Kategoriarkiv: Ymse

Ymse

Norsk musikk i Postludium

Legg att eit innspel

I kveld valde eg å spele norsk orgelmusikk i Postludium. Programmet starta med

**Ludvig Mathias Lindeman (1812-87): Kroningsmarsj**
skrive til kroninga av Kong Oscar II og dronning Sophie i Nidarosdomen 18. juli 1873. Stykket er 5:27 langt, og Kåre Nordstoga spela på Ryde og Berg – 1998-orgelet i Oslo Domkirke.
http://no.wikipedia.org/wiki/Ludvig_Mathias_Lindeman
http://no.wikipedia.org/wiki/K%C3%A5re_Nordstoga
http://no.wikipedia.org/wiki/Oslo_domkirke

**Arild Sandvold: **
**Herre Gud ditt dyre navn og ære**
**Eg veit i himmerik ei borg**
To improvisasjoner, opus 5, nr. 1 og 2, skrivne i Leipzig hausten 1927, altså 80 år gamle, – i et akutt anfall av hjemlengsel – sa han sjølv. Første improvisasjonen er 2:08, andre er 1:01. Her var det Bjørn Boyen som spelte, og det var det også på dei to siste stykka:

**To orgelstykker over et tema av Haydn: “Din Rikssak Jesus være skal”**
**Fantasi**
**Toccata**

Dermed vart det ein heilnorsk kveld med omsyn til komponistar, men Bjørn Boysen spelte på Frobeniusorgelet i Århus Domkirke, så litt utanlandsk var det då.
http://no.wikipedia.org/wiki/Arild_Sandvold
http://no.wikipedia.org/wiki/%C3%85rhus_domkirke
http://no.wikipedia.org/wiki/Bj%C3%B8rn_Boysen_spiller_Arild_Sandvold

Ymse

Kommunestyret konstituerer seg

Legg att eit innspel

Programmet denne veka er at Valle kommunestyre skal konstituere seg, så langt eg har forstått. Sjå http://www.valle.kommune.no/Modules/Default.aspx Nede til høgre på sida finn du kommunestyret og kan klikke deg inn på sakspapira til dette møtet. Det står ikkje mykje der, papir vert lagde fram i møtet.

På denne bakgrunn vert programmet for denne veka slik:

**Tysdag 25. september**
Ansvarleg:Harald Haugland

18:00 Kvarteret
18:15 Over ein open Bibel
18:30 Noreamagasinet
19:05 Møteplassen
19:30 Dameklubben
20:30 Postludium ved Harald Haugland
21:00 Kyrkjebakken

**Onsdag 26. september**
Teknikar: Gudrun Rysstad
18:00 Kommunestyremøte

Ymse

60 år for Valle

Legg att eit innspel

Tysdagskvelden skal Valle Bygdekvinnelag feire 60-års fest. Det skjer ved eit lagsmøte som er lagt til Bykle gjestegard. Denne kvelden skal dei sleppe å tene ved bordene, dei skal sjølv nyte eit godt måltid og hygge seg saman.

I 1986 redigerte Andreas Vevstad ei bok om Aust-Agder Bondekvinnelag, og i den står det om Valle at laget vart skipa 18. februar 1947 med Sigrid Aakre som formann. Laurdag 1. mars hadde dei så møte saman med Husflidslaget, og av referatet kan ein lese: **Bondekono kom som maure, ropa og sa: Skriv meg, skriv meg! Me vart 20 medlemmer den dagen.**

Sidan har laget stått for ei rekke utgjevingar av bøker om kultur i Valle, ikkje minst den flotte boka om mat som kom i fjor, var populær. Men og boka om korleis ein klær seg i bunad har vore til nytte. Sæbyggjen syng, og Sæbyggjen diktar og drøymer er og bøker som laget står bak. Mindre kjent er det at dei har dåpskjole til utleige for 10 kroner, at dei har stått for mange innkjøp av utstyr til forsamlingshus og kyrkje. I det heile har dei arbeidd til beste for bygda. Kursa dei har stått for er også viktige kulturformidlarar.

Basaren på sauesjået er vel det dei fleste møter når det gjeld Valle Bygdekvinnelag. Den er legendarisk og har vore eit viktig grunnlag for arbeidet, det er her dei har fått inntektene. Den har halde på sidan 1949, og er like populær i dag.

