I den veka som ligg bak oss har Froland vore i media som aldri før. Det var skogbrannen i den gamle kommunen Mykland som fekk TV-team og journalistar til å sleppe det dei hadde i hendene og reise til Indre Agder for å snakke med dei som sloss mot brannen. Fredag kom skogsministeren og justisministeren til Mykland for med eigne augo å sjå skadene som brannen hadde gjort, og då kom og fleire helikopter på plass. Regnet natt til i dag var svært kjærkome, men alt for lite, og sjeldan har vel regnver vore helsa så velkommen på Agder som no.

Eit innslag på TV fanga min interesse. Det var eit lite rådyrkje som hadde blitt berga unna brannen. No venta opphald i Dyreparken i Kristiansand, sa mannen som heldt kjeet innanfor jakken og kjende kor fort hjarta slo i ukjende tilhøve langt borte frå mora, som vonleg kom seg unna dei rasande flammane.

Det fekk meg til å tenkje på alle dyra som var utsett for brannen. Det er ikkje bare hytter og hus som er truga når noko slikt skjer, dyrelivet og plantelivet vil vere prega av dette i årevis framover.

I Mandal har det og vore tørt. I går stod eg i vinduet og såg ut på eit rådyr som gjekk og beita i kanten på ei nyslått eng. Det fylgde med på biltrafikken, men nappa i seg gras som ikkje var teke av slåmaskinen. Så hoppa det over ein bekk og stilte seg opp på andre sida, og plutseleg var det to kje som fekk melk under det.

Rådyr har ein praksis med å gje kjea kommando om å liggje og trykkje i graset. Difor rømer dei ikkje om slåmaskinen kjem, og kvart år er det mange som går i forhaustarar, noko som øydelegg graset og naturlegvis er svært trist for alle partar. Mange bønder går difor gjennom enga før dei slår, for å prøve å unngå slike situasjonar.

Men her var det to kje som hadde overlevd slåtten. Ved andreslåtten er dei truleg så store at dei er på farten saman med mora. Eg gledde meg over det, sjølv om eg veit at hageblomane er truga seinare på sommaren.

http://no.wikipedia.org/wiki/Froland med lenker til skogbrannen i 2008
http://no.wikipedia.org/wiki/Skogbrann
http://no.wikipedia.org/wiki/Rådyr

Desse to kunstnarane dukka opp på denne sida: http://www.johannelouise.no/, på ei underside Intervju. http://www.johannelouise.no/intervju.htm

Der fortel Johanne Louise om kven som har påverka henne. Dei to kunstnarane var knytte til Galleri Henrik i Eidsvoll, galleriet som er oppkalt etter 200-årsjubilanten Henrik Wergeland.

For ein setesdøl er det litt langt å dra til Eidsvoll, men Olav Bjørgum sin kunst kan du sjå på Setesdalsmuseet i heile sommar, så det kan vere lurt å planlegge ein tur dit. Sjå http://www.setesdalsmuseet.no/index.php?m=nyhet&m_action=les_mer&id=2 Frå 22. juni er den open dagleg mellom 11 og 17.

Odd Skullerud stiller også ut der i sommar. http://www.setesdalsmuseet.no/index.php?m=nyhet&m_action=les_mer&id=7

Her er eit galleri som viser nokre av bilete han har måla: http://www.of.fylkesbibl.no/galleri/skullerud_utstilling.htm

Og her er ei anna nettutstilling, frå Galleri Henrik Gerner. http://www.ghg.as/skullerud/index.html

Styret har i 2007 bestått av Harald Haugland, leiar, Ørnulf Hasla, nestleiar, Helge Homme, kasserar, Jørund Georg Jore, teknisk sjef og Inga Flateland, styremedlem. Varamedlemmer har vore Leif Kvinlog og Anna Rysstad.

**Aktivitet**
I 2007 heldt vi fram med det opplegget som vi etter kvart har falle ned på: Sendingar tysdagar og onsdagar i skuleåret og i samarbeid med Evje Radio fyrste fredag i annankvar månad + nokre ekstrasendingar

Dermed får vi denne lista med til saman 68 gonger på lufta:

28 onsdagssendingar:
3., 10., 17. og 24. januar
7., 14. og 21. februar
7., 14. og 21. mars
11. og 18. april
2., 9., 16. og 23. mai
6. og 13. juni
22. august
12. og 19. september
10., 17. og 24. oktober
7., 14. og 21. november
5. og 12. desember.

