Det er vel ikkje det største problemet, særleg ikkje når ein har reservebriller, men dei gode brillene eg har hatt ei stund no, knakk i venstre stanga i kveld. Eg sat og las i Vetle Lid Larsen si mursteinsbok Lucias siste reise og då treng eg briller. Elles klarar eg meg godt utan.

Boka handlar om Sancta Lucia, helgenen vi syng om før jul. Ho kom forbi i Bokklubben, og eg “gløymde” å avbestille henne, for ho såg interessant ut, og det er ho også, i alle fall dei første 90 sidene. Når ein først har kome så langt i ei bok, brukar eg å lese henne ut. 622 sider + ordforklaringar. Her er litt av omtalen:

Når virkeligheten overgår fantasien
Lucias altfor korte liv, der hun så vidt rakk å være en livsglad, søkende og oppsetsig ungdom, fikk en fryktelig brutal avslutning. Det kunne like gjerne ha blitt en historisk bagatell, så hva var det med Lucia som gjorde at hun ble en helgen som alle, både gamle og unge, har et forhold til den dag i dag?

– Det har vært spesielt inspirerende å jobbe frem denne fortellingen. Jeg begynte å nøste i det for noen år siden, og ble så grepet av dette at jeg nå har jobbet fem år på heltid, sier Vetle Lid Larssen i intervju med VG.

Det startet på Sicilia, da han ramlet over en tom grav der Sankta Lucia skulle ha ligget. – Og dermed ble jeg viklet inn i en utrolig historie. Lucias siste reise er basert på virkelige hendelser og personer. Det er sant som det sies: Noen ganger overgår virkeligheten fantasien, sier Vetle Lid Larssen.

Tenåringstrøbbel
Forfatteren lar oss møte 17-årige Lucia, som er på vei til Roma med sin syke mor. Moren forsøker å sikre Lucias framtid gjennom et arrangert giftermål, men i Roma møter ungjenta folk som gir henne nye tanker og ønsker for sin egen framtid. Hun blir betatt av den  nye, kristne trosretningen og vier mer og mer av sin tid til å hjelpe sine trosfeller. Alt må foregå i det skjulte, men da hun sier tydelig fra til sin forlovede at hun ikke akter å gifte seg med ham, hevner han seg ved å angi henne. Det blir skjebnesvangert. Hun blir tatt til fange, brutalt voldtatt og til slutt henrettet.

-Samarbeid om veg gav eit løft til heile dalen, sa komande kommunedirektør Vidar Homme i Valle Radio i går kveld. Han vart intervjua av Ørnulf Hasla på matromet hos Hasla i Valle sentrum måndagskvelden.

I programmet siterte Ørnulf frå Setesdalswiki sin artikkel om Vidar Homme: Etter artium på Hornnes gymnas studerte han på NTH frå 1991 til 1996 og vart sivilingeniør i industriell økonomi. Deretter fekk han jobb i Kristiansand Elektrisitetsverk som marknadsanalytikar og porteføljeforvaltar innan krafthandel, ei stilling han hadde til 2000, då han vart rådmann i Valle kommune. Han var rådmann til 2006.

Eg ser jo at artikkelen må oppdaterast, det er jo eit problem at ettersom tida går, så er det trong for å oppdatere artiklar. Eg fekk nok ikkje med meg alt han hadde halde på med frå han reiste til han no kjem tilbake, men han fortalde litt frå tida som næringssjef i Vennesla at det var flott at kommunen hadde klar næringstomt på Støleheia då batterifabrikken ville etablere seg i regionen. Då Hunsfos papirfabrik la inn årene, var det 180 tilsette, men i bygningane som i dag kallast Hunsfos industripark jobbar det no 700 personar, så det er mogleg å få til noko nytt sjølv om det er trist når ein gammal fabrikk må gje seg.

Næringsutvikling er viktig for ein kommune, for utan arbeid vil ikkje folk bu i kommunen. Difor trengst det tomter for både bustad og næring, og då må ein samarbeide om å få det til slik at unge kan etablere seg med eigne arbeidsplassar om dei ikkje får jobb hos andre.

