje bare når eg starta han men med ein høg lyd det ikkje var råd å sove med.

I dag kom ein mann frå hjelpemiddelsentralen på sjukehuset og bytta maskinen. Eg fekk ein ny, meir stillegåande maskin klokka 10 i dag, og halv elleve hadde eg min første runde i senga med den nye hjeparen. Det var godt.

Vi treng oksygen for å leve. Det lærte vi i naturfagtimen på skulen, og vi hadde eksperiment for å lage oksygen i kjemitimane. Det er lettare å ha ein maskin som gjer den jobben når vi treng litt ekstra.

I Valle Radio har Siri Johannessen starta noko som skal bli ein serie om bønn. I går snakka ho med Torleiv Austad om det. Professor emeritus i dogmatikk og etikk frå Menighetsfakultetet og oppvaksen i Valle prestegard. Ho har også plan om å snakke om tidebønn, og då kom eg på at vi for mange år sidan møttest til tidebønn kvar 2. dag i Hadsel kirke. 2. juledag, 2. påskedag og 2. pinsedag om ettermiddagen kom vi til kyrkja og hadde tidebønn (vesper) før prost Olav Holten inviterte oss til kaffe i den store prestegarden.

Så eg tok ein telefon til han, han var på kjøretur, men ein kan jo svare i telefonen likevel utan å bryte loven. Så vi fekk ein hyggeleg samtale om ei tid som no er langt tilbake i livet mitt. Eg reiste frå Stokmarknes i 1991 for å begynne som kyrkjelydsekretær i Valle.

Han kunne gjerne fortelje om tidebønn i Valle Radio, sa han, så det vil du nok få høyre ein tirsdag i nær framtid.

Alt dette og mykje meir kan ein få med seg om ein høyrer på Valle radio denne veka. Siri Johannessen er ansvarleg for tysdagskvelden og Ørnulf Hasla har ansvaret onsdag- Her er programma:

arlig og tekniker: Siri Johannessen

18.00 Kvarteret med kåseri av Asbjørn Kvalbein (Norea)18.15 Over en åpen bibel med  Geir Stomnås fra Norea
18.30 Country-gospel timen med Per Govertsen

19.30 Timen med bl.a.Torleiv Austad om bønn

20.30 Postludium med lovsang

21.00 Kyrkjebakken

Onsdag 15 februar

19.00-19.30 Tankar frå bibelen med Håvard Viki.

19.30-20.00 Komm.info med Rektor på Valle skule, Marit Jaabeæk Brokke.

20.00 Aktuell time.

20.00-20.15 Desentralisert vernepleiar utdanning i Setesdal i regi av Sipr. Med Marianne Hovet Steig og Thea Dblu.

20.15-21.15 Unesco status i Setesdal, nå og framover, intervju med Annbjørg Lien.

21.15 Musikk Med Johs Bjørkeli

Teknikar: Jørund Georg Jore

Ansvarleg: Ørnulf Hasla

Høyr Valle radio på www.valleradio.com

Du kan følge linken til sendinga på Valle radio si Facebook side

…

NETTRADIO via http://www.valleradio.com

Kurdistan er ikkje ein stat, som Norge og Sverige. Men kurdisk språk finn vi i Tyrkia, Iran, Irak og Syria og landet har mykje av felles kultur med Afghanistan. Så når eg i det siste har lese bøker som Bokhandleren i Kabul, De krenkede og To kvinner av Åsne Seierstad, var det ikkje ukjent å kome til Dødevaskeren av Sara Omar.

I denne boka vekslar handlinga mellom 1980-talet i Kurdistan og 2016 i Danmark, der ei kvinne ligg på sjukehus. Ho var barn i Kurdistan på 1980-talet. Livet for kvinner var ikkje lett, dei var mannen sin eigedom. Ein snill mann kunne gje dei eit leveleg liv, men mange måtte tåle både slag og spark, om ein skal tru Sara Omar, og det er det vel ingen grunn til å ikkje gjere.

Bøker kan hjelpe oss til å forstå verda rundt oss sjølv om vi ikkje reiser på tur. Som turist ser ein også bare overflata.