Etter store oppslag i Fædrelandsvennen om at Lillesand bystyre ville gå inn for å slutte seg til Vest-Agder om ikkje fylka no fekk fart i prosessen med samanslåing att, var det ikkje unaturleg å ta saka opp i Valle Radio. Bjørgulv prøvde å få fatt i både ordførar og varaordførar, men ingen av dei var å få tak i før sendinga, så det vart Pål Dale som kom på lufta. Han har jo vore med i politikken lenger enn nokon annan i kommunestyret, så han kjenner saka frå langt tilbake.

I samtalen kom dei inn på fleire sider ved dette å knytte seg til Vest-Agder. Mellom anna samarbeider Setesdal alt no mykje med fylket, ikkje minst fordi Riksveg 9 startar i Kristiansand, som jo er i Vest-Agder. Å få turistar til å bruke stamvegen er viktig, difor må ein samarbeide over fylkesgrensene. Riksveg 9 er ikkje på langt nær så viktig for politikarar sentralt i Aust-Agder. Pål minna om at den tidlegare fylkesordføraren, Oddvar Skaiaa frå Kristeleg Folkeparti, var sterkt for å slå saman fylka. Men då Laila Øygarden tok over etter valet i 2007, vart det mindre trykk i dette arbeidet.

Pål meinte at det var viktig at Setesdalskommunane fylgde opp saka som Lillesand no frontar, og han ville stille spørsmål om dette i kommunestyret neste møte.

I saksutgreiinga frå Lillesand heiter det:

St meld 12 – regionale fortrinn – regional framtid – ble fremlagt 8.12.06. Endelig forslag til valg av modell og regional inndeling ble da varslet skulle skje våren 2008.
Etter forsinkelser er oppfølgningen hittil kokt ned til et høringsnotat av 26.2.08 med forslag til fremtidige oppgaver til det regionale nivå med høringsfrist 30.4.08. Etter høringsrunden tas det ”sikte på fremleggelse av en samlet proposisjon til Stortinget høsten 2008. Proposisjonen vil inneholde både konkrete lovforslag om oppgaver og eventuelle forslag til endringer i fylkesinndelingen”.

Høringsprosessen i 2007 basert på Stortingsmeldingen viser ifl notatet at ”Vest-Agder fylkesting ønsker en region bestående av Agder-fylkene med mulige grensejusteringer både vestover og østover. Fylkestinget .. vil uansett gå inn for at Agder-fylkene blir en region”. ”Aust-Agder fylkesting ønsker en region bestående av Agder-fylkene og Telemark eller en enda større region med Agder-fylkene, Telemark og Vestfold”. Rogaland mener seg stor nok alene, mens Telemark foretrekker kobling med Buskerud og Vestfold. ”Alle kommunene i Agder som har uttalt seg .. vil ha en regionmodell bestående av minimum ett Agder”.

Fylkesrådmannen i Aust-Agder opplyser i brev av 27.11.07 at fylkestingene i vest og øst har
vedtatt at det skal lages en felles regionplan for Agder. Vår fylkesordfører er i Agderposten 6.3.08 gjengitt slik: ”I forrige uke hadde de to fylkestingene felles møte og vedtok å jobbe med en felles regionplan. La oss starte arbeidet og se om vi får til noe sammen. Dette kan bli et politisk verksted og skape nettverk som på sikt fører til en sammenslåing. Hun understreker at det hun er motstander av, er å foreta en
fylkessammenslåing nå når motstanden er så stor i Aust-Agder .. Jeg har nettopp deltatt på en kontaktkonferanse med regjeringen hvor forvaltningsreformen ble diskutert. Her ble det stilt spørsmål til kommunal- og regionalminister Magnhild Meltveit Kleppa om hun ville åpne for forsøk med fylkessammenslåinger. Hun var klar på at det nå skal fokuseres på oppgaver, ikke kommune- og fylkesgrenser”.

