Bjørgulv T. Berg kunne ikkje vere med i kveld, han skulle på eit møte. Men eg hadde funne noko musikk basert på melodien It is well with my soul. Her er litt om soga bak songen og teksten:
http://www.livetskilde.org/norsk/11_cd_05.htm
http://www.cyberhymnal.org/htm/i/t/i/itiswell.htm

Eg hadde funne fire versjonar av songen i samlinga til Valle radio:
1. Dwight Yoakam
http://countrymusic.about.com/library/blsohwohrev.htm
2. Oddrun og Odd Dubland
Her er eit intervju med Dubland
http://dagen.no/show_art.cgi?art=3279
3. Mahalia Jackson
Her er ein engelsk biografi
http://www.mp3.com/mahalia-jackson/artists/1949/biography.html
4. Jessy Dixon
http://www.jessydixon.com/

Det er heilt utruleg korleis same songen kan verte fire ulike, svært vakre stykke, prega av den som framfører han.

I dag var eg tidleg i radioen, eg sat og førebudde meg, men 17:53 tenkte eg at eg får kople opp. Eg fann ei plate med Skruk som eg ville spele i samband med oppkoplinga og ringde nummeret til Bykle radio, slik eg har gjort nokre gonger no.

Så synte det seg at det etter at eg hadde ringt og slått på utstyret i Bykle, var vanskeleg å få connection for miksebordet, “connection failed” kom fleire gonger.

Og klokka gjekk. Utruleg kor fort ho går når noko ikkje fungerer som det skal.

Eg prøvde att, ein gong, to gonger, nei ikkje noko fungerte.

Så ringte eg til Hallvard, men han var oppteken med middagsservering på motellet og ba meg ringe til Jørund. Eg fann han på mobilen, og roleg og tydeleg hjelpte han meg til å starte om att og etter kvart fekk eg kontakt. Men då var klokka 18:20, så eg måtte improvisere litt for å kunne ta inn dei 20 minutta eg hadde mista.

Eg var nok litt heit i hovudet medan det stod på. Om eg fekk nokre lyttarar i kveld, veit eg ikkje. Kan hende dei tenkte at det ikkje vart sending når eg ikkje kom på lufta klokka 18:00. Men eg fullførte i god stil, etter kvart kom eg på tida i høve til programmet.

Så no er eg roleg att 🙂

Harald

Kåseri tysdag 24. januar 2006

Så er me komne til den siste veka av januar. Sist veke var det Noreamøte på Nomeland bedehus, dei feirar 50 årsjubileum i år. Tidene har forandra seg mykje frå Birger Breivik ønskte velkomen til fyrste sendinga frå Tanger på kortbølge til at det i dag er nærare 50 lokalradioar som sender i Noreg, og så er det sendingar på 30 språk over heile verda i tillegg.

Det har og forandra seg i den teknologiske revolusjonen. No vert medarbeidarane som held desse jubileumsmøta utstyrte med PC med Powerpoint og videokanon, og så syner dei informasjonen på lerret. Vi fekk glimt frå radiomisjon til fleire land, og sjølv om teknikken ikkje fungerte heilt – det var første møtet i ein serie på 200 planlagde møte – var det fengslande å sjå den samanhengen vi er med i når vi i Valle lytter til Noreaprogramma, slik vi snart skal gjere att i kveld.

Dagleg leiar Tore Askildsen seier at mediemisjon er minst like viktig i dag som for 50 år sidan. Les intervju med han her:
http://www.norea.no/page.php?mtid=1&elid=1041

Harald

I programmet tirsdag 24. januar kl. 20:00 har eg ein samtale med Alfhild Loftesnes om to bøker som er blitt nulla av Norsk Kulturråd sin innkjøpsordning. Under titlane finn du linkar til omtalar av bøkene.

1.
Memo Darez: Mitt liv uten meg. Aschehoug 2003.

http://www.poeten.no/?pid=5&aID=79876 Av Kjersti Bjørkmo
http://www.dagogtid.no/arkiv/2003/40/bokm3/ Av Nøste Kendzior
http://www.dagbladet.no/kultur/2003/11/03/382482.html Av Inger Bentzrud
http://www.kurdistan.no/Magasin/11/1070885193 Av Marianne Rugkåsa

2.
Vetle Lid Larsen: Himmeltårnet. Tiden 1999.
http://www.nrk.no/nyheter/kultur/1229.html Av Petter Mejlænder
http://www.dagbladet.no/kultur/1999/11/30/184703.html Av Cathrine Krøger Hammerstrøm
http://www.dagbladet.no/kultur/2000/02/03/191093.html NTB-artikkel
http://home.no.net/jugreg/verdt%20a%20lese.html Av Therese Gregersen

Alfhild skal ta mastergrad i norsk og er med i eit forskningsprosjekt leia av Jahn Thon på HIA som ser på litteraturkritikk slik det kjem til uttrykk i nulling av bøker. Nulling vil seie at bøkene ikkje blir kjøpt inn av Norsk Kulturråd og difor ikkje blir sendt til biblioteka som såkalla K-fond-bøker.

Her er ei side som nederst har mange linkar til problemstillinga om nulling:
http://www.pluto.no/doogie/volapuk/litt/E_Eggen/eggensdok.htm

Alfhild vil gjerne kome i kontakt med folk som har lese eller kan tenkje seg å lese desse to bøkene, for ho skal lage ei undersøking om emnet der ho intervjuar folk som har lese desse to bøkene.

Eg prøvde å logge meg på for å høyre Valle radio på Internett fredag kveld. Men det synte seg at sendinga på nettet var heilt stille. Difor ringde eg til radioen og sa i frå, og ei stund etter ringde Jørund og spurte om eg kunne høyre noko.

Då fekk eg inn sendinga, men med feil på lyden. Truleg var feilen på mitt lydkort, og sjølv om eg på ulike måtar prøvde å finne ut av det, måtte eg gje opp.

Difor fekk eg ikkje høyre sendinga denne fredagskvelden og kunne heller ikkje skrive om det på bloggen. Dersom du som høyrde sendinga vil skrive noko, er det flott. Send epost til meg på harhaugl@online.no, så skal eg leggje det ut på bloggen.

Harald

Her var Bjørgulv T. Berg på plass att, han tok ein pause frå brøytinga på Furestøyl og hadde funne fram desse platene:

1.
Arthur “Guitar Boogie” Smith: Gitar Boogie

2.
Ukjent gospel choir: Oh Happy Day av Andrea Crouch

3.
Lynda Randle: I Know Who Holds Tomorrow

4.
John Lee Hooker: Dimples

5.
Anthony Burger: He Touched Me

6.
Hank Williams: Too Many Parties, Too Many Pals.

Ein nydeleg halvtime…

Harald