MØTEPLAN FOR POLITISKE MØTE 2008

1. halvår:
Kommunestyret og formannskapet har onsdag som møtedag, kommunestyret om kvelden, formannskapet har møtene sine om dagen.

Kommunestyret skal ha møter 30. januar, 27. februar, 26. mars, 30. april, 28. mai og 25. juni i vårsemesteret. To veker før kommunestyremøtet har formannskapet møte, og dagen før formannskapsmøtet har planutvalet møte. Dermed får me denne frekvensen for formannskapet: 16. januar, 13. februar, 12. mars, 16. april, 14. mai og 11. juni.

Planutvalet sine møter vert 15. januar, 12. februar, 11. mars, 15. april, 13. mai og 10. juni, alle møtene på tysdagar.

Andre politiske utval har møte etter behov.

Med dette vil du vite kva for onsdagar Valle Radio overfører kommunestyremøta.

Frå i dag er det ny eigar av Blomar og gåver.

12. desember skreiv eg:
Nina Brottveit gjev seg med drifta av Valle blomar og gåver etter jol. Då tek Ann Iren Aase Hoslemo over. Dei kom i radioen og fortalde om dette, Nina takka alle gamle kundar for god handel og Ann Iren, som er utdanna blomedekoratør og arbeidde på Ålgård Blomster før ho flytta frå Bryne til Setesdal, ønskte folk velkomne innom når ho overtek. Ho er alt kjent med butikken, ettersom ho har arbeidd der i haust. Nina ser fram til dagar utan ansvar og tek sikte på å nyte fritida ei stund før ho ser seg om etter noko nytt arbeid.

Frå Valle Radio vil eg gjerne takke Blomar og gåver/Nina Brottveit for samarbeidet. Valle Radio har hatt godt samarbeid med dei/henne i mange år. Vi reknar med at samarbeidet vil fortsetje med ny drivar. **Ann Iren Hoslemo** kjenner alt det meste som skjer rundt butikken, ho har fått med seg mykje i jola. No vonar vi at ho vil lukkast i å drive butikken så godt at det vert eit langt eigarskap og god lønsemd.

Så er det tid for å helse Godt nytt år til alle som les bloggen min. I desember var det 5.350 innom, de las på 20.383 sider. Eg hadde vona at det totale talet på sidevisningar skulle passere 200.000 før nyttår, men det stoppa på litt over 196.500. Ettersom det kvar månad sidan i sommar har vore over 15.000 sidevisningar, skulle eg tru at det tippar 200.000 den fyrste veka av det nye året.

Eg set stor pris på at det er så mange som les på bloggen. Det gjev meining til å halde på. Sjølv om eg av og til lurer på kva eg skal skrive om, har det i grunnen gått greitt å finne emne som kan danne grunnlag for nokre linjer. Til saman er det no 813 innlegg. Kommentarar har det og kome fleire av etter kvart.

Når vi no startar eit nytt år i Valle Radio, veit vi ikkje kva som ligg og ventar oss i det nye året. Som eg skreiv på bloggen i romjola er det tid for å søkje om ny konsesjon for alle lokalradioane. Her er meldinga om utlysing av ny konsesjon. http://medietilsynet.no/om/071128_lokalradio/

Adgangen til å søke om konsesjon til lokalkringkasting kunngjøres av Medietilsynet med fast søknadsfrist og på fastsatt skjema. Ved behandlingen av konsesjonssøknaden blir det lagt vekt på søkerens økonomiske og faglige forutsetninger for forsvarlig drift av konsesjonen og for å gjennomføre prosjektet i samsvar med søknaden.

Medietilsynet og Post- og teletilsynet utlyser nå innholdskonsesjoner, anleggskonsesjoner og frekvenstillatelser for analog lokalradio. Konsesjoner og frekvenstillatelser vil bli tildelt for en periode på sju år, regnet fra 1. juli 2008. Søknadsfristen er 22. januar 2008.

