Kåseri i Valle radio tysdag 21. februar 2006

Det har vore godt med nokre dagar med sol og lettare ver. Ein vert lettare i sinn og syn på livet når sola kjem over fjellet i sør.

Eg abonnerer på nyhetsbrevet til det amerikanske magasinet Christianity Today. Dei har folk som fylgjer med på stoff om kyrkje, religion og vitskap i aviser over heile verda. Det er på engelsk, det er sett med amerikanske augo, men av og til finn vi noko interessant, til og med frå Noreg

Dei har også eit dagens sitat, og 16. februar siterte dei generalsekretær i Sjømannsmisjonen, Kjell Bertel Nyland, som er i Torino-OL, som skal ha sagt at vi ber for dårleg ver slik at konkurransen vert utsett og vi kan starte frå begynnelsen att. I kyrkjebøna ber vi kvar sundag for godt og tenleg ver for bønder og så vidare. Når vi no ber om godt og tenleg ver, ber vi om dårleg ver.

Den bøna vart ikkje høyrt, vinden var lett og konkurransen gjekk i tide, slik at kombinertlaget, som var blitt sjuke, måtte trekkjast frå konkurransen. Her er ein link til denne sjømannskyrkja:
http://www.sjomannskirken.no/dt_singlearticle.asp?gid=48&amid=16174&

I lys av dette såg eg i OL-magasinet til Aftenposten for laurdag. På side 22 var det ei liste over gudstenestene i Oslo-området denne sundagen, som var Kristi forklåringsdag, med tekst frå Joh.17,1-8. Eg kunne ikkje anna enn gle meg. Over hundre kyrkjer innanfor og nærare 50 kyrkjer utanfor Den norske kyrkje kalla til samling denne sundagen. Alt frå Mozart-messe i Oslo Domkyrkje til Strandebarm prosti gudsteneste i Grensen 19 syner eit stort spenn i gudstenestene, og i fleire kyrkjer er det fleire samlingar, ikkje bare klokka 11. Eit anna trekk som slår ein er at det er gudstenester på andre språk enn norsk, her er engelsk, tysk, vietnametisk, kroatisk, kirkeslavisk, svensk, lettisk.

Eit anna trekk er dei mange ulike musikalske krefter som stiller opp til gudstenestene. Domkor, Seniorkor, KoriOslo, KorS, Gladsangkoret, Pilegrimen Mannskor og Vox-1 koret.

Guds menighet er jordens største under, syng vi. I Setesdølen for fredag var det også ei oversikt som inviterte til gudstenestene denne helga. Sjølv i desse OL-tider møtest kyrkjelydane til lovsong og takk.

I denne oversikten ligg rebusane først, så løysinga med store bokstavar og til slutt den som kom inn i studio med rett løysing.

1. Himmelretning (nyn.) + solgud + bakken. AUSTRALIA Anders Fjellestad, Oslo
2. Fint pulver + leve + vase MELBOURNE Beth Lunden, Kristiansand
3. Vindstyrke + idrettsplass til å sparke fotball på BRISBANE Ingebjørg Vegestog Homme, Valle
4. Månefase + do + kav + tonn + smile NEWCASTLE Nina Helle, Rysstad
5. Himmelretning + månefase + den andre ukjente SYDNEY Roar Hallaråker, Vennesla
6. Eigedomspronomen + opning + lærstropp på hestesele SINGAPORE Torill Hallaråker, Vennesla
7. Sjablong + nr 1 + den andre ukjente + etterpå MALAYSIA Torleif Harstad, Valle
8. Husdyr + 2 gonger oppdrett + tysk preposisjon + rein KUALA LUMPUR Just Salvesen, Seljord
9. Gram + tone + fikset, organiserte + eige på engelsk GEORGETOWN Monica Helle, Rysstad
10. Tonn + fisk + ikkje hav THAILAND Alf Georg Hovet, Rysstad
11. Kilo + forsamling + preposisjon + forholdstal for sirkel KHO PI PI ingen inngringar
12. Engelsk og tysk preposisjon + forkorting for sukkersjuke INDIA Alf Georg Hovet, Rysstad
13. Pronomen + hektoliter + preposisjon DEHLI Just Salvesen, Seljord
14. Sølv + solgud AGRA Bjørn Tveiten, Bykle
15. Gå i vatn + grovt tyveri + kav + preposisjon, Liv Øyroset, Bykle
16. Rotfrukta + liter, Astrid Bøgh Tobiassen, Myklevatn

