Tysdag 12. september
Ansvarleg: Harald Haugland
**Program:**
18:00 Kvarteret
18:15 Over ein open Bibel
18:30 Noreamagasinet
19:05 Møteplassen. Hans Olav Lauvstad presenterer Marita og Svein Johnsen sin musikk
19:40 Til oppmuntring
20.00 Bokaktuelt ved Lisbeth D. Homme
20.15 Dagens Mozart
20:30 Postludium ved Harald Haugland
21:00 Kyrkjebakken
Eg skreiv om boka 18. og 20. august, og onsdag hadde eg ein prat med Frode Buen, turistsjef i Valle kommune, om den. Han fortalde at Hans Weninger, som har skrive boka, er ein pensjonert lærar som i 25 år har klatra i Setesdal. Gjennom desse åra har han dokumentert over hundre klatreruter. For mange av dei har han sett opp boltar på eigen kostnad.
Frode fortalde at Hans forlet Valle i slutten av august for å reise heim til Tyskland, deretter skulle han bruke eitt år saman med familien på klatring rundt i verda før han kom tilbake til Valle.
I timen mellom 20 og 21 hadde eg også ein prat med Bjørgulv T. Berg som kunne fortelje at eit par av dei som har kjøpt hyttetomter i Brokke, er ivrige klatrarar, og at Brokke arbeider for å inkludere klatring i sommartilbodet dei kan gje. Klatring på Løefjødd er spesielt flott, for veggen der har utfordringar frå det lettaste til det vanskelegaste på same veggen. Dermed kan heile familien ha utfordringar same staden.
Valle kommune har ytt stønad til boka, sjå
http://www.valle.kommune.no/vak/saksdok/1313050.html
Heimesida til Hans heiter Klettern in Norwegen og tek utgangspunkt i Valle. http://www.kletterninnorwegen.de/ Her finn du og eit flott bilete frå Faråne i flaum på startsida.
Mange meiner at dei som klatrar her, ikkje legg att noko pengar i Valle. Det var Frode ikkje enig i. Før kunne det nok vere at folk som klatra, la seg i ei steinrøys, men han visste at folk hadde lege på Flateland det meste av sommaren for å klatre. Å få folk til å stoppe er viktig, og sjølv om det ikkje er så mange enno som ligg i fleire veker, kan dette bli utvikla meir.
Før klatra folk mykje i Nomelandsveggen, og då var det lett å sjå og fylgje med frå Valle sentrum. No klatrar dei andre stader i kommunen, sjølv om vi ikkje ser dei, har det vore mange klatrarar i Valle i sommar.
Tema for rebusane var turisthytter i Setesdal. Med i studio var Anna Arneberg og Hege Sandhaug, som begge jobbar i Valle kommune,
http://www.valle.kommune.no/ sjå telefonliste i menyen til venstre. Anna er skogbrukssjef, Hege kulturkoordinator ++. Ingen av dei hadde vore på turisthyttene, det hadde ikkje eg heller. Men lyttarane hadde vore der, så kvelden gjekk fort.
**Premiane gjekk til**
Ellen Lien – Radiokrus
Ingebjørg Berdalen – Radioryggsekk
Torleif Harstad – Lykt
Oddvar Lund – Radio
Torill Lunden hadde snart vore på alle postane i FYSAKs postkassetrim, og Margit Hovet var den siste som låg på støylen ved Bossbu. Ein lyttar frå Trondheim, Annette, som høyrde på oss på Internett, ringde inn og rosa oss for eit triveleg program, det likte vi godt.
Så er første sendinga i haust over. **Nyhetstimen** måtte justerast litt i høve til kva eg hadde tenkt, men Tom Arild Homme var innom og fortalde om verknadene flaumen sist måndag hadde på Otra. Det vart rive opp mykje sediment og krypsiv som enda i Byglandsfjord. Flaumen tok også den lensa til ein million som skulle hindre krypsiv frå å kome inn i tunnellen til Hekni kraftverk. Andre delen av nyhetstimen var Jon Melhus i studio og fortalde om tur til verdsfestivalen for munnharpe, som var i Nederland i sommar og der han og Gunnar og Johanna Solheim hadde vore med frå Setesdal. Jon spela og noko munnharpemusikk og vi snakka om ulike typar munnharper som han synte fram og spela litt på. Til slutt kom vi inn på den norske munnharpefestivalen som skal vere på Rysstad fredag 22. og laurdag 23. september.
