Normalt tenkjer eg om meg sjølv at eg er noko flegmatisk. Eg let meg ikkje hisse opp så lett og går sjeldan i taket. Om dei som kjenner meg er samde, veit eg ikkje.

Men tysdagskvelden vart eg litt ilter. Ved tre-tida den dagen fekk eg ein SMS frå LOS om at det skulle vere straumbrot i Valle ca. klokka 21:15 og i nokre minutt. Normalt sluttar eg sendinga mi klokka 21:10, så eg tenkte at eg skulle i alle fall slutte 21:10 denne dagen, slik at det ikkje skulle bli problem. Men midt i kunngjeringane mine klokka 21:03 gjekk lyset og det var bare å famle seg ut av radioen og køyre Niklos heim. Så var vi ikkje komne lenger enn opp til kommunehuset, så kom straumen att.

Men eg var framleis ilter, og når eg tenkjer på det, irriterer eg meg til og med ein fredagskveld, tre døger etter hendinga. Eg meiner at ca. 21:15, det er ikkje 21:03. Når dei sender ut nokre hundre sms-ar for at folk skal vite om ein straumstans på førehand, då bør det klokkeslettet dei skriv, vere det som gjeld. ca. 21:15 er for meg perioden mellom 21:12 og 21:18 og ikkje perioden mellom 21 og 22. Om dei skulle ta straumen klokka 21:03, kunne dei skrive ca klokka 21:00, så kunne ein tilpasse seg det.

No enda det heile i at vi ikkje fekk kople ned og inn P4, så onsdagen var det stille på frekvensen, og då vi skulle kople opp att onsdagskvelden, måtte vi ha hjelp frå teknisk sjef Jørund Georg til å få forbindelsen til Bykle.

Ikkje lett å vere flegmatisk under slike høve, nei.

Eg har site og tenkt på påskesendingane og er storleg imponert over resultatet. Eg føler at vi utvikla dei eit steg vidare i år med Facebook-gruppa vår. Plutseleg fekk vi ut informasjon til folk som ikkje får Setesdølen på Moisund eller som abonnentar. Det synte seg at Internett er ein svært viktig kanal for slike lyttarar, og det var mange som høyrde på sendingane på den måten.

Når folk finn fram til Valle Radio på internett, må det tyde på at dei har tilhørighet til valle og til radioen. Vi som er ferske i internettsamanheng ser truleg ikkje alt som ligg i å gjere nytte av dette systemet, men Ronny fortener stor takk som heldt kontakt med den delen av lyttarene våre.

Det er viktig å få heimesida opp på nettet no. I fjorårets årsmøte var planen at vi skulle få den opp til over sommaren 2008. At ho ikkje er på plass som ein rik kanal for folk som er interesserte i Valle Radio er eit tap – midt i rikdomen som påskesendingane gav oss. Vonleg får vi den på plass om ikkje altfor lenge.

I kveld var det siste sendinga av årets påskelotteri. Sendinga starta med ein runde som Ørnulf Hasla og Øyvind Jacob hadde til hjelpekorpsa og politiet. Sigurd Haugsgjerd i Setesdølen hadde og ein nyhetsbulletin, men det hadde vore ei stille påske på alle stader. I dag var det ein leiteaksjon etter ein gut som var komen bort frå familien, men heldigvis enda det lukkeleg.

Sigurd skulle fylle 10 minutt, men når det ikkje har skjedd noko, måtte han ty til gamle nyheter frå Setesdølen. Men han meinte at politiet hadde lurt alle trafikantane på riksveg 9 på veg til fjellet, for dei hadde sagt dei skulle vere på vegane, men ingen hadde sett noko til dei.

Klokka 20 starta loddsalet, og etter den gode kvelden på skjærtorsdag, var forventningane høge hos Helge Dahle, Tore Katerås og Britta Lise Homme, som var programleiarar i kveld. Konseptet for programmet er ganske enkelt; Rebusar, helsingar og opplesing av namna til dei som kjøper lodd. Då sendinga slutta, var resultatet kome opp i 212.000.

Alle som kom inn i studio og hadde svar på rebusar, fekk premiar frå sponsorar. Om dei song eller hadde ei soge, så fekk dei ekstra premie.

Med Facebook som kommuniskasjonsmiddel i tillegg til epost, sms og telefon tok vi eit steg vidare, og det kom ein del helsingar på den kanalen i løpet av sendinga. Eg sit i Mandal og les og ser at vi har fått kommentarar frå Taiwan, USA, Frankrike, Vennesla, og ein del andre stader. Pre

Premiar gjekk til Solveig Huset, Liv Øgland, Malene Nygård Homme, Rolf Rike, Straume Handlaft, Eldbjørg Fennefoss, Eli Anita Foss, Statoil Rysstad, Geir Dyrstad, Sigrid Rysstad, Gudrun Steig, Solveig Skovskov, Geir Dyrstad, Gudrund Toril Rysstad, Grete Tveit, Vegard Rysstad, Arne Åkre, Torstein Hermansen,

Skinnfua gjekk til Kjell Olav Uppstad, Uppstad Transport og Anlegg.

Sendinga vart avslutta med ein stor takk til alle som hadde vore med på å lage sendinga.

Gratulerer med eit strålande resultat og vel blåst til alle som stod på for å gjennomføre sendinga!

Det vert med ei kort påskehelsing i dag, truleg det kortaste innlegget eg har hatt på bloggen nokon gong:

God påske!