Valle Radio er ikkje på lista over dei som har konsesjon. Det kjem av at det er Bykle Radio som har konsesjon i Valle og Bykle kommunar. Evje Radio har konsesjon i Bygland og Evje og Hornnes kommunar. Radio Loland har konsesjon for Iveland og Vennesla. Slik er heile Otredal prosti (som Theis ville sagt) dekka av tre konsesjonar.

Om det vert slik i framtida, er ikkje godt å vite. I alle fall må dei som vil vere med, sende inn søknad.

Eg fekk ein mail som fortalde om tittelen Hovden sin song, og då måtte eg leite fram **Alvestad: Norsk songbok**.
http://no.wikipedia.org/wiki/Olaus_Alvestad

Der fann eg songen av Anders Hovden:

Å nei, eg høyrer lerka
for fyrste gong i år!
Ned frå ein vinterhimmel
ho kved så kvat om vår.
Og dimt det er i lufta
og skodd har sola dult,
men den velsigna fuglen
han kvitrar like fullt.

Det bankar så, mitt hjarta,
og hugen tung og sår.
han opnar seg med fysne
for tankane om vår.
Og midt igjennom mørker
og kjøld og skoddedriv
det livnar sælt for augo,
det glade vårens liv.

Det fløymer over landet
med sol om vang og voll,
og gauken sit på greina
og gjel frå koll til koll.
Og gjennom bjørkeskogen
det brusar song og frygd,
og høgt går lyst og glede
utover kvar den bygd.

Å Gud, lat meg få syngja
som litle fugl i sky
alt under vinterhimmel
om vår og sumar ny.
Og stoggar ein og lyder
med hugnad til mitt kvad
og kjenner vår i hugen,
då skal eg vera glad.

Det er lett å verte forvirra av songane til Hovden og Garborg, for begge har linja **Å nei, eg høyrer lerka**. Men Garborg utvidar med ordet slå: **Å nei, eg høyrer lerka slå** og får dermed ein heilt annan rytme i songen sin, han startar med tre lette stavingar før trykket vert lagt på **høyrer**, medan Hovden får bare ei lett staving før ordet **nei** får trykk.

Kvar for seg har dikta nerve og bodskap, så får du velje om du vil late Garborg, Hovden eller Sivle sine lerker inspirere deg i året som kjem.

Eg måtte sjå programmet om Sivle om att i dag. Då la eg merke til ein episode eg ikkje hadde merkt meg med første gongen. Oddgeir Bruaset fortalde at Sivle og Garborg var på besøk hos Hovden på Lista. Dei gjekk ein tur på dei flate slettene ut mot havet, som jo er kjende for fugletrekket. Alle tre skreiv sidan songar om lerka. Eg har funne to av diktarane sine songar, men Hovden sin hugsar eg ikkje, så det vert med Garborg og Sivle i kveld og så ei lenke til verten deira til slutt.

Sivle: ( http://nn.wikipedia.org/wiki/Per_Sivle )

Og vesle lerka, ho hev det so
at finn ho ein tuvetopp fri for snjo,
so kved ho i med sin finaste song,
so trur ho på våren med ein einaste gong.
“Å hei! Å hi! Å tiriliti! Å tirili, tirili-ti!”

Og vesle lerka, ho hev det slik
at finn ho ein solstråle, so vert ho rik.
Då stig ho i høgdi og trallar i lit
til sumar på jord, endå snjoen ligg kvit.
“Å hei! Å hi! Å tiriliti! Å tirili, tirili-ti!”

Og lyngtuva, det er lerka sitt fat.
Der set ho seg ned, og so fær ho seg mat.
Og når ho er mett, ho takkar so glad
vår herre for maten, med kvitter og kvad
“Å hei! Å hi! Å tiriliti! Å tirili, tirili-ti!”

Gud signe deg! Du er fuglen min, du!
Gud signe no deg med di glade tru!
Og møter eg kulde og snjo på min veg,
Gud gjev meg i soltru å kveda med deg:
“Å hei! Å hi! Å tiriliti! Å tirili-tirili-ti!”