Til 50-års jubileet i 1997 fekk dei Valle kommune sin kulturpris. Åra etterpå har synt at det var eit svært godt val. I 2007, det året dei fyller 60, finn vi desse i styret:
Leiar: Randi Myrum
Nestleiar: Jorunn Lund Harstad
Skrivar: Lisbeth D. Homme
Kasserar: Ellinor (Nøste) Nyberg
Styremedlem: Torhild Sandnes

Gratulerer med dagen.

Ymse

Bjarnes Blååker

Legg att eit innspel

Dette bandet skal spele på Valle Motell Pub kl. 22 laurdag 6. oktober. Då er sauesjået slutt, men ein konsert om kvelden kan jo høve.

“Bjarnes blaa-åker” består av Tore Thomassen, Svein Helge Vikse, Ragnhild Ek, Espen Skeie og **Bjarne Ormestad**. Og instrumentallista er sang, fiolin, ukulele, kontrabass, banjo og trommer.

Tore Thomassen er mest kjent for mange barneplater. Han bur i Lillesand. Heimesida hans er her:
http://www.torethomassen.no/ og der er det mye stoff.

Svein Helge Vikse, som bur i Kristiansand, har også heimeside. Den finn du her:
http://www.musikkogfilm.com/

Ragnhild Ek spelar fiolin og deltek ved ei rekke musikkarrangementer i Kristiansand, men har ikkje eiga heimeside.

Espen Skeie spelar bass i Christiansand Bluesband og har lang erfaring som countrymusikar. Heimesida er her
http://home.no.net/cowboy76/

Leiar av Bjarnes Blååker er Bjarne Ormestad, men han finn eg lite om på nettet, bortsett frå at han alltid er entusiastisk.

Det er Folkeakademiet som har fått desse til Valle for å gle folk laurdag 6. oktober på Valle Motell.

Ymse

Kulturveke i 2007

Legg att eit innspel

Frå 5. oktober, det er midt i haustferien, vert det kulturveke. Første programmet er ein opningskonsert som Folkeakademiet arrangerer i Storstoga klokka 20 med Kirsten Bråten Berg, Arild Andersen og Paolo Vinaccio. Om du vil vite meir om desse musikarane, kan du sjå på wikipedia:
http://no.wikipedia.org/wiki/Paolo_Vinaccia
http://no.wikipedia.org/wiki/Arild_Andersen
http://no.wikipedia.org/wiki/Kirsten_Br%C3%A5ten_Berg

Alle er musikarar som har fått Gammleng-prisen, sjå
http://no.wikipedia.org/wiki/Gammleng-prisen

På sett og vis kunne det vore nok med konsert med ein av desse toppane i norsk musikkliv. Å få alle til å stille opp i Storstoga same kvelden, er ei bragd. Leif Kvinlog fortalde om programmet for Kulturveka i Kommunen informerer onsdagskvelden 19. september, det er bare vel to veker til det heile startar.

Seinare same kvelden vert det så Sauedans på Valle Motell. Då er det Mac Meadows som skal spele. Meir om dette bandet finn du her:
http://www.macmeadows.com/info.php

Denne fredagskvelden er det og sending i Valle Radio. Det er for heile dalen, og det er Bjørgulv T. Berg som skal vere programleiar og ansvarleg for kvelden. Rolf Erik Homme skal ha Open sending.

Det vert altså tre tilbod denne fredagskvelden før sjølve sauesjået. Som vanleg skal Bygdekvinnelaget ha basar i Menighetshuset sauesjådagen. Det har dei hatt sidan 1949, det har vore den faste inntektskjelda til laget, som i år fyller 60 år. Det skal dei etter det eg forstår markere med medlemsfest tysdag 25. september.

Dette var ein fyrste smakebit av programmet for kulturveka 2007. Meir kjem etter kvart.