**Kommunen informerer** var ved den nye rådmannen, Arne Tronsen. Han hadde lensmann Knut H. Nomeland med seg i studio og vi prata om kriseleiing, som flaumen hadde fått kommunen til å teste. Dei hadde ikkje etablert formell kriseleiing, men hadde likevel fått øve på noko av det som ville vere naturleg i ein reell krisesituasjon. Heldigvis gav regnet seg og dermed slapp ein dei grovaste skadene.
Knut H. Nomeland fortalde og at dei no hadde gått gjennom brannen på Hovden med kriminalteknikarar og funne ut at den hadde starta i ein elektrisk handturkar og så spreidd seg til resten av huset.
Til slutt fortalde Tronsen at no er det tid for lønsforhandlingar og budsjett for neste år, og at mykje tid no vil gå med til dette framover.
**Tankar frå Bibelen** var ved Bjørgulv T. Berg, som hadde fått med seg Knut Svein Dale frå Normisjon i programmet.
I går kveld la eg merke til at brøytestikker er komne opp i svingen ved Menighetshuset i Valle. Etter mi meining var det lovleg tidleg. I dag var det nesten 15 grader og mykje vind her då eg sjekka temperaturen, så snøen kjem neppe denne veka. I dei åra eg har budd i Valle, har han gjerne kome rundt 15. oktober, og så har han blitt borte att, ofte heilt til innunder jol.
Kva kan vere grunnen til at ein set opp brøytestikker i Valle i september? Det er ikkje lett for meg å tippe om, men når dei kjem opp så tidleg, vil truleg fleire verte øydelagde før snøen kjem. Om dei skal ha nokon funksjon når snøen kjem, må dei truleg erstattast av nye. Då vert det i grunnen dobbelt arbeid, sjølv om ikkje alle vert øydelagde.
-No ser eg snjoren, heiter det i reklamen til ein av annonsørane i Valle radio. -Ikkje noko problem, eg har snjofresarar til alle føremål, er svaret. Høyr på radioen i kveld. Vonleg kjem vi på lufta utan problem. I så fall får du ein triveleg kveld i selskap med radioen.
Eg hadde ikkje tenkt på at det er ganske mange turisthytter i Setesdalsheiane. Her er nokre av dei, funne på
http://no.wikipedia.org/wiki/Kategori:Turisthytter_i_Aust-Agder
Det er Kristiansand og Opplands Turistforening http://www.kot.no som eig dei fleste og driv desse hyttene.
**Bjørnevasshytta**
Bjørnevasshytta er ei ubetjent turisthytte i Austheia på vegen til Dalen. Hytta vart bygd i 1889, sist ombygd 1995. På Bjørnevasshytta er det 32 sengeplassar.
http://www.kot.no/cabin.php?ca_id=418&fo_id=416
**Bossbu**
Bossbu er ei sjølvbetjent turisthytte i Setesdal Vesthei. Hytta vart bygd i 1969 og ombygd i 1981. Ho ligg ved enden av Botnsvatnet. På Bossbu er det 30 sengeplassar.
http://www.kot.no/cabin.php?ca_id=419&fo_id=416
**Gaukhei**
Gaukhei er ei turisthytte i Setesdal Vesthei. Hytta vart bygd i 1898. På Gaukhei er det 41 sengeplassar. Hytta er betjent i sommarsesongen og påska.
http://www.kot.no/cabin.php?ca_id=420&fo_id=416
**Håhelleren**
Håhelleren er ei ubetjent turisthytte i Setesdal Vesthei. Hytta vart bygd i 1950. På Håhelleren er det 9 sengeplassar.
http://www.kot.no/cabin.php?ca_id=421&fo_id=416
**Josephsbu**
Josephsbu er ei sjølvbetjent turisthytte i Setesdal Vesthei. Hytta vart bygd i 1993. På Josephsbu er det 20 sengeplassar.
http://www.kot.no/cabin.php?ca_id=422&fo_id=416
**Sloaros**
Sloaros er ei sjølvbetjent turisthytte i Setesdal Vesthei. Hytta vart bygd i 1983, opprusta siste gong i 2003. På Sloaros er det 22 sengeplassar.
http://www.kot.no/cabin.php?ca_id=424&fo_id=416
**Stakkedalen**
Stakkedalen er ei ubetjent turisthytte i Setesdal Vesthei. Hytta vart bygd i 1949, ombygd siste gong i 1992. På Stakkedalen er det 10 sengeplassar.
http://www.kot.no/cabin.php?ca_id=425&fo_id=416
**Stavskar**
Stavskar er ei ubetjent turisthytte i Setesdal Vesthei. Hytta vart bygd i 1920, ombygd siste gong i 2004. På Stavskar er det 8 sengeplassar.