Kveldens hovudpremie, Valle Radio krus og ryggsekk, gjekk til Just Salvesen, Seljord

Dei andre premievinnarane var

Astrid Bøgh Tobiassen, vaffeljern
Alf Georg Hovet, laservater
Anders Fjellestad, 5 CD-plater
Nina Helle, massasjeapparat
Torleif Harstad, elektrisk vifteomn

Det var 88 telefonar til saman i kveld.

Ettersom eg var i radioen i kveld, fekk eg spelelista til Leif. Han hadde desse songane på lista:

Dei fire første var Henning Kvitnes. Han er representant for ein stil som kallast skandikana.

1. Games people play.
2. Hver gang jeg så en stjerne falle
3. Fiskerens ring
4. Guttær

Dei fem neste var med Dwight Yoakam, som kjem til Ose til sommaren.
5. Guitar Cadilacs.
6. The Darkest Hour
7. Fair to Midland
8. If tears drop over diamonds
9. Streets of Bakersfield

10. Folsom Prison Blues. Johnny Cash og Willie Nelson
11. Jackson. Johnny Cash og June Carter Cash
12. Understand Your Man. Yoakam, tekst Cash

Til slutt var det ein prat om Osefestivalen med Gunnar Thommesen, som er ein av dei som står bak den, før Dwight Yoakam avslutta programmet.

I kommunen informerer 17. februar var det Hege som skulle kome frå kommunen. Men ho dukka ikkje opp, og då eg etterlyste henne over lufta, var det ein eller annan som hadde høyrt det og som så varsla rådmann Vidar Homme.

Medan eg spela nokre melodiar av Øystein Sunde, kom Vidar på tråden og fortalde at ho var sjukemeld, ho hadde brekt ankelen.

Før eg etterlyste henne på radioen, hadde eg prøvd å ringe henne på mobilen. Etter ei stund ringde ho tilbake og fortalde at ho akkurat hadde kome ut frå operasjonsbordet, og at ho var lei seg for at dei ikkje hadde fått gitt melding eller sendt ein i staden for henne.

Eg ønska henne god betring frå alle oss i Valle radio.

Harald

1.Eg fann, eg fann.
Lisbeth D. Homme og Mari Rygg fortel om prosjektet og foreldremøta dei skal ha i Bykle i morgon. Målet er å nå foreldre til barn i førskolealder med informasjon om kor viktig det er for barna å lære seg å bruke bøker og at biblioteket vil hjelpe dei med dette.

2.Hovdenrevyen ca. kl. 18.15
Else Gyro Rysstad, tlf. 4191 7828 om premieren i kveld og opplegget vidare. I morgon er det program klokka 19, og så vert det neste fredag og laurdag. Den fredagen er prisen 100 kr, dei andre dagane er prisen 150 kroner. Theis er med i revyen i år, han både syng og spelar ein sketsj.