Valle kommune samarbeider med Valle bygdekvinnelag og Valle IL om bruken av det gamle internatbygget. Sissel Åkre fortalde litt om det. Før hadde dei vevstoge i Tosong, no har dei flytta all verksemda si til internatbygget og fått gode rom der, både vevstoge, møterom og kontor. 1. mars skal laget, som vart starta i 1947 og altså er 75 år i år, markere opning av den nye verestaden med ope hus for alle og syne kor fint det er blitt etter svært mange dugnadstimar, noko som høver godt i Frivillighetens år. Laget arbeider også med digitalisering av skrifter dei har gitt ut og filmar dei har produsert. Filmane skal leggjast ut på YouTube etter kvart.

Bygdene merkar godt eldrebølga. Unge folk tek utdanning og får seg jobb i urbane strøk, då sit bygdene tilbake med minkande folketal og eldre folk. Dermed må rådmannen og hans stab planlegge for eldrebølgja med å lage planar for utbygging av heimebasert omsorg og eldrebustader nær sjukeheimen. I Valle er det administrativ leiar for pleie og omsorg, Solveig Kyrvestad som har dette ansvaret, fortalde vikarierande rådmann Eivind Berg i Valle Radio i kveld. Han skal vikarierer til ny rådmann er på plass, truleg 1. mai.

Eit anna tema han var oppteken av, var Revisjon av konsesjonsvillkår for Otra Kraft. Der skal Olje- og energidirektoratet ha svar på høyring, og kommunen må levere slikt svar. Ein har teke opp situasjonen for bleka, at vatnet som kjem gjennom turbinane er for kaldt og har for mykje luft. Det første er problem for dei som badar om sommaren, det andre er problem for bleka heile året. Krypsiv i tereskelbassenga og flaumen i Faråne er andre hendingar som er verd å merke seg som problem.

Saker frå Aktuell time skal vi kome tilbake til i morgon.

I Opi sending var det Jorunn og Kåre som hadde ansvar, og dei fekk nok telefonar til at det vart ei fin stund. Gyro Kopperud, Lasse Strai og eg deltok med løysingar på rebusar, spørsmål og generell prat. Vi fekk vel alle premiar også. Lasse hadde vore på hytta på heia ovanfor Besteland og hadde kome til Kristiansand i kveld. På hyttetaket var det ein meter snø. Men turen mellom byen og Valle går som ein leik no med den nye vegen, så det er greitt for ein pensjonist å kjøre opp ein tur i veka. Då har ein heia for seg sjølv, utan andre lydar enn dei naturen lagar.

Kulturarv kunne godt vere ei felles overskrift for programmet i Valle Radio i kveld. Etter dei faste postane med kåseri, andakt  var det tid for sangkveld, og då fekk vi ein musikalsk kulturkveld som folk med bedehuskulturen kunne kjenne seg att i. Ikkje alt var frå Sangboken, det skulle bare mangle, men fleire perler frå bedehuset var tredd inn på den snora Siri Johannessen laga.

I Timen frå halv åtte til halv ni var det først ein samtale med to elevar på sølvsmedlinja i Valle, ein gutt frå Kongsberg og ei jente frå Bergen.

Deretter var det ein interessant samtale med Sondre Bratland, som skal ha sangkveld i Bykle samfunnshus til fredag. Han fortalde levande både om kontakt med andre kvedarar og folkemusikarar. I 10 år hadde han vore elev av Ragnar Vigdal, som først kom på døra hans og sa at han ville gi vidare kulturarven frå den kristelege sangen til Sondre, som også hadde lært av Ingebjørg Liestøl i Åseral og som opplevde at irsk folkesang var nært i slekt. Sjølv hadde han fått gi vidare til Annbjørg Lien, som også var med litt på slutten. Ho har release på ny plate på Riksscenen i Oslo laurdag. I samband med dette fekk vi tidligslepp av «Silver Spoon» frå det nye albumet hennar.