http://www.kot.no/cabin.php?ca_id=426&fo_id=416
**Svartenut**
Svartenut er ei sjølvbetjent turisthytte i Setesdal Vesthei. Hytta vart bygd i 1972. På Svartenut er det 20 sengeplassar.
http://www.kot.no/cabin.php?ca_id=427&fo_id=416
**Øyuvsbu**
Øyuvsbu er ei sjølvbetjent turisthytte i Setesdal Vesthei
Hytta vart bygd i 1948, opprusta siste gong i 1995. På Øyuvsbu er det 34 sengeplasser.
http://www.kot.no/cabin.php?ca_id=428&fo_id=416
Du finn fleire hytter og meir om Setesdalsheiane her:
http://www.kot.no/location.php?lo_id=NO_setes og her:
http://www.kot.no/cabin.php?lo_id=NO_setes
**Tysdag 5. september 2006**
Ansvarleg: Harald Haugland
18:00 Kvarteret
18:15 Over ein open Bibel
18:30 Noreamagasinet
19:05 Møteplassen. Olav Mosdøl
19:30 Petter Dass
20:00 Bokaktuelt. Skoleromanar.
20:20 Dagens Mozart.
20:30 Postludium ved Niklos K. Besteland. Tema: Orgelmusikk av Franz Liszt
21:00 Kyrkjebakken
**Onsdag 6. september**
Ansvarleg: Harald Haugland
Teknikar: Gudrun Rysstad
Telefon: Torbjørg Hoftuft
18:00 Nytt og aktuelt
19:00 Kommunen informerer
19:30 Tankar frå Bibelen. Bjørgulv T. Berg
20:00 Sommarminne
21:00 Open sending
Oversikt over hausten ligg på http://www.valleradio.com/sendinga.htm
Du finn haustlista på www.setesdalsforlaget.com
I haust kjem forlaget med lærebøker for lese- og skrivevanskar av Jarle Elvemo. Han har skrive **Familien Kra i Kråkeland** og **Spenning for barn i alle aldre**. Dette er lettlesbøker som kan høve godt i ulike samanhengar. Trivelege forteljingar. Gunnar Guttormsen kjem med ei ny bok, meir pedagogisk, som han har kalla Kunnskapsløftet. Gunnar var skulesjef i Valle før han vart pensjonist, mange i Valle hugsar han, og truleg vil nokre ta telefonen til Ånund K. Homme og bestille boka.
Mest interessant, sett med lokale augo, er det at Gunhild Espetveit har samla stubbane ho har skrive i Setesdølen under vignetten **Diakoni i Setesdal**. Det er flott å få dei i ei slik samling, ho har gjeve mykje gjennom desse artiklane. Men forlaget gjev og ut Kristian Stubseid si bok **Frå granden**. Det er ei ny og revidert utgåve som kjem her.
Takk til Ånund K. for inspirerande aktivitet langt opp i pensjonsalderen.
Ettersom eg ikkje skreiv i går kveld, får eg heller skrive to artiklar i kveld. Då kan eg jo nemne at eg er blitt vald til hovudtillitsvald for lærarane i Valle. Eg har vore med på slikt arbeid før, men no hadde eg trudd eg ikkje skulle drive med dette, eg hadde tenkt at eg skulle konsentrere meg om Valle radio. I staden startar hausten med ei rekke møter i høve til lokale tingingar. Det første møtet var torsdag, på det møtet var det første gongen dei tillitsvalde i det som vi kallar Felles Forum møtte den nye rådmannen i Valle. Arne Tronsen har vore ein hyppig gjest i Valle radio i den tida han var leiar for Setesdal Regionråd http://www.setesdal.no/ og han har lova å stille opp i radioen også i den nye rolla når han har høve til det.
Den nye lista over sendingar er no lagt ut på heimesida til radioen, http://www.valleradio.com/sendinga.htm der kan du finne informasjon om kven som er ansvarleg for sendingane, teknikar og telefonvakt. Så er det bare å bu seg best mogleg til ein ny haust med Valle radio.
August månad gav ny rekord med 465 besøkjarar, det blir 15 dagleg. Bare mai 2006 hadde over 400 gjester tidlegare. Takk til alle som var innom. Talet på sidevisningar vart 1715, det er det tredje høgaste talet eg har hatt sidan eg starta.
No startar sendingane att komande veke, så eg får prøve å følgje opp det gode resultatet med gode og varierte innspel på bloggen. Takk til alle som les det eg skriv.