Lenke til kommunestyresakspapira i Lillesand finn du her: http://www.lillesand.kommune.no/innsyn.aspx?response=mote&moteid=857&scripturi=/innsyn.aspx&skin=infolink&Mid1=61&Mid2=1249&

I kveldens sending prata Bjørgulv T. Berg og Hallvard T. Bjørgum http://no.wikipedia.org/wiki/Hallvard_T._Bj%C3%B8rgum
saman om ideen som Hallvard har hatt om å forære ei munnharpe http://no.wikipedia.org/wiki/Munnharpe til Dolly Parton når ho 17. juni kjem til Sør Arena i Kristiansand for å halde konsert. http://no.wikipedia.org/wiki/Dolly_Parton

Hallvard hadde ikkje sendt førespurnad om å få kome på scenen og overrekke munnharpa, men ho var smidd med DP stempla inn i godset. Det var og tale om å leggje ved ei nål av gull med trådar av sylv, eit apropos til songen hennar Silver Threads & Golden Needles, sjå http://www.amazon.com/Gold-Greatest-Hits-Dolly-Parton/dp/B000059ZC6

Hallvard ville og leggje ved ei engelsk omsetjing av eit dikt av Henrik Wergeland og be om at ho laga melodi til det og framførte i Kristiansand, 17. juni er 200-årsdagen hans. http://no.wikipedia.org/wiki/Henrik_Wergeland

Det var eit fornøyeleg innslag i kveldens sending.

Konserten er 17. juni klokka 18:00, det er ståplassar til kr. 590 att å få kjøpt her: http://www.billettservice.no/html/evinfo.htmI?CNTX=3977355&l=NO&C=

Dette er einaste konserten ho held i Noreg i år.

Hallvard kunne tenkje seg å invitere henne med på ein tur til Setesdal heilt gratis, ho er eit unikum av ein musikar, fortalde han og lista opp ei rekke med instrument som ho spela.

**Tysdag 20. mai**

Ansvarleg:Harald Haugland

18:00 Kvarteret
18:15 Over ein open Bibel
18:30 Noreamagasinet
19:05 Møteplassen
19:30 Gospelkveld
20:30 Postludium. Niklos K. Besteland har musikk til høgtidsdagane i mai
21:00 Kyrkjebakken

**Onsdag 21. mai**
Ansvarleg: Bjørgulv T. Berg
Teknikar: Harald Haugland
Telefonvakt: Anna Rysstad og Bjørg Ragnhild Trydal Jansen
Open sending: Jorunn Lund Harstad

Ved ein feil kom ikkje onsdagsprogrammet i avisa. Men her er medarbeidarane, så legg eg ut programmet seinare.

Etter at eg hadde Ronny Stavsholt med meg i Valle Radio onsdagskvelden, har det surra litt bak i hovudet mitt at eg skulle skrive noko om sportsfiske her på bloggen.

Ronny fortalde at han var dommar i konkurransar i casting, som er ein sport der flugefiske har gått på land. Fram til 1970 heldt International Casting Sport Federation (ICSF) konkurransar i dette i vatn, men så flytta dei på land, og no er dei på land når dei konkurrerer. Her er heimesida til det ICSF: http://www.castingsport-icsf.com/

Det er som regel lettare å lese på norsk, men wikipedia har ikkje nokon artikkel på norsk om casting enno, men det er artikkel om flugefiske, og det kan vere ein god start på å finne ut kva som står i leksikonet om dette: http://no.wikipedia.org/wiki/Fluefiske

Om du då går til andre språk, finn du mange gode artiklar om temaet. Om du går nederst i artikkelen, finn du kategorien Sportsfiske, og den har 17 artiklar. Den har og lenke til bekkefiske og meitefiske. Men det er mykje som manglar i kategorien, så det kan nok tenkjast at det kjem nye artiklar der og i 2008.

Ronny fortalde og at han kvar sommar drog til Finnmark for å fiske. Om du nyttar denne lenka, kjem du til Iesjávri, som er vatnet han har lagt sin elsk på: http://no.wikipedia.org/wiki/Ie%C5%A1j%C3%A1vri Der finn du geografiske koordinatar, og når du trykkjer på den lenka, kjem det opp ei side der du kan velje ulike kart for å sjå kor vatnet ligg. Om du då vel google, får du opp kart og kan få mange ulike løysingar, mellom anna zoome inn og ut for å orientere kartet i høve til andre stader i Finnmark. Det er og eit val der du kan få opp alle artiklane i wikipedia om området, då gjeld det wikipedia på engelsk, og av dei to millionar artiklar wikipedia på engelsk har, er det ganske mange frå Finnmark, og artikkelen om Iesjávri er større enn den norske.