Som vanleg tysdagskveldane var det Postludium til slutt. I kveld med dette programmet:

• Kjell Mørk Karlsen: Første sats, «De profundis clamavi» fra sonaten De profundis Op. 143, spilt av Terje Winge på Jørgensenorgelet fra 1945 i Ålesund kirke. Fra albumet Organism (2016),
• Edmund Rubbra: Preludium og fuge over et tema av Cyril Scott, Op. 69 (arr. for orgel), spilt av Robert Houssart på orgelet i St. John’s College Chapel i Cambridge. Fra albumet RUBBRA: Nine Tenebrae Motets / Magnificat and Nunc Dimittis (2001),
• Otto Olsson: «Canticum Simeonis», andre sats fra Sex latinska hymner Op. 40, for a cappella choir (1919). Fremført av Västerås Domkyrkas Gosskör ledet av Bror Samuelson, solist Mikael Samuelson (baryton). Fra albumet I Himmelen (Helg och vardag med Mariakören och Gosskören i Västerås) (1979/2007).

Speleliste og anna finn du på

Tysdagssending i Valle Radio 20220215

Sendingane i Valle Radio denne veka har fleire komande folk i fokus. Tysdagskvelden er det komande sylvsmedar og onsdagskvelden er det ein komande kommunedirektør. I tillegg er det litt av kvart anna på programmet. Det er forandringar i høve til det som var planlagt, men sjølv om Siri Johannessen snakka om det på telefonen i dag, hugsar eg ikkje heilt kven det var som skulle inn på tysdagskvelden.

Difor legg eg ut programmet slik eg fekk det i første omgang, og så får eg heller rette etterpå:

Tirsdag 15. februar
Ansvarlig og tekniker: Siri Johannessen
18.00 Kvarteret, programinformasjon og kåseri fra Norea
18.15 Over en åpen bibel med Pet Karlsen fra Norea

Sunnmøre er noko langt borte frå Setesdal og Agder, men sonen vår, Sigmund Haugland, fann seg ei jente der og har slått seg ned der. Han studerte historie og skreiv ei oppgåve om middelalderkyrkjer på Sunnmøre, Den kom med i Årbok for Sunnmøre 2013 og nå har vi fått legge den ut på Setesdalswiki. Etter kvart vil det bli lenker til artikkelen og det vil bli sett inn bilder.

Eg er glad for slike artiklar på Setesdalswiki, så om du har skrive ei oppgåve og vil ha henne publisert på Setesdalswiki, kan vi sikkert finne ein måte å gjere det på. Det er god plass på nettstaden.

I dag kom det også fleire andre nye artiklar på Setesdalswiki. Når Norge også har fått gull i OL, kan vi kanskje seie at det var ein gull-dag på mange måtar, sjølv om han helst var grå i naturen her sør.

Setesdalswiki er inne i ein god periode når det gjeld vekst i talet på artiklar. Vi runda 94100 artiklar 26. januar, og 94200 4. februar. Til vanleg brukar vi ein månad på eit hundretal, denne gongen gjekk det bare ei god veke. Og no er vi på veg mot neste hundretal med god fart. Eg ser ikkje bort frå at vi kan klare det før februar er over

Samstundes utvidar vi også artiklar som vi har frå før når vi finn nytt stoff å legge til. I tillegg til å skrive om setesdal og setesdølar, skriv vi også ein del om kristenliv og kristenfolk, ettersom slikt stoff ikkje er så lett å finne digitalt. Difor vil det nok kome artiklar om prestar og predikantar også i framtida.

Stor takk til dei som hjelper med artiklar. Om du les dette og vil vere med i dugnaden, er det bare å  registrere det og starte å skrive. Eg hadde ein prat med son min, Sigmund Haugland. Han bur i Ålesund og har skrive ein artikkel om steinkyrkjer på Sunnmøre. Den vil vi få til Setesdalswiki i nær framtid, men sjølv om temaet ikkje er sterkt relatert til Setesdal, tek vi med stoff som folk frå Setesdal har gitt oss lov til å publisere. Sigmund gjekk på Hylestad skule og ungdomsskulen i Valle før han reiste til Kvitsund gymnas. Gled deg til den artikkelen.