3.Nyhetsopplest
a. Valle sparebank har hatt to hendingar i media, og neste fredag vert det truleg ein del av den aktuelle timen.
b. Rådmann Vidar Homme skal jobbe i Bykle kommune når han sluttar i Valle.
c. Møte i Byklum bedehus i kveld kl. 19.30 ved Johan Olsen
Basar i morgon i Trydal bedehus kl. 18.00
Møte i Byklum bedehus sundag klokka 16.00
d. FYSAK i Valle i morgon frå klokka 11-18
e. Frå klokka 18 laurdag har teamet frå UiO ope i Vallehalli
Møte laurdag kl. 15.00 i Klippen, Bykle og kl. 19.00 i Soknehuset Rysstad. Hallvard Hasseløy taler, synger og viser film frå hjelpearbeidet i Ukraina. Ruth Jeppestøl og fleie frå Filadelfia Vennesla vert med. Alt frå kl. 12 kan du i Bykle levere brukte klede og sko til prosjektet.
f. Gudsteneste i Valle kyrkje sundag kl. 11. og Hylestad kl. 18. Songmøte i Valle sundag 19.30 og solidaritetsgudsteneste i Valle klokka 20.
g. Valle bondelag har ope møte om jordbuksforhandlingane tysdag 21.2 kl. 20-22 i kommunestyresalen
h. Folkeakademiet sine program kan du få vite meir om når Leif Kvinlog kjem i studio kl. 20. Dette gjekk ut, Leif tok ikkje opp dette i timen sin.
i. Annemor Sundbø skal kåsere om Usynlege trådar i strikkekunsten på årsmøtet i Fjellgardane husflidslag måndag kveld kl. 20. Om ein vil vere med på middagen laget skal ha før foredraget, må ein kontakte Else Gyro Rysstad.

4.Sørlandets litteraturpris ca. kl. 18.30
Annemor Sundbø, tlf. 952 18 597 eller i Kr.sand 380 45584 Ose 379 35 881 Du kan vere med og stemme på SMS eller internett. Du kan gå til
http://www.sorlandetslitteraturpris.no/cgi-bin/webmail?form=stem2006
og stemme der. Du kan også stemme via SMS (Skriv SORLAND 5 og send til 1980 Vi snakka om at lyttarane kunne levere 50 stemmer i kveld, det hadde gjeve Annemor ein flying start i konkurransen, og mange lyttarar har truleg alt lese boka Usynlige tråder i strikkekunsten fordi dei fekk den til jol. Dette er tredje boka til Annemor, dei to første er omsett til engelsk og har hatt godt sal. No vonar ho på god respons på denne boka, det er truleg første gong ei fagbok er nominert til prisen. Denne boka er på nynorsk, kom ut på Det norske samlaget. Annemor har og vore i USA og halde foredrag om dette, då var det 200 som høyrde på henne. Det var ei stor utfordring, men ho fekk ståande applaus då ho var ferdig.

5.Viltkontakt i Valle ca. kl. 18.40
Ragnar Aspholm kjem i studio og fortel om oppgåvene og om vilt i vegen. Den som kjører på eit hjortevilt må melde frå om det til politi eller kommunen om han vil få dekka skadene over forsikringa. Ragnar Aspholm har budd i Valle halvanna år no, han har hundar som er trent i å leite etter hjortevilt om uhellet skulle vere ute.

6.Løypekjøring i Brokkeheia ca. kl. 18.50
Roar Tveit på telefon 9017 5186. Oppslaget i Setesdølen er dekkande, men når ein lagar alternative løyper, er det ikkje så ofte at skiløypene vert øydelagde av skoterkjøring. I vinterferien kjører dei løyper kvar dag om det trengst, men elles er det mest i helgene.

I tillegg til desse sakene hadde eg planar om å snakke med to jenter som har starta med å gå Noreg på langs frå Lindesnes til Nordkapp. Dei kom til Valle i dag, og eg fekk ein lapp med mobilnummeret deira på. Diverre hamna lappen i ein lomme som ikkje vart med i radioen, og dermed vart det ikkje noko av intervjuet. Men dei kytte mykje over at dei fekk låne dusjen hos Hasla før dei skulle dra med bussen mot Haukeli i ettermiddag. No skal dei ha ein pause i gåinga til hausten, ein må jo både jobbe og ta seg av familien, men planen er å gå heile turen sjølv om det må gjerast i etappar. På heimesida til Lindesnes fyr er starten deira omtala, det kan du sjå her:
http://tinyurl.com/dkxzc

Harald

Fredag 10. var det sending, det var Bjørgulv T. Berg som var ansvarleg fram til klokka 21, men deretter overtok Jorunn Lund Harstad. Diverre fall sendinga på Internett ut, truleg om lag klokka 19.30, for då eg kom tilbake for å høyre kva han hadde som tema i samtalen med gjester kl. 20, var det ikkje lyd å få (får ikke kontakt med serveren) og dermed vart det OL-opning på meg i staden for Valle radio og bloggskriving.