Garborg ( http://nn.wikipedia.org/wiki/Arne_Garborg )

**Vaardag**

Aa nei, for Himil rein og klaar!
Aa sæle meg, no er det Vaar!
No spelar Liv um Land og Strand;
aa sæle meg, at upp eg vann!

Aa nei, for Dag vaar Herre gav!
So skirt um Fjell, so svalt i Hav!
So linn ei Luft, so høgt um Haug!
Og dette sæle Solskinslaug!

Aa nei, eg høyrer Lerka slaa
upp under bleike Himilblaa;
mot Kvelv ho stig med Songen sin;
snart naar ho visst i Himlen inn.

Sjaa Maaken ror fraa klaare Nut
i stille Tak mot Havet ut;
og Fugl det kvitrar, kved og syng
i Tun og Tre, i Lund og Lyng.

Og aa, som Soli lognar trygg
som Varmeflaum um Barm og Rygg!
Og gjenom all den milde Dag
det mjuke, salte Havsens Drag!

Det brydder Straa, det sveller Knupp,
og Sevja stig i Treet upp;
ein Daam det vaknar søt og tung …
Aa sæle meg som er so ung!

To vers frå **Fuglar**

Tirli-ti! segjer Lerka,
ho stig og stig imot Sky.
Kvar Gong ho tirlar i Morgonstundi,
daa verter Verdi ny.

Tirli-ti! segjer Lerka,
ho sviv under Kvelven fritt.
Kvar Gong ho tirlar i Morgonstundi,
det kitlar i Hjarta mitt.

Hovden (http://no.wikipedia.org/wiki/Anders_Hovden)
http://www.farsunds-avis.no/artikkel.asp?Artid=21127

Eg ville prøve å få tak i plata Glade jul der Kjell Bækkelund spelar pianoparafrasar over kjende jolesongar. Etter kvart fann eg ut kven som hadde gjeve ut plata og tok ein telefon til dei:

-Det er frå Valle Radio. Eg skulle gjerne ha plata Glade jul med Kjell Bækkelund.
-Hos oss er julen over nå. Dessuten er det en gammel plate, så vi kan ikke sende den gratis til deg nå.
-Eg tenkte ikkje å få den gratis, vi ville kjøpe den.
-Når tid trenger du den til.
-Onsdag etter nyttår.
.Jeg skal se hva jeg kan gjøre og sende den til deg med faktura.
-Tusen takk, og framleis god jol og godt nyttår.

Så la eg på. Vonleg får eg plata slik at du kan høyre Bækkelund spele på nyåret.

—

I dag var eg i butikken, eg har ikkje trødd ned dørene der i jola. Julestjerne 10 kroner, stod det på ein stor plakat med det same eg kom inn.

Jo, jula er over. Og eg måtte til dansk wikipedia for å finne artikkelen om julestjerne:
http://da.wikipedia.org/wiki/Julestjerne

Gled deg over det du finn der så lenge.

Eg fekk ein telefon frå Olav Mandt, som er styreleiar i Bykle Radio. Han kunne fortelje at frist for å søke konsesjon for ein ny 7-årsperiode er 20. januar, så plutseleg vart det hastverk. Vi må få til eit møte like over nyttår for å diskutere dette saman med dei.

Han kunne fortelje at det hadde vore eit initiativ frå Radio Loland som vil gå saman med Lindesnes og Søgne og få profesjonalisert med ei stilling for å selje reklame, og då ville dei gjerne ha med Bykle og Evje. Olav Mandt syntest ikkje det var nokon god ide, det gjorde ikkje eg heller. Vårt opplegg ville drukne i deira.

Send meg mail på harhaugl@gmail.com om du har idear til saka.

Julesalma på nr. 43 i Norsk Salmebok i nynorsk versjon av Elias Blix og nr. 42 i bokmålversjon **Her kommer, Jesus, dine små** av Hans Adolf Brorson vil nok på mange joletrefestar også i år syngjast feil. Jolesongar er nok noko av det som held seg lengst mot revisjonar, innsungne som dei er gjennom utallege rundar rundt joletreet på joletrefestar gjennom generasjonar. Og salma av Brorson med tittel **Her kommer dine arme små** ligg lett på tunga hos alle vaksne som var vande med bokmålsteksten.