Første dagen av påskelotteriet vårt vart det kjøpt lodd for 131.600 kroner, det er vel 25.000 kroner meir enn i fjor. Takk til alle som kjøpte lodd. Det er desse pengane som vert brukte til å drive Valle Radio heile året.

I tillegg til den tradisjonelle skinnfua, mannsbunad sauma etter mål, er det ei rekke andre fine gevinstar. Den som vart trekt ut til å svare på rebus, fekk premie, som regel eit gåvekort frå ein av sponsorane våre. I tillegg var det i sendinga i går timetrekking av vinnarar som hadde kjøpt lodd. På Facebook auka talet på medlemmer i gruppa til 309 når eg skriv dette, i går var talet under 300. Eg lurer jo på om vi kjem til 500 i løpet av sendinga 1. påskedag. Målet vårt bør vere at det er like mange på Valle Radio-gruppa på Facebook som det er innbyggjarar i Valle kommune. Men det får kome etter kvart. Fyrste målet er no å kome til 500.

Her er viktig informasjon framom sendinga 1. påskedag:
lodd :94504434 eller sms : 98030310,
helsing 37937578 eller sms helsing : 98443644
mail : post@valleradio.com
og her er lenka til Valle Radio på Facebook: http://www.facebook.com/group.php?gid=24202689958

http://159.171.56.7/ValleRadio

Dette er internettadressa som eg no sit og høyrer Valle Radio over. Eg sit i Mandal og plundra litt, for eg brukar ubuntu, som er ein linux-versjon som operativsystem, og tidlegare har eg ikkje fått inn radioen. Men no var hjelp å få av Helge som er heime på påskeferie, så eg fekk med meg slutten av ringerunden der Ørnulf og Bjørgulf snakka med Tokke Hjelpekorps, Kristiansand Hjelpekorps som er på Hovden og med Dag Hovden frå politiet. Dei kunne alle melde om ein roleg periode på fjellet dei fyrste dagane av påskeferien.

Så starta open sending med Helge Dahle, Tore Katerås og Rolf Erik Homme. Dei hadde rebusar og helsingar og loddsal etter god gammal ordning. Ein time ut i sendinga las dei opp ein som hadde kjøpt 333 lodd a 10 kroner. Mange andre hadde og kjøpt 1000 lodd, så klokka 22:20 hadde dei passera 60.000 i loddsal. Torleif Soltun som teknikar sette inn musikk og jinglar med telefonnummer. Og så var det helsing på helsing. Frå sør og nord i dalen, frå Brokke og Hovden og Evje og kor dei no rinte frå.

Etter kvart som salget gjekk framover var det og halvtimesloddtrekning, fleire fine gevinstar frå sponsorane. Inntrykket mitt fram mot klokka 22:30 var at sendinga held godt merke. Takk til alle lyttarar som engasjerer seg i Valle Radio.

Årets lesesirkel knytt til Valle folkebibliotek heiter Agder leser baltisk. Det er eit samarbeid med foreningen Norden Agder distrikt, Nordisk informasjonskontor Sør-Norge og Aust-Agder bibliotek og informasjonsformidling. Lisbeth Dahlquist Homme skaffar bøker, og vi som er med i lesesirkelen har møter der vi snakkar om det vi les. Eg hadde vel aldri fått lese noko i denne samanhengen om det ikkje var for at eg er med i lesesirkelen, og gode opplevingar har eg hatt fleire av.

I april har ein på wikipedia ein konkurranse om å skrive artiklar om Estland. På estisk wikipedia skriv dei om Norge, og begge konkurransane er i samarbeid med ambassadane, Estlands ambassade i Oslo samarbeider med norsk wikipedia, både bokmål og nynorsk, og Norges ambassade i Tallinn samarbeider med estisk wikipedia.Konkurransen starta 4. april, og alt no har det blitt skrive ei rekke nye artiklar om Estland på norsk wikipedia. Du kan sjå nokre av dei her: http://no.wikipedia.org/wiki/Wikipedia:Estland_2009

Sjølv har eg hatt nytte av heftet Agder leser baltisk som vi fekk i samband med lesesirkelen. Der finn eg nokre av forfattarane frå Estland og kan hente informasjon om dei når eg skriv på wikipedia.

Alt heng saman med alt, var ein replikk eg høyrde på tv her ein dag. Av og til kjennest det slik. Og Valle hadde ein vennskapskommune i Estland, Avanduse. Det er vel ei tid sidan relasjonane har vore aktive, men plutseleg kom dei til nytte. Eg får prøve å finne ut meir om Avanduse i morgon, meir kjem då…

Å vere oppdatert er viktig. I dag fekk eg oppdatert datamaskinen min. Som vanleg arva eg ein etter ein av ungane som har fått seg ny. Den eg hadde, var åtte år gammal, den eg har no er fire år gamal og bare fjerdedelen så stor og knapt det. Men ettersom eg har små behov samanlikna med ungdommar som likar bilete og spel, kan den gjere nytta sjølv om han ikkje er av siste fancy modell. Det er ein IBM-maskin, og IBM slutta å forhandle PC-ar til private for fire år sidan, fortel dei meg.

Jaja.

Eg føler det likevel som jolekvelden. Han går mykje stillare, til tross for at den gamle hadde ei svindyr vifte som nettopp skulle gå stille.

Etter litt prøving og feiling er eg no på nettet att. Med gode hjelparar i huset vert det sikkert råd med å få inn påskesendingane i Valle Radio og dette året. No er det bare tre dager att, så er dei i full gang.