I kveld har vi besøk av Margunn og Stein, og då blir det snakk både om slekt, bibliotek og bru. Dei bur på Sandøya ved Brevik, og då er dei avhengige av ferje. Eg har jo meint at dei bør få bru, den ville koste 100 mill. kroner. Før var det tale om at ny ferje og slikt ville gjere at dei slepp unna noko rimelegare, og då kunne ein jo tenke at ein valde det billegaste alternativet på kort sikt. No er kalkylene visst meir enn dobla, kan hende tredobla. Då burde brua vere sjølvsagt, etter mi meining.

I staden har dei gått for ny ferje og nytt ferjeleie på ein plass der det vil vere store problem å legge til både i tåke og med straum eller is i Grenlandsfjorden. I år er jo det ikkje så aktuelt, så kanskje folk har gløymt at det kan vere is i fjorden. Stein har hevda synet sitt i bystyret, der han er varamann og har møtt nokre gonger etter at ein kollega der hamna i regjeringa. Men der vil partileiinga at han ikkje snakkar om det. Fylkesmannen sa skriftleg at han er inhabil i saka fordi han er for engasjert i henne. Tenk det.

I dag var eg til Kristiansand for ein kontroll på Lungemedisinsk poliklinikk. Først måtte eg innom bygget utanfor sjukehuset for å ta blodprøve, og ettersom eg skal ha ein telefonprat med ein annan lege seinare i februar, nytta eg høvet til samstundes å ta blodprøvane han treng. Dermed vart det ganske mange glass den dyktige bioingeniøren måtte fylle. Ho var forresten frå nord i landet etter dialekten å dømme, men namneskiltet hennar var snudd innover, så eg får ikkje nemne namnet hennar i skrytinga mi. Eg har blodårer som brukar å rulle, så av og til må den som stikk gi opp og heller stikke på handa, men ho fann ei åre i armen og tappa fulle glas.

Etter dette gjekk turen til sjukepleiar Ruth Slettan som skulle kontrollere verdiane og sjekke pustemaskinen min. Eg treng pustehjelp om natta, så eg litt med maske og får luft som blæs inn. Eg blei sitjande og vente saman med ein annan, han hadde nyleg fått slik maske og meinte det var vanskeleg, så han hadde lagt maska vekk, teke ein sovetablett og sovna utan sjenerande slangar. Eg var tydelegvis veteran og kunne ikkje klart meg utan dei same slangane, og sovetablett har eg aldri teke.

Vi låg bak sjukehusbussen, eg kunne jo teke den. Men Reidun kjørte meg inn, slik ho gjer når eg skal til kontroll. Om ein skal ta sjukehusbussen, kan det bli lang venting før den går tilbake, for den skal ha med seg mange folk til ulike plassar. Det vart litt lang venting for Reidun denne gongen, men noko før klokka tre var vi heime att. Etter litt mat var det godt å få ein strekk i senga.

Eg tok eit bilde og skreiv eit lite dikt:

Valle kommune er ein kulturkommune med stor K. Det må vere konklusjonen etter samtalen som Sondre Rua Dokken hadde med teknisk sjef Torleif Homme i Valle Radio i kveld.

Storstoga i Valle kultursenter vart bygd i 1970. No er det tid for ei omfattande rehabilitering. Eit krav var at det skulle vere amfi, men det synte seg at golvet i salen ikkje  var sterkt nok til å bere vekta av amfiet. Då måtte ein tenkje annleis.

Det var utlyst arkitektkonkurranse, den vann Trollvegg Arkitektstudio frå Kristiansand i konkurranse med mange andre. Kravet var at det skulle vere amfi med plass til 200 og nokre plassar i tillegg nede på golvet, 250 i alt. Så skulle det i tillegg til kultursalen vere kjøkken, klubblokale og klatrevegg. No ventar ein på ei skisse, den vil kome i løpet av våren.

Eit anna stort prosjekt som Teknisk etat jobbar med, er utbygging av renseanlegg på Rysstad. Det skal starte ved Otra Kraft, gå ned til Nomelandsmoen og vidare frå Nomeland til renseanlegget nord for Rysstad. Slik blir det ei samankopling, og det blir eit stort prosjekt.

Eit anna prosjekt dei jobbar med er rulleskiløypa i Brokke. Den skal få asfalt i mai-juni.

Her er programmet: