Eg lova at eg skulle skrive om den plata eg fekk i går. Eg reknar med at ho nok blir spelt i eit eller to av programma mine i Valle Radio når vi startar opp att til hausten. Plata har same namnet som tittelen på dette innlegget på bloggen: Commonly Unique. Her er lenke til artikkel om plata på wikipedia: http://no.wikipedia.org/wiki/Commonly_Unique

Plata har 13 songar, som du ser i wikipedia-artikkelen. Alle er på engelsk. Det er slåande vakkert å høyre på.

Eg fann omtale av plata i fleire nettbutikkar, til dømes her: http://www.a-cappella.com/product/2825/jazz-realgroupcds Dei skriv: (omsett av meg): Denne CD markerar slutten av omforminga som The Real Group har gjort frå å vere “verdas største vokaljazzgruppe” til å bli ei vokalgruppe som syng original musikk frå samtida. ”

Anmeldelsen i VG finn du her: http://www.vg.no/musikk/artikkel.php?artid=8886874 Kurt Bakkemoen seier det slik:

Svenske The Real Group synger a cappella slik at du nesten tror de jukser!

Den svenske sangkvintetten har en imponerende stemmekontroll. På deres nye plate høres det ut som om de bruker instrumenter. Det er helt feil. Alle «instrumentene» vi hører er stemmene til The Real Group. Gjennom sin lange karriere, som strekker seg over 16 år, har de tatt a cappella-sangen et stort skritt videre. Denne gangen har de laget nærmest et rendyrket popalbum, selv om det er enkelte jazzelementer i noen av sangene. Bandet har selv skrevet alle sangene på platen.

Stemmekontrollen er unik. Lytt på albumet og la deg imponere over den vokale innsatsen.

«Commonly Unique» er unik, og platen fortjener internasjonal interesse! Lytt bare på «Substitute for Life», «Big Bad World» og ikke minst «Lift Me Up».

Så du har noko å glede deg til….

For nokre år sidan kom Sigmund heim med ei plate med himmelsk vellyd. Ingen akkompagnement, bare song a capella. http://no.wikipedia.org/wiki/A_cappella Det var The Real Group, som eg sidan har fått høyre i ulike samanhengar, og som eg og har delt med nokre av dykk lyttarar i Valle Radio. I dag importerte eg den svenske artikkelen til norsk wikipedia og omsette den, så no har vi ein artikkel på norsk om gruppa: http://no.wikipedia.org/wiki/The_Real_Group

Å skrive på wikipedia er ei interessant erfaring. Eg er ikkje flink med malar og infoboksar, så eg gjekk til irc-kanalen og spurde om hjelp. Det gjekk bare åtte minutt frå eg hadde omsett artikkelen og bede om hjelp til infoboksen var fiksa av ein annan wikipedianar.

På wikipedia arbeider alle for å få til eit best mogleg resultat. Det er ikkje slik at ein eig resultatet sjølv om ein har skrive mykje av artikkelen eller starta han. Det er fellesskapet som eig resultatet, og det ligg der for at den som kjem seinare, skal få god og rett informasjon. Når det gjeld denne artikkelen, så er det lenker til den på seks språk, så ein kan gå inn og få meir informasjon på dei språka ein sjølv forstår.

Enno er det mange røde lenker i artikkelen, det vil seie at det ikkje er noko informasjon på desse titlane. Men på svensk er det mogleg å finne informasjon om kvar einskild musiker og om fleire av platene. Den engelske artikkelen er 9881 bokstavar, medan den svenske er 3200 og den tyske og dei andre er noko mindre.

I dag fekk eg ei ny plate av denne gruppa. Den skal eg skrive meir om i morgon.