Inn til vidare kan den fiskeinteresserte lære flugefiske av Ronny kvar mandag kveld i Valle. VAFA står for opplegget, og om ein ikkje har stang sjølv, kan ein låne. Det skjer utanfor Valle Motell, men snart skal dei i elva og prøve seg.

I dag då eg drog oppover frå Mandal, var Reidun med meg, og dermed valde vi ein annan veg enn den raskaste. Det er jo litt triveleg å køyre på tur ein sundag og. Veret var fint, men vi var ikkje meir enn så vidt starta på vegen opp Mandalen, så tok det til å skvette litt. Det vart ikkje noko særleg av det, så i staden for å køyre på asfalt, tok vi i Marnardal av på grusveg til Finsådal og til vidare Lauvslandsmoen i Finsland. Dette er ei strekning som ofte vert nytta til Rally Sørland, men denne gongen gjekk det i bedageleg gamalmannstempo opp bakkane og bort slettene, gjennom svingar og langs bekker. Jordene stod grøne og frodige på dei lange moane.

Etter ein kort etappe på asfalt til Brandsvoll, tok vi turen over Hønemyr på grus. Og vi var ikkje kome langt på den nye asfalten før vi atter svinga av og tok over Steinsland, noko som vel førte oss opp mot det høgaste av Indre Agder i dette området, det var langt til toppar som låg høgare, slik opplevde vi det i alle fall.

Plutseleg, i ein sving, seier Reidun: -Ein elg! På jordet ved sida av vegen stod ein stor elg og såg på oss. Etter kvart har det blitt så sjeldan å sjå elg på Eskeland at vi stoppa litt midt i bakken og studerte det store dyret. Det heldt på å få sommarpels, så det var helst spettete. Eg trur det studerte oss, eller rettare sagt, bilen vår, like mykje. Det var vi som gav oss. Då vi drog vidare etter nokre minutt, stod elgen framleis der, rund og stor, aleine på jordet.

Ei naturoppleving på ein sundagstur.

Etter kvart kom vi ned til Riksveg 9 på Hægeland og tok neste etappe til Evje. I påskelotteriet til Valle Radio vann eg middag for to personar på Pernille kafé på Evje, og vi hadde planlagt å bruke den premien i dag. Utanfor Pernille stod Unni og Gunnar Hillestad og studerte menyen, og så fekk vi selskap ved bordet, noko som var svært så triveleg.

Då måltidet var over, var vi mette og gode. Dermed var det tid for å lette litt på trykket. Då møtte eg elgen att. På den eine døra stod det Okse, på den andre stod det Kyr, begge var pryda med teikning av elg.

Då smilte eg.

I følgje Fædrelandsvennen fekk ordførar Bjørgulv S. Lund sist veke brev frå miljøvernminister Erik Solheim om å ta vare på solblom, ein plante som vi har i Valle, men som er trua. Det var eit interessant oppslag om saka i Fædrelandsvennen, Oppslaget dekka alle kommunane på Agder, og Bygland sitt oppdrag var bleka, Evje og Hornnes kommune fekk Grannjamne, Iveland orkideen smalmarihand, mens Bykle fekk i oppdrag å gjere noko for kvitkurle.

Kva ein skal gjere, sa artikkelen ikkje noko om. Det kan du finne ut meir om her:http://www.dirnat.no/kommunearter Direktoratet for naturforvaltning står bak aksjonen og har laga **Tips til hva kommunene kan gjøre** og fleire andre sider med informasjon.

Her er lenke til Solblom-artikkelen på wikipedia: http://no.wikipedia.org/wiki/Solblom
Her er lenke til Solblomartikkelen hos Rolv Hjelmstads planteleksikon: http://www.rolv.no/urtemedisin/medisinplanter/arni_mon.htm

Eit søk på internett kan gje mange fine bilete og meir informasjon.