**4 Heile dalen-sendingar **
2. februar
5. oktober
Skjærtorsdag
1. påskedag

**4 spesielle sendingar**
6. september: Valsending
10. september:
Etter valet
22. desember:
Jolesending

**10 kommune-styremøter**

**23 tysdagssendingar**
2., 9., 16., 23. og 30. januar
6., 13. 20. februar
6., 13., 20. og 27. mars
10., 17. og 24. april
15., 22. og 29. mai
5. og 12. juni
21. og 28. august
4., 11., 18. og 25. september
9., 23. og 30. oktober
4., 11. og 18. desember

**Medarbeidarar:**
Programleiarar:
Bjørgulv T. Berg, Helge Dahle, Ørnulf Hasla, Harald Haugland, Britta Lise Homme, Øyvind Jacob og Theis Salvesen.
Open sending:
Jorunn Lund Harstad, Rolf Erik Homme,
Teknikarar:
Inga Flateland, Torleiv Soltun Haugen, Jørund Georg Jore, Gudrun Rysstad, Torhild Sandnes, Knut Olav Tveiten
Telefonvakter:
Torbjørg Hoftuft, Berit Homme, Bjørg Ragnhild Trydal Jansen, Gudrun Nomeland, Anna Rysstad, Ingebjørg Ellinor Rysstad, Ingun Uppstad
Andre medarbeidarar:
Niklos K. Besteland, Torleiv B. Harstad, Håvard Viki
I tillegg kjem folk som har vore med under spesielle sendingar og som eg ikkje har nemnd.

**Valle Radios blogg**
Harald Haugland skriv bloggen og har hatt 368 innlegg i 2007. Den har hatt 45.237 besøk og 153,273 sidevisningar .i 2007.

**Årsmøtet i fjor**
Eg tek med litt frå årsmøtereferatet i fjor og kommenterar kva som er gjort.
1. Her var det tale om mange ting, mellom anna at sendaren på Hovden ikkje har vore oppe i periodar og at P4 fell ut ved straumbrot. Dette er noko som kviler på samarbeidet vårt med Bykle radio, så vi bør arbeide for å ha det best mogleg. Om det er ein sendar som fell ut, er det viktig at ein melder frå til Jørund, som er vår tekniske sjef.

Dette er teke opp med Bykle og fiksa. Det har og vore ei synfaring på Løefjødd og Ljom før påskesendingane 2008.

2. Vidare snakka vi saman om kompetanseheving og meinte at vi kanskje skulle prøve å få til ei inspirasjonssamling på Gimlekollen Mediesenter med opplæring og trening.

Dette skjedde 31. mai 2008.

3. Det vart teke opp at programmet Kommunen informerer er på ei ulagleg tid når det konkurrerer med Dagsrevyen, så kanskje ein skulle finne ei betre tid for det.

Vi har vald å halde på denne tida, då det er høveleg for dei kommunetilsette som skal vere med.

4. Vi snakka og om at vi må gjere noko for å få ei ny internettside. Det var Hallvard sitt prosjekt, og vi må finne ein måte å vidareføre denne sida.

Her har styret drøfta saka, men ein har ikkje kome så langt at ein har fått ei ny side opp enno. Tanken er at ein skal ha lenker til program som kan leggjast ut, og vi har kontakt med eit byrå som vil drifte det for oss.

5. Fleire andre område vart drøfta, og Helge Dahle fekk i oppdrag å sjå om han kunne få til ei fornying av reklame og jinglar. Rydding og reinhald i radioen var også oppe. Det er eit område som vi må finne ei løysing på.

Reklame har Britta Lise teke seg av og det vert nye reklamar til hausten. Men rydding og reinhald har vi ikkje funne noko løysing på, så der er det dugnad som gjeld.

**Takk**
Eg vil takke alle for innsatsen i året som gjekk og be dykk engasjere dykk vidare arbeid til beste for bygda gjennom Valle Radio.

