I kveld var det samling for medarbeidarane i Valle Radio før oppstart for hausten 2019. Eg fekk også invitasjon til å vere med, og er takksam for at eg ikkje er heilt ute av soga, sjølv om eg ikkje tek turen frå Mandal til Valle. I haust har eg og fått spørsmål om å vere programleiar, så eg er jo spent på å få sjå lista.

Det var ei glede å sjå bilete frå samlinga og sjå at det er mange som framleis er med i radiogjengen. At folk stiller opp og blir med i frivillig arbeid er viktig i samfunnet. På mange måtar er det frivillige arbeidet som limet i det sosiale livet i eit bygdesamfunn.

Radioen gir eit høve til å få ut god og aktuell informasjon om lokale saker, kan hende til og med betre enn lokalavisa klarer det, og i alle fall med ei anna vinkling og med lyd. Eg tenkjer at mange kosar seg i bilen når dei får inn Valle Radio, sjølv om DAB-innføringa og innkjøp av ny bil med mange DAB-kanalar nok har teke bort nokre lyttarar. I alle fall dei som ikkje orkar å finne ut korleis dei får inn FM.

Lukke til med oppstarten, alle gode radiofolk. Eit nytt semester står for døra og det vil alltid vere saker å rapportere om.

Gårsdagens Setesdølen hadde 13 lesarinnlegg. Det må vere ein draum for redaktør Sigurd Haugsgjerd å ha så aktive lesarar. Nå er det nok ikkje saker som avisa frontar som står på agendaen, det er valkamp og bare ei mogleg avis att for folk som er engasjert i valkampen i Setesdal til å få fram synspunkta sine.

Kryss ei kvinne, skriv Silje Hodne Kleven og Line Kysnes Vennesland frå Arbeiderpartiet

Eit varmare samfunn ønskjer Rune Granheim og Anette S. Skeie frå den nye Setesdalslista i Bygland.

Best i verda! skriv Hallvard T. Bjørgum og råder folk til å stemme Arbeiderpartiet i Valle.

Et samlingssted i Evje sentrum ønskjer Alf Tore Moen frå Høyre.

Arbeiderpartiet sikrer skolen nær der du bor mener Gro Bråten og Line Kysnes Vennesland

Bygland AP vil sikre kommuneøkonomien, seier Sigbjørn Åge Fossdal

Eg har valt Valle. Kva vil du velje? spør Magit Dale frå Senterpartiet.

Natur og næringsliv – en god kombinasjon meiner Thomas Haugland frå Evje og Hornnes Venstre

Meir om eldreomsorgen er tittel på innlegget til Inger Juvastøl frå Evje og Hornnes Høgre

Samarbeid i Setesdal er i fokus hjå Bygland senterparti

Klimautfordringene vil også kreve lokal politikk seier Finn Bjørn Rørvik fra Evje og Hornnes Høyre

Agder – jeg er klar, sier Arne Thomassen som vil blir fylkesordfører for Høyre.

Når eg ser på innlegga, er det Høgre som er mest aktive i avisa denne gongen. Men Arbeiderpartiet og Senterpartiet er ikkje langt bak og også Venstre har sett seg til tastaturet. Men KrF og FrP glimrar med sitt fråvær denne gongen.

Så då er det bare å gjere seg opp si eiga meining og ta turen til vallokalet måndag.

Dagen i dag ble en lesedag. Jeg hadde funnet Etter deg av JoJo Moyes på en bruktbutikk og tatt den med meg, bare for å oppdage at det var en oppfølger til Et helt halvt år. Da måtte jeg utsette lesningen og først få lånt den før jeg kunne gå i gang med den innkjøpte boka.

I dag var Reidun på biblioteket for å levere en strikkebok. Hun hadde tatt kopi av mønsteret hun strikket og det nærmet seg fristen for å levere boken tilbake. Så da tok hun med Et helt halvt år tilbake. Og jeg satte meg til å lese.

Det er ikke ofte jeg leser ut en bok på 495 sider i ett strekk, men det gjorde jeg i dag. Slik omtales boken fra forlaget:

Et helt halvt år er tidenes mest solgte roman i Norge!

Lou Clark vet en god del.

Hun vet hvor mange skritt det er fra bussholdeplassen og hjem. Hun vet at hun liker jobben sin på kafeen The Buttered Bun, og hun vet at hun kanskje ikke elsker kjæresten sin, Patrick. Det Lou ikke vet, er at hun snart kommer til å miste jobben, eller at hun er avhengig av å vite hva som venter rundt neste sving, for ikke å gå fra forstanden.

Will Traynor vet at motorsykkelulykken tok fra ham viljen til å leve. Han vet at alt føles veldig smått og meningsløst, og han vet nøyaktig hvordan han skal få slutt på det. Det Will ikke vet, er at det er like før Lou stormer inn i livet hans som et levende fyrverkeri.

Og ingen av dem vet at de kommer til å forandre hverandre for alltid.

• Et helt halvt år toppet den norske bestselgerlisten i hele 2014.
• Oppfølgerne Etter deg (2015) og Fremdeles meg (2018) ble umiddelbare bestselgere – og befester Moyes’ posisjon som tiårets mestselgende forfatter i Norge.
• Tilsammen har Jojo Moyes solgt over 1,2 millioner bøker i Norge og 31 millioner bøker internasjonalt.
  
• Over 500.000 nordmenn strømmet til kinosalene for å se spillefilmen med Emilia Clark (Game of Thrones) i hovedrollen som Lou i 2016. Et helt halvt år ble den mest sette utenlandske filmen på norske kinoer samme år. 

Jeg kan godt skjønne superlativene. I morgen får jeg begynne på Etter deg.

I kveld kom eg til å sjå på debatten som var på NRK om aktuelle saker før valget. Denne gongen var det bompengar som var i fokus. Det er jo ikkje så aktuelt for meg, for her eg bur er det ingen bommar om ein ikkje skal til Kristiansand eller lenger bort. Og det skal eg jo ikkje så ofte.

Men bompengar engasjerer mange, særleg i dei store byane. Der er det til og med kome eigne lister for å få bort bommane. Jon Georg Dale var klar på at han ikkje ville ha fleire bommar i område med lite kollektivtrafikk, der han kom frå var det buss bare kvar fredag.

Når grunnlaget for kollektivtrafikk er lite, blir det jo sjeldne bussruter. Her på Eskeland ville det vore nokså vanskeleg å basere seg på kollektivtrafikk, det er ikkje mange bussar i løpet av ein dag.

Sjølvsagt kunne ein jo ta drosje kombinert med buss om ein skulle dra nokon stad, men så er det jo fridomen med å ha bilen. Det gjer at vi brukar alt for mange pengar på eit kjøretøy som ikkje er i bruk så ofte. Då veit vi at vi kan ta ein tur når vi ønsker og ikkje stå på busshaldeplassen og vente.

Kven som vann debatten vil nok bli vurdert ulikt og vere avhengig av situasjonen som kvar og ein har.

I dag sette søster mi, Gunbjørg Sola og mannen Sigurd, seg  på flyet på Sola for å reise til Sør-Afrika. Der skal dei vere eit par veker. Før dei er komne heim, reiser min svoger Gaute Rasmussen til Tyrkia. Han skal vere saman med prestar i Rogaland på studietur og dra til byane som er nemnde i Johannes Åpenbaring. Sjølv om han er pensjonist får han vere med på turen. Når han er vel heime att, tek han med seg kona på ein tur til Sri Lanka.

Den tredje søster mi, Jorunn Moen og mannen Ole Thorvald Moen skal til Israel litt seinare i haust, men bror min Hermund er framleis i jobb, så han legg ikkje ut på lange turar.

Sjølv om eg er pensjonist og ikkje i jobb, gjer eg som bror min, eg held meg heime. Av og til tenkjer eg at 15 år med pendling mellom Valle og Mandal var meir enn nok reising. No vil eg vere heime.

Men det går jo an å reise utan å flytte seg fysisk. Det har eg gjort den siste veka. Eg var innom NLM Gjenbruk på Lumber onsdag og der fann eg ei bok, det var den første i ein trilogi. Handlinga går føre seg i USA og Spania, så i fantasien er eg på reise til begge sider av Atlanterhavet når eg les Senor Peregrino, La Peregrina og Los Peregrinos av Cecilia Samartin. No er eg ferdig med bøkene og kan hende klar for nye turar til andre fascinerande stader.

Her ser du Gunbjørg og Sigurd i Dubai på veg til Sør-Aftika i dag.

Er det nokon som les Setesdalswiki?

Det er eit spørsmål eg av og til stiller meg sjølv. I tunge stunder tenkjer eg at Setesdalswiki bare er ein hobby for meg som likar å skrive av og til.

Kan hende skulle eg heller ha skrive memoarar. Eg fekk ei oppmoding om det for ei tid sidan, men slo det bort som lite aktuelt. Eg er nok betre på sakprosa enn på skjønnlitterær produksjon og om ein tekst med opplevingar skal leve, må han nok ha meir skjønnlitterær kvalitet enn eg kan gi han.

Men så tok eg ein titt på Statistikken til Setesdalswiki. Den syner at i august var det 9844 unike gjester, altså tett på 10.000, som hadde funne noko på nettstaden. Det er det høgaste talet til no i år. Dei besøkte 142.300 sider. I snitt er 562 besøk kvar dag. Dei ser på mellom ni og ti sider. Eg tvilar nok på om mine memoarar ville engasjert så mange lesarar, så eg gjer nok rett med å halde meg til sakprosa.

Eg må jo også tenke på at regionen eg skriv om, ikkje er den mest folkerike på Agder og at han ikkje utmerkar seg med særleg vekst i folketalet. Siste året gjekk folketalet ned, det var auke på 35 i tre kommunar, men reduksjon på 65 i tre andre kommunar, etter det eg kunne lese i Setesdølen torsdag. Det betyr 30 færre.

Om Setesdalswiki er med på å få folk til å bu i regionen, tvilar eg nok på. Men om nokon vurderer å flytte til Setesdal, vil dei i alle fall finne mykje informasjon ved å leite rundt på nettstaden, så noko godt kan det sikkert vere med at eg held på med skrivinga mi.

Med åra har det blitt ein del artiklar om prestar på Setesdalswiki. Nesten 100, for å vere litt meir konkret. Det er ikkje unaturleg for eit slikt lokalt leksikon som Setesdalswiki, for prestar er sentrale personar i lokalsamfunna.

Difor var det med stor interesse eg oppdaga boka Prester i Den norske kirke og andre teologiske kandidater då eg var innom på NMS Gjenbruk i Lyngdal denne veka. Det var 7. utgave av Norges Geistlighed og kom ut i 1974. Den første kom ut i 1885 og hadde ca 1500 namn, den boka eg fekk tak i hadde 2200 namn.

Ei av dei som stod i kassa i butikken vart veldig interessert då eg kom og skulle betale. Ho begynte å bla i boka for å finne ut om konfirmasjonspresten hennar var omtalt der. Men ho fann han ikkje,, truleg var han død før 1977, for ho var konfirmert tidleg på 1960-talet og hennar kull var det siste han hadde før han vart pensjonist.

Når eg no har bladd litt i boka, ser eg at det er informasjon om prestar som har vore i Setesdal og som eg ikkje har artiklar om på Setesdalswiki enno, så etter kvart får eg nok bruke boka til å lage nokre nye artiklar.

Det slår meg at dei fleste personane som er omtalte i boka, no er anten pensjonistar eller døde. Slik sett er det nok eit problem å finne informasjon om dei framleis lever når eg skal skrive mine små biografiar. Men det problemet får eg løyse når det kjem. Det var ei interessant bok å få tak i.

Under sendinga i  Valle Radio i går kveld, der politikarar skulle svare på spørsmål frå publikum og diskutere tem som programleiar Odd Inge Rønning Uleberg tok opp, kom dei også innom den immaterielle kulturarven.

Spelemannslaget har sendt søknad til UNESCO om at Setesdal sin immaterielle kulturarv må kome på verdsarvlista. Om det skulle skje, vil det truleg måtte blir oppfylging av Valle kommune. Røros med sitt trehusmiljø er på den lista og har fire personar i arbeid for å ta vare på verdiane, meiner eg dei sa.

Ville så politikarane i Valle vere villige til å satse slik om det skulle lukkast å kome på den lista?

I ein valkamp er det lett for alle å svare ja på eit slikt spørsmål. Om det skulle bli noko av det, må dei så stå til ansvar for det dei har lova.

Immateriell kulturarv er stev, folkeviser, folkemusikk og folkedans. Odd Inge berømma arrangementa med folkemusikkpub på Sølvgarden som blir arrangerte av og til, der Gunnar Stubseid og Hallvard T. Bjørgum og andre musikarar spelar og fortel.

I ein omtale av dette skriv Spelemannslaget:

Tradisjonen har rom for personleg utforming og variasjon. Det finst registrert kring 25-30.000 stev frå Setesdal, og kring 40 ulike stevmelodiar. Ettersom alle nystev har same verseform (og det same gjeld for gamlestev), kan dei ulike melodiane brukast på dei stevtekstane som finst. Det blir også dikta nye stev. Stev blir bruka i reklame, som debattinnlegg, i søknader, og som verseform i takketalar og helsingar til bryllaup, konfirmasjonar m m. Det kan nemnast spesielt at stev blir ofte bruka i lokalavisa (Setesdølen) og mållagets jolehefte (Jol i Setesdal).

Om du klikkar på lenka over, kan du lese heile artikkelen.