Heile åtte vers måtte Brorson ha for å få sagt det han ville i salma, som er frå 1732, men som fyrst fekk melodi 54 år seinare, i 1786, av den tyske organisten og komponisten Johann Abraham Peter Schultz, som du kan lese om på wikipedia, sjå http://no.wikipedia.org/wiki/Johann_Abraham_Peter_Schultz Frå denne lenka kan du gå til teksten på salma og.

Eit brev i jolehelga minte meg om at melodien ofte vart nytta som salongmusikk, **Parafrase over Her kommer dine arme små** var alltid ein suksess på joletrefestar. Men komponisten av parafrasen visste eg lite om, inntil eg fann at han heitte Rudolph Magnus Forwald og var organist i Mandal i 10 år frå 1894 til 1904. Så no er det ein artikkel om han og på wikipedia: http://no.wikipedia.org/wiki/Rudolph_Magnus_Forwald ikkje mykje biografisk stoff ennå, men det kan kome meir etter kvart. Det fine med wikipedia er at ein treng ikkje ha ein full artikkel i starten, den kan vekse over tid.

Eg trur eg vil prøve å få tak i Kjell Bækkelunds innspeling av pianoparafrasar over jolesongar. Om det lukkast, vil eg dele musikken med deg i Valle Radio over nyttår, når vi er tilbake på lufta att.

Karl Lea var vikarprest i Valle vinteren 1892, mellom Gjesdahl og Svanholm. Han var 30 år gamal den vinteren, fødd 13. mai 1962. Hadde tidlegare vore kateket i Finnmark, men sa opp og reiste heim til kona til Kristiansand då ho vart sjuk der nord og hadde reist heim tidlegare. Det er hennar forteljing som fylgjer nedanfor, eg kom over eit stykke ho hadde skrive og som er blitt lagt ut på Internett her: Sjå http://www.hausken.com/nor/slekt/IngeborgLea.html

Prestegården ligger vakkert til med utsikt over hele Valle. Den var gammel den gang, men vi fikk det ganske koselig, og mor bestemte seg for å reise tilbake. Vi hadde fått en pålitelig hjelp og begynte å få hjemmefølelsen.

Da kom Karl hjem fra posten en dag. Han var utnevnt til Hægbostad. Han skrev imidlertid til departementet og fikk utsettelse til våren med flytting.

Vinteren ble god, kald og stille med meget sol og mange herlige kjøreturer. **Nyttårsaften til Bykle i 30 graders kulde.** Skyss in natura som det het. Det vil si at bøndene besørget skyssen selv. Til Bykle, 40 km., var den delt på tre, så det var friske hester som stod og ventet på et bestemt sted, hvor vi da oftest var inne og varmet oss.

Alt var bra og folk var elskverdige, men rensligheten stod langt tilbake. I de år var turberkolosen svært slem. Husker en tur til Hyllestad, annekset sydenom, bitterlig kaldt. Mannen som hentet oss hadde lagt en skinnfell til å sitte på og trekke opp over knærne. Jeg må ha sett på fellen for mannen sier plutselig: Du tar inkje være redd for fellen, eg tok han av badstuen i går.

Vi velsignet både mannen og fellen.

Den tid var det ikke ovn i Valle kirke. Spør om det var kaldt ? Vi ble glade i folket og dalen og gruet oss for oppbruddet. Men det måtte til, og en fin dag i slutten av mars drog vi sydover med egen hest, sluffe, to små gutter og vår trofaste Tarjer som fulgte og ble hos oss i 7 år. Karl leste med henne, fikk henne inn på jordmorskolen i Bergen, hvorfra hun reiste til Amerika.

Det er lettare å dra mellom Valle og Bykle i våre dagar, ja. Vi kan ha godt av å minne kvarandre på det av og til.