Valle 10. juni 2008

Harald Haugland

**Årsmøte 12. juni 2008**

Det kom seint, men godt, årsmøtet i år. 9 personar møtte opp på Valle Motell i kveld:

Hans Petter Anderssen, Niklos K. Besteland, Inga Flateland, Ørnulf Hasla, Harald Haugland, Britta Lise Homme, Helge Homme, Rolf Erik Homme og Halvor Rike

Harald Haugland vart vald til møteleiar og til å skrive referatet og legge det ut på bloggen.

Innkallinga vart godkjent, annonse var i Setesdølen fredag 6. juni. Så las Harald Haugland årsmeldinga, som vart godkjent samrøystes. Den vert lagd ut i ein annan post på bloggen.

Halvor Rike las opp rekneskapen. Årets inntekter var 276.810, utgiftene var 176.767, så det vart eit godt resultat etter drifta dette året: 110.045. Liv Bratlie Løyland har vore revisor og han las opp revisjonsberetninga frå henne. Rekneskapen vart så godkjent samrøystes.

Motellet hadde klar pizza til oss, og praten gjekk livleg medan vi forsynte oss.

Deretter var det val. Øyvind Jacob frå valnemnda hadde levert forslag til styreleiar. Helge Homme og Jørund Georg Jore var på val og vart attvalde. Styreleiar Harald Haugland vart og attvald. Varamann Leif Kvinlog flytter frå bygda, i hans plass kom Britta Lise Homme inn som varamann. Anna Rysstad vart attvald. Revisor Liv Bratlie Løyland vart attvald, det same vart valkomiteen med Øyvind Jacob og Niklos K. Besteland.

Under Eventuelt drøfta vi desse sakene:

1. Ny heimeside.
Årsmøtet meinte at deadline for å ha denne oppe, burde vere 1. september 2008.

2. Air Condition
Radioen har fått varmepumpe i gåve og Helge Dahle vil installere denne. Styreleiar må ta kontakt med huseigar om dette og om kaldtlageret.

3. Nedlasting av musikk.
Ein burde få eit system for å laste ned musikk. Er det råd å finne ut korleis ein gjer det i andre lokalradioar.

4. Nok teknikarar til hausten
Det vert manko på teknikarar til hausten og vi bør prøve å skrive i Setesdølen om det.

5. Meldingar i brev
Det er viktig å sende meldingar og oppsett i brev, ikkje bare epost, for fleire av dei som er med og driv radioen, har ikkje epost.

6. Reinhaldet
Dette er ikkje i system, og vi diskuterte ulike løysingar. Konklusjonen var at ein skulle ha ein dugnad for nedvask/ reinhald så snart som råd.

7. Samarbeid mellom programleiar og teknikar
Det er eit mål å kunne møtast klokka 17:30. Programleiar må ha musikken klar, slik at teknikar slepp å finne musikk.

8. Kick off
Før starten til hausten bør ein ha ein kick off og sjå på kva som kan gjerast betre i året som kjem.

Møtet var slutt klokka 20:45

For ei tid tilbake (laurdag 31. mai) var vi på kurs på Gimlekollen. I fleire timar der drøfta vi:

**Kva er god radio? **

Læraren vår, Roy Emanuelsen samla synspunkt frå medarbeidarane i Valle Radio. Så noterte han dei som stikkord og praten gjekk. Her er stikkorda, du kan få del i det vi snakka om:

Informasjon – det må være et innhold
Variasjon
Målgruppetenkning
Dialektgjenkjennelighet
God tone i studio
Humør og humor
Trygge programledere
Å være forberedt
Gode intervjuer
Avslappa stemning
Møte med personer som gir noe av seg selv
God musikk
Inkludert lokal musikk
Lytterkontakt

Etter at vi hadde snakka saman ganske lenge og engasjert oss i spørsmålet, leita han fram noko frå teorien til Knut Røe og John Sawatsky, to forfattarar som har skrive om temaet:

Gode programledere/reportere

Morsomme, flinke engasjerende
Byr på seg selv
Ordlegger seg bra
Gir meg en god følelse
Får lytteren til å danne seg bilder – la seg engasjere
Aktuelle tema
Noe jeg synes er interessant
Møte med mennesker
De som har en historie
De som får oss til å le, gråte bli glad, irriterte
Billedskaping
Skap opplevelse, enten du er programleder eller reporter