Ymse

Formannskapet klart

Legg att eit innspel

I dagens sending var komande ordførar Bjørgulv Lund og Pål Dale gjester hos Bjørgulv T. Berg. Der kunne dei fortelje at formannskapet den neste perioden vil bestå av:

Ordførar Bjørgulv Sverdrup Lund, Høgre
Varaordførar Sigbjørg Næss, Høgre
Pål Dale. Kristeleg Folkeparti
Steinar Kyrvestad, Senterpartiet
Liv Tanche-Larsen. Arbeiderpartiet

Desse kjem med i planutvalet:

Leiar: Rune Mikkelsen, Høgre
Saavi Nomeland, Høgre
Anette Bjørgum Berg, Høgre
Arne Bakke, KrF
Hilde Pedersen, Ap
Torleif B. Harstad, Sp

Den siste er ikkje avklart enno, det er ein person frå Senterpartiet. Ettersom det skal vere minst 40 prosent kvinner i alle utval, må vedkomande vere ei kvinne. Høgre har alt ei kvinne frå si gruppe, det same har Ap. KrF har ikkje noko kvinne i si kommunestyregruppe, det har Senterpartiet i Ragnhild Nomeland og Liv Bratlie Løyland.

Ein kommune i Vest-Agder spurde fylkesmannen om å få dispensasjon frå kravet om 40% kvinner i utval, men det var det ikkje råd å få, for kravet om 40% kvinneandel er absolutt.

Ymse

Program for veke 38

Legg att eit innspel

**Tysdag 18. september**

Ansvarleg: Harald Haugland

18:00 Kvarteret
18:15 Over ein open Bibel
18:30 Noreamagasinet
19:05 Møteplassen
19:30 Salmekveld
20:00 Munnharpeforum.
20:20 Buxtehudeminne
20:30 Postludium ved Niklos K. Besteland.
21:00 Kyrkjebakken

**Onsdag 19. september**
Ansvarleg: Bjørgulv T. Berg
Teknikar: Knut Olav Tveiten
Telefonvakt: Berit Homme

18:00 Aktuell time
Samtale med Bjørgulv Lund og Pål Dale om valet
Telefon til Trygve Rysstad om Sylvgarden
Samtale med Leif Kvinlog om aksjon Syklar til Cuba 2007
19:00 Kommunen informerer
Leif Kvinlog om Kulturveka 2007
19:30 Tankar frå Bibelen ved Torleif B. Harstad
20:00 Bjørgulvs time med gjester
Gjest: Sigbjørg Næss, komande varaordførar
Visehalvtime med Ånund K.
21:00 Opi sending ved Britta Lise Homme og Bjørgulv T. Berg

Ymse

Til fellesskapets beste

Legg att eit innspel

**Den tillitsvalde har prioritert å bruke ein del av livet til fellesskapets beste.**

Det var leiar i Utdanningsforbundet, Helga Hjetland, som sa dette til deltakarane på Utdanningsforbundet Aust-Agder sin tariffkonferanse i dag. Eit femtitals tillitsvalde frå alle kommunane i fylket er samla på Quality-hotellet i Sørlandsparken for å tenkje strategi om lønspolitikk og fagforeningsarbeid. Eg har fått høve til å vere med, det har vore ein interessant dag med mange innspel som eg ikkje skal referere her. Men sitatet over tek eg med for å setje søkelyset på noko som gjeld i mange samanhengar, det kan utan tvil også brukast på engasjementet i Valle Radio.

Å bruke ein del av livet til fellesskapets beste er ikkje sjølvssagt, det er etter kvart blitt vanskelegare å finne folk til ei rekke tiltak som vert prøvd å setje i verk til fellesskapets beste. Men i Valle Radio lever ideen om at det er viktig å ta eit tak til fellesskapets beste. Når Ørnulf og Jørund, Kjetil Carolis og Helge saman med Sigurd Haugsgjerdlagar ei fem timar lang valsending, får fellesskapets beste ein utvida dimensjon, ikkje bare er det tale om underhaldning der og då. Det er også hjelp til folk som skal stemme slik at dei skal ha best mogleg grunnlag for å gjere sitt sjølvstendige val.

I mange samanhengar er det tale om å bruke av tid og krefter til fellesskapets beste. Fellesskapet kan vere ei forening, ei bygd eller ein kyrkjelyd, til dømes. Om ein ser seg rundt når ein køyrer i landet vårt, finn ein mange eksempel på at grender og bygder har etablert skulehus, grendehus og bedehus til fellesskapets beste i år der landet vårt ikkje på langt nær var så rikt som no. Framleis er ein slik tradisjon levande i mange grender, sjølv om ein nok kan merke at folk er mindre viljuge til å stille opp til fellesskapets beste. Vi er nok blitt meir individualistiske dei siste åra. Om det er jappebølgja eller andre grunnar, skal ikkje eg seie for sikkert, andre har kanskje sterke synspunkt her.