Men i løpet av helga vart eg full av snørr og hoste, så eg kunne ikkje reise opp att frå Mandal til Valle sundagskvelden, og dermed vart det inga tysdagssending denne veka.

No er eg klar att, så fredag er eg på plass med ny sending i Valle radio frå klokka 18:00. Eg vonar det fungerer på nettet, slik at folk frå fjern og nær kan høyre på.

I dag var det forresten om blogging i frokost-TV på NRK. Det var Eirik Newth som uttalte seg om blogging, men han kom ikkje til Valle radio sin blogg.

Medan du ventar på neste sending, kan du jo sjekke bloggen hans

Foredrag om fremtiden

eller Arne Skeie sin blogg, som også var nemnd i innslaget
http://blog.nrk.no/hopp/archives/2006/01/hvilke_hoppere.html

Om du vil lese ein nynorsk blogg, kan du jo gå til denne, som forfattaren Olaug Nilssen har
http://olaug.skoddeheimen.no/

Og har du noko du vil formidle gjennom Valle radio, kan du sende epost til meg:

harhaugl@online.no

Harald

Det var Bjørgulv T. Berg som hadde sett saman opplegget for denne fredagskvelden, og så hadde han fått med seg Øyvind Jacob i studio heile timen.

1. FYSAK i Valle kommune
Sjølv om det i Valle har vore ei rekke aktivitetar for å få folk i trim (+45-gruppe, kvendegruppa til Magnhild Berg og trimhalvtime på Valle Alders- og Sjukeheim) har ein no blitt med i programmet for fysisk aktivitet i Aust-Agder og fått 20.000 kroner både i 2005 og 2006.
http://www2.aa-f.kommune.no/default.aspx?itemid=7361

No startar ein med å ha open idrottshall på laurdagar frå 11 – 18, og symjehallen frå 12 – 17. Det vil og vere ope i kafeen. Hyttefolk er målgruppe i tillegg til folk som bur i kommunen. Det er fritt fram for leik og aktivitet. Sigrid Anni og Baba vil vere ansvarlege i opplegget.

2. Tor Hoslemo vann sin klasse i Grieg-tevlinga i Arendal
Han er 13 og har spelt hardingfele i 4 år med Marton Laksesvela som lærar. Han øver opp til ein time til dagen, og premien var 10.000 kroner.
-Me er stolte av deg, sa Bjørgulv.
-Godt de ikkje er sure, svara byklaren, som har Hallvard T. Bjørgum som ideal.

3. Sauebønder til Skottland
I ein telefonprat med Sigrid (eg fekk ikkje med meg etternamnet) fekk vi høyre om gruppa som har vore til Skottland for å sjå på sauehald. Der var det helst vår no, og dei hadde ikkje dyre fjøs til sauene, heller bare skur utan vegger. Men dei hadde mange sauer, kanskje opp mot 2000 og då var det lønsemd. Opplegget for turen var laga av Angus Dickson, ein ven av Sven Reiersen som mange kjenner for saueklypping her i dalen. Dei vitja eit område halvannan time sør for Edinburgh med bølgjande åsar, lyng og litt skog som truleg var planta.

4. Evje Mållag med tur til Oslo
Til slutt i den aktuelle timen hadde Bjørgulv ein prat med Olav Arne Kleveland om turen til Oslo. Det var fyrste gong Kleveland snakka i Valle radio, og han fortalde at turen er planlagd frå fredag 31. mars til sundag 2. april. Risdal skal kjøre og med 25 personar kjem reisa på 500 kroner pr. person. Overnatting brukar dei ha på Bondeheimen, og så kan folk gjere det dei har lyst til, det kan vere aktuelt å sjå seg om i NRK-huset på Marienlyst laurdag føremiddag, om kvelden kan ein gå på teater. Ein treng ikkje vere medlem av Mållaget for å vere med på turen, og folk frå heile dalen er velkomne. Ein kan kontakte Kleveland på 9282 3468.

Der fall telefonen ut og tuta oppteke, og då var den aktuelle timen slutt.