Meir om Knut Røe finn du her:
http://www.bokkilden.no/SamboWeb/produkt.do?produktId=71219&rom=MP
http://81.0.149.237/kursv2005/Kilde%20og%20metode/kreativt.htm

Engelsk Wikipedia har ein artikkel om John Sawatsky:
http://en.wikipedia.org/wiki/John_Sawatsky

No spelar Britta Lise inn reklameopptaka som skal nyttast til hausten. Ho har brukt fleire kveldar saman med ei rekke personar for å få til nye reklamar. Ingen av dei gamle skal vere med vidare.

Det er eit stort arbeid å organisere dette. Først skal ein finne ut kven som vil ha reklame og stø oss med å vere med. Så skal ein klekkje ut sjølve reklameteksten og få den godkjent av dei som bestiller reklamen. Deretter er det å finne dei som skal lese inn og ein dag som passar då dei kan vere med.

Til slutt skal sjølve innlesinga gjerast, og sjølv om reklamen er på eit halvt minutt eller mindre, tek det si tid før det er gjort. Difor har det blitt mange kveldar i radioen i det siste.

Det har vore positivt, folk vil gjerne vere med, men ikkje alle vil lese inn sjølv. I år har ho satsa litt på at dei som reklamerer, skal lese inn sjølv. Men ein kan gå rundt og få ein kunde til å vere med, det fungerer jo og.

Det er interessant å sjå at det har vore stor interesse for å vere med, og arbeidet med å få reklameopptak på plass er etter kvart under kontroll. Så når vi startar opp att til hausten, vil det vere nye reklamar.

I mai var Olav Bjørgum i studio og fortalde om utstillinga som han no har sett opp på Setesdalsmuseet for sommaren. Det er ei omfattande utstilling som eg vil anbefale alle å ta turen innom for å sjå. I Setesdølen stod det at mest alle hus i heile Setesdal har noko han har laga, og om ein reknar med Jol i Setesdal, er det sikkert rett, for han har illustrert joleheftet til Mållaga i Setesdal sidan starten.

Så var det og bror hans, Torleif H. Bjørgum som starta heftet. Slik sett har brørne frå Bjørgum verkeleg gjeve dalen ein rikdom vi har kunna dele med kvarandre. Olav har klart å leve av teikningane sine etter at han etablerte seg. Her er ein artikkel om han på wikipedia: http://no.wikipedia.org/wiki/Olav_Bjørgum

Om du får gjester i sommar, bør du ta dei med på museet. Der kan du og kjøpe bilete av Olav Bjørgum. Her er presentasjonen på heimesida til Setesdalsmuseet: http://www.setesdalsmuseet.no/index.php?m=nyhet&m_action=les_mer&id=2
Utstillinga er open kvardagar kl. 12 – 15. Frå 22. juni ope dagleg mellom kl. 11 – 17

Olav Bjørgum fortalde i programmet der Bjørgulv T. Berg intervjua han om humoren i bileta. Ofte kan den gje eit ekstra perspektiv. På museet sine sider er teikninga med denne teksten: “Stundom sit eg å tenkjer, å stundom sit eg barre.”

I dagens Fædrelandsvennen sitt God helg hadde dei ei stor dekking av unge og lovande personar på Agder. Ein av politikarane som var med i opplegget, var Valle sin varaordførar Sigbjørg Næss. Ho er nyleg flytt til Valle og gjekk rett inn i kommunestyret ved valet i 2007, og sanneleg lukkast ho så godt at ho fekk oppgåva å vere varaordførar.

I artikkelen hadde dei funne fram til 25 slike unge og lovande personar frå Agder, anten var dei herifrå eller så budde dei her. Lenka syner til oversikten: http://www.fvn.no/vi_og_vart/livet/Ung/ Og her er lenka til Sigbjørg: http://www.fvn.no/vi_og_vart/livet/Ung/article588247.ece

Andre setesdøler som er med: Trym Bjønnes; http://www.fvn.no/vi_og_vart/livet/Ung/article588283.ece
Kjell Ingolf Ropstad: http://www.fvn.no/vi_og_vart/livet/Ung/article588248.ece