At nokon stiller opp til fellesskapets beste er ikkje mindre viktig i vår tid, anten det gjeld idrottslag, bygdekvinnelag eller Valle Radio. Vi har vore heldige i Valle, dugnadsånda lever framleis i rimeleg grad her i bygda.

Lat oss gjere vårt beste for at det kan halde fram og i dagar som kjem

Ymse

Motorferdsle i utmark – feil i vedtak

Legg att eit innspel

Onsdagskvelden var driftssjef Ingvar Nes i Valle Radio i programposten **Kommunen informerer**. Her kunne han fortelje at formannskapet hadde vedteke ein høyringsuttale om motorferdsle i utmark. Den var samrøystes, men den var på to sider, så det ville føre for langt å lese opp alt som stod i den høyringssuttalen. I staden lova han å leggje den ut på kommunen sine heimesider, og no ligg den der, sjå http://www.valle.kommune.no/Modules/article.aspx?ObjectType=Article&Article.ID=814&Category.ID=1145

**Nytt regelverk for motorferdsle i utmark – høyringsuttale**
Eg kopierer ikkje heile uttalen her, du kan klikke på lenka over. Men eit lite avsnitt tek eg med, for det kan etter mi meining ikkje vere rett. Det gjeld punkt 2.2. Lokale brukarinteresser, siste avsnitt. Der står det:
Valle kommune forfektar sjølvsagt **ikkje** at også slik køyring må underleggast omhyggeleg vurdering før løyve, men slik vurdering kan med fordel gjerast, som understreka tidlegare i uttala, i samanheng med løypeplanar og som del av ein heilskapeleg planmessig arealforvaltning.

Det må vere feil, etter mi meining og bør rettast opp i neste kommunestyremøte. Det er kome eit ikkje for mykje i første linja. Eg har utheva det og meiner det må bort. Ut frå innhaldet i resten av uttalen, kan det ikkje vere meininga at dette skal stå her. Valle kommune meiner (forfektar) at slik køyring (av grunneigarane) skal underleggjast omhyggeleg vurdering før løyve……

Om formannskapet sov etter valet, veit eg ikkje, men eg vonar at dei vaknar til neste kommunestyremøte. Etter det eg høyrer, skal nytt kommunestyre konstituerere seg i septembermøtet, som vel som vanleg er siste onsdag i månaden.

Ymse

Norske attraksjonar

Legg att eit innspel

I kveld starta programserien om norske attraksjonar som Linda Eide står bak. Ho var i Valle i vinter eller var det i fjor haust og gjorde opptak til programmet. Eg hadde eit intervju med henne i Valle Radio den gongen. Difor sette eg meg til rette framfor TV-en i kveld klokka 2230 for å sjå kva ho hadde funne til attraksjonar. Her er lenke til programmet hos NRK http://www.nrk.no/programmer/tv/norsk_attraksjon/1.3399900

Attraksjonane var
*Ofredalstunnelen – Noregs brattaste tunnel – http://no.wikipedia.org/wiki/Ofredalstunnelen
*Fridtjof den Frøkne – statuen på Vangsnes – http://no.wikipedia.org/wiki/Vangsnes
*Gollis – jolenissen på Lyngseidet – http://no.wikipedia.org/wiki/Lyngseidet
*Pløyekunst i Odal

Det var eit interessant program utanom allfarveg. Linda Eide er ein attraksjon i seg sjølv, ein fascinerande reporter med eit velklingande vossamål.

Av desse attraksjonane opplevde eg Fridtjof den Frøkne i haust då vi var på tur til Ålesund. Vi hadde overnatta i Vik i Sogn etter ein fin tur frå Valle. I staden for å sove på Voss, køyrde vi over Vikafjellet om kvelden, noko som i ettertid synte seg å vere svært lurt, for det kom snø på fjellet om natta. Då vi neste morgon la i veg nordover, høvde det slik at vi slapp å vente på ferja, men kunne køyre rett ombord. Dermed vart det ingen tur opp til Fridtjof denne gongen, elles har han gjerne fått eit besøk når vi er den vegen. Det var artig å sjå Linda stå der mellom føtene på den 22 meter høge skulpturen, ho vart lita der.