Kveldens sending var prega av 17. mai.I den aktuelle timen var Annette Bjørgum Berg innom. Ho leiar 17. mai komiteen for både Valle og Hylestad. Komiteen er foreldrene til elevar i 9. klasse, men dei har hatt det travelt, for dei har hatt konfirmasjon og i denne tida.

Det er klart at det ikkje vert korpsmusikk i år, for korpset er nedlagt, ikkje alle har levert inn utstyret sitt, dei kan gjere det ved å vende seg til Jorunn Tveiten på Velkomstsenteret.

I Valle vert det musikk, trekkspel med Kjetil Rike fyrst, sidan trommer frå eit band på tur til Kultursenteret, der dei vert møtte av leikarringen. Så går det slag i slag med tale og underhaldning. I Valle talar varaordførar Sigbjørg Næss, på Rysstad er det Pål Dale som skal i elden. Ved bautaen i Valle er det Torleif B. Harstad, på Rysstad talar ordførar Bjørgulv S. Lund.

**Frå Setesdølen fredag 9. mai:**

Ingvar Nes, som har vore tilsett i Valle kommune i 11 år, har sagt opp stilinga si som driftssjef. Frå hausten av er han å finne på Sola i Rogaland, der han skal ta til som seksjonssjef fellestenester i NAV helseteneste vest.
-Det verste vert å reise frå arbeidet og kollegaer. Eg har hatt det veldig bra i Valle. Hovudårsaka til at eg flyttar på meg er at eg kjenner behovet for å kome nærare familien eg har i Rogaland, og så er det kan hende på tide å flytte på seg og finne nye utfordringar etter så mange år i same stilling, seier Ingvar, som opphavleg er frå Sogn og Fjordane. Ingvar Nes tok til som skulesjef i Valle i 1997. Frå 2004-2005 var han vikarierande rådmann, før han vart drifssjef i 2005.

Ingvar har vore ein god samarbeidspartnar for oss i Valle Radio. Han har kome fast til programma **Kommunen informerer** og han har stilt opp når vi har hatt andre saker der han hadde ekstra informasjon. Det vert eit sakn etter han, men vi ynskjer han lukke til i ny jobb på Sola.

50 dagar etter påske kjem pinse. http://no.wikipedia.org/wiki/Pinse Men det er ikkje like lett å få tak på den høgtida som på jul og påske, sa sokneprest Per Ragnar Haraldstad i Mandal kirke i dag. http://no.wikipedia.org/wiki/Mandal_kirke

Han leia ei gudsteneste som hadde seks barn til dåpen og gjorde det til ei festgudsteneste både for familiane og kyrkjelyden. Med seg hadde han Mandal kantori, det var ein trompetist der, og så var det tre hyggelege kyrkjeassistentar som hjelpte med ulike oppgåver, mellom anna med å kome fram med dåpslyset etter kvart som borna vart døypte.

Med Mandal kantori til å leie songen var det lett å syngje i den store kyrkja, og dei hadde sett opp songar som minna meg om Danmark, mellom anna I al sin glans nu stråler solen, av Grundtvig. Vi song alle versa, det gjekk leikande lett.

Det vakre veret denne pinsedagen gjorde nok og sitt til at det gjekk lett å syngje.

Men tankane mine gjekk til kursveka eg hadde på Løgumkloster høyskole i Danmark for to år sidan. Du finn lenke til Høyskolen ved å bruke denne lenka: http://da.wikipedia.org/wiki/Løgumkloster Høyskolen samarbeider med Løgumkloster kirke, slik at vi kvar dag hadde morgensang og aftensang der. Ei eiga oppleving å møtast i et rom med god akustikk og synge salmer som start og som slutt på dagen. Eg unnar folk å oppleve det, og det skal vere nytt kurs der og i sommar.

Der song vi Grundtvigsongar med liv og glød. Du kan repetere frå kurset ved å bruke denne lenka: http://valleradio.blogs.no/?tag=nordisk-sang

Og vil du melde deg på til årets kurs, kan du gå til skulen si heimeside. Der finn du det du treng. Sjå
http://www.lkhojskole.dk/