Tysdag 5. mars

Ansvarleg: Harald Haugland

18.00 Kvarteret
18.15 Over ein open Bibel
18.30 Nytt frå kyrkje- og kristenliv
18.45 Diakoniens dag i Valle kyrkje. Gudstenesteopptak frå 3. mars 2013
20.00 Møteplassen
20.30 Postludium ved Niklos K. Besteland
21.00 Kyrkjebakken

Onsdag 6. mars

Ansvarleg: Harald Haugland
Teknikar: Kåre Rike
Telefonvakter frå 20.30: Jorunn Helle og Solveig Rysstad

18.00 Aktuell time
19.00 Tankar frå Bibelen ved Håvard Viki
19.30 Kommunen informerer ved Torunn Charlotte Lund
20.00 Haralds time. Med Bjørg Åkre på tur til Kilimanjaro. Reprise frå 6. februar
21.00 Opi sending ved Harald Haugland

Valle Radio på internett:

*Facebook: http://www.facebook.com/pages/Valle-Radio/315158359845?fref=ts
*Valle Radios blogg: http://valleradio.blogs.no/
*Høyr oss på Internett: http://www.valleradio.com (trykk på «live streaming»)
*Programinformasjon på http://www.setesdalswiki.no/wiki/Hovedside

Så måtte dei avlyse Sesilåmi. 50 bussar kunne ta med seg skiløparar heim att i staden for å kjøre frå Brokke til Sinnes og hente trøytte skiløparar der. Det er vel grunn til å tru at mange var noko frustrerte over veret i morgontimane i dag. Men etter kvart som dei såg vinden ta til i styrke, var dei sikkert glade at dei ikkje var på fjellet og streva i motvind. I våre dagar er det rart å tenkje på at ein mann frå Brokke sette livet til i storm på veg heim frå Furestøyl til Brokke. Det har lenge stått eit kors oppe i bakken til minne om den hendinga. Kreftene på fjellet er ikkje til å spøkje med.

Dei som hadde kortast veg heim, rakk kanskje å få med seg 30 km i Val de Fiemme, der ein kunne sjå at jentene har lært seg noko av taktikk-gåinga til gutane og heller ville ligge bak i dragsuget enn å gå alt det ski og utstyr elles kunne tåle. Løpet der var i klassisk stil, akkurat som Sesilåmi. Men der var dei vel bare vel 40 som starta, medan det var 1600 på startstreken på Furestøyl. Og det var jo mindre publikumsvenleg å gå over fjellet enn i rundløype med TV og fulle tribunar.

Om 14 dagar er det HovdenTour, så det er vel råd å få med seg eit fjell-løp for dei som elskar å måle krefter med kvarandre og naturen på fjellet. Det kan vel ikkje blåse like mykje då.

Eg har halde meg i Mandal som vanleg, og då eg ferdagskvelden kom hit, låg det snø og is i hagen. Det meste forsvann med vinden i 8 varmegrader laurdagen. Så no er det bare å glede seg til at «blomster hvite, gule, blå – titter opp av uren.» For våren er ikkje avlyst.

Overskrifta er ikkje basert på ver eller oppleving av vinter, for eg er ikkje særleg glad i frost og snø og syng gjerne Frost og snø de måtte fly. Men for bloggen min vart februar flott på den måten at eg skreiv eit innlegg kvar dag heile månaden.

Det er ikkje ofte eg har klart å skrive noko på denne bloggen kvar dag ein heil månad. Som oftast har det vore dagar det ikkje har kome noko. Men i februar 2013 klarte eg det.

Det er i grunnen litt av eit paradoks, for eg har eigentleg planlagt å gå over til å skrive meir på den andre bloggen min, den som du finn i venstremargen på Setesdalswiki. Men av ein eller annan grunn held eg fram her som eg no har skrive ganske så lenge, eg hugsar ikkje sjølv om det var i 2007 eller 2005 eg starta å skrive. Det er blitt over 3000 små tekstar med åra.

Du som les bloggen min, veit at temavalet er ganske variert. Det må det vel vere når utganggspunktet ofte er program i Valle Radio, for det er mykje variert som vert omtalt der. Neste veke skal eg ha sending både tysdag og onsdag, og eg har alt teke til å planlegge, sjølv om eg enno ikkje har fastlagt programmet.

I dag fekk eg ein interessant epost. Det var ein bygdesogeskrivar i Vefsn som undra seg på om eg visste noko om namnet Hurrabakken i Hornnes. Han synte til eit oppslag frå Digitalarkivet der ein person frå Hylestad, Salve Halvorson Upstad, budde med familien sin i 1910 i den folketellinga som var det året. http://da.digitalarkivet.no/ft/bosted_land/bf01036570000189

Eg sender dette ut på bloggen og lurer på om nokon veit noko om Hurrabakken i Hornnes, bruket høyrde inn under Fennefoss. I så fall hadde eg likt å få ein kommentar her på bloggen eller i epost harhaugl (at) gmail.com eller ein telefon til 9763 1408.

Så vonar eg mars blir like produktiv som februar har vore. Eg gleder meg til at Frost og snø de måtte fly og sol og glede kan kome.