I kveld var det valsending i Valle Radio. Eg høyrde ei stund på sendinga, men så fall ho ut og då fekk eg ikkje kontakt etterpå.

I staden tenkte eg at eg skulle gå litt vidare på prosjektet om å Skrive om dei som står på listene til valet i 2019. Det er mange røde lenker der, så ein kan vere oppteken med det framover mot valet og knapt halde på med anna om det skal bli blå lenker på alle. Slike ambisjonar har eg ikkje, men om eg kan klare nokre, er det fint.

Dermed vart det tre nye artiklar om lokalpolitikarar i Bygland i kveld, og no er AP-lista i Bygland 2019 kokmplett.

AP-lista i Bygland 2019 hadde 10 namn:

1. Sigbjørn Åge Fossdal (f. 1955))
2. May Brit Stenjor (f. 1953)
3. Kim Andre Nomeland Thorstensen (f.1992)
4. Annette Larsson (f. 1970)
5. Bjørn Helge Lund (f. 1963)
6. Karin Omdal Vestøl (f. 1957)
7. Arne Larsson (f. 1965)
8. Irene Moe (f. 1974)
9. Vidar Toreid (f. 1947)
10. Åse Heistein (f. 1944)
11. Jan Terje Skjeggedal (f. 1956)

Elles var eg i dag ein tur til Kristiansand og innom i Gjenbruksbutikken på Lumber. Der låg ei bok eg ville ha like etter at eg kom inn, og tre menn sat i sofaen og såg på kundene.

-Der gjekk den første boka i dag, sa den eine.

Det verka ikkje som om dei ville kjøpe bøker sjølv, men var lukkelege over at det var kunder til bøkene. Eg fann ei bok til og Reidun fann ein strikkepinne, rundpinne, så vi var begge vel nøgde då vi sette kursen heimover.

Då eg i kveld høyrde på Valle Radio, kom eg inn i Sangtimen og fekk med meg desse sangane:

• Juan Francisco Petriarena ‘Xenpelar’, Naomi Shemer: «Jerushala’im shel zahav» med Viktor Klimenko på albumet Jag har hört om en stad (2011).
• Stephen Adams, Frederic Weatherly (overs. Thorleif Larsen): «Den hellige stad» med Peder Alhaug trolig med KFUM-koret “Sela” – Oslo dirigert av Dag Kristoffersen og akkompagnert av Rolf Holger på albumet Jeg har hørt om perleporten (1958).
• «Psalm 25 vers 2 en 6» med Massale samenzangkoor Bovenkerk Kampen dirigert av Jan Quintus Zwart, akkompagnert av Willem Hendrik Zwart på albumet “Looft, looft verheugd den Heer der Heeren” – Geliefde psalmen, deel 1 (2011).
• Trad: «Min sjel, min sjel, love Herren» med Kirsten Flagstad, akkompagnert av Sigvart Fotland på J.H. Jørgensen-orgelet i Ris kirke i Oslo. På albumet Kirsten Flagstad edition – The Decca recitals (2012).

Mellom to av desse kom også fødselsdagshelsing til meg, no er det over ei veke sidan, men det var jo ei hyggeleg overrasking.

Vidare ut over kvelden var det aktuell time med Bjørn Sigurd Glorvigen om stevseminaret som skal vere på Hovden til helga, Ingebjørg Berstad Torp, som er regionleiar i Normisjon fortalde om arrangement dei skal ha i Lyngdal til helga der bedehuset skal stå i fokus og Odd Inge Rønning Uleberg snakka om valgsendinga som skal vere i Valle Radio i morgon frå klokka 18.

Så kom Niklos K. Besteland i studio og presenterte musikk av Anton Bruckner. Det var flott musikk og ukjent for meg:

1. Locus iste. Motett for firstemmig kor. Koret i St. Bride’s Church i London. Dirigent Robert Jones
2. Ave Maria. Motett for firstemmig kor. Koret i St. Bride’s Church i London. Dirigent Robert Jones
3. Vorspiel und Fuge i c-moll. Organist: Heinz Lohmann (Berlin). Orgel: Jesuittenkirche i Mannheim
4. Tantum ergo. Motett for firstemmig kor. Koret i St. Bride’s Church i London. Dirigent Robert Jones
5. Christus factus est. Motett for firstemmig kor. Koret i St. Bride’s Church i London. Dirigent Robert Jones

Overskrifta i kveld var Min sjel lov Herren. Sendinga i kveld ga grunnlag for slik takksemd. Haustsesongen i Valle Radio er starta. Vi har mykje å glede oss til framover på tysdagskveldane og onsdagskveldane.