Når ein er så gammal som eg, kan ein ha lange linjer bakover. Morfar døydde på slutten av 1920-talet, så han møtte eg ikkje. Men mormor levde til 1975, ho var enke lenge. Ho fekk fire barn, og så hadde morfar ei dotter frå første ekteskap.

I kveld måtte eg snakke litt med Margunn, for ho har overteke slektsgranskinga etter Helge. Eg burde jo hatt ei utprinta liste å sjå på, men det hadde eg ikkje. Men Margunn oppklarte det eg lurte på.

På nettet fann eg Husaboka, boka Norges bebyggelse. Der var huset til mormor som ho fekk sett opp i 1936 og der ho sidan skaffa seg eit levebrød med heimebakeri. Eg var mange gonger der og sytte for at potetkaker og lefser kom med bussen til kunder.