I kveld er det skuleavslutning for elevane i 10. klasse på Valle skule. No skal dei vidare på skule, mange vil til Hornnes frå hausten av. Fleire av desse elevane har vore med på ulike oppgåver i Valle Radio. Eg vil difor ynskje dei lukke til i det vidare og vone at dei finn det gama å tenkje tilbake på tida dei brukte i radioen.

Tankane går særleg til Gunvor Kjelleberg og Thor Salvesen som var svært aktive med å ha barneprogram tidlegare. Etter kvart som det synte seg at talet gjekk ned på ungar som ringde inn på spørsmåla, slutta vi med slike program. Om vi trong hjelp til telefonvakter, stilte dei gjerne opp, seinast i vår har både Gunvor og Thor vore med i kulissane til Open sending.

Frå hausten av endrar det seg. Når dei er på Hornnes blir det for langt å få dei heim for å hjelpe oss midt i veka.

Dei som sluttar i 10. klasse, går no til ulike sommarjobbar. Mange av dei har nok prøvd seg på ulike jobbar tidlegare, men når dei er ferdige med 10. klasse er det nok meir naturleg å leite etter sommarjobbar. Kommunen engasjerer ein del av dei unge til å stelle grøntanlegg og anna arbeid som det er naturleg å få gjort om sommaren. Ei av dei nederlandske ungdommane som kom til Valle i vinter, har blitt engasjert til å vere med i turistinformasjonen, ho snakkar jo nederlandsk flytande og med så mange nederlandske turistar her er det ein viktig kompetanse å ha.

Med skuleferie opnar Valleutstillinga. Eg har skrive om den før her på bloggen. Det ser ut til å vere rekordmange utstillarar, og Karin Bøe, som er leiar av prosjektet med å få alt til å fungere på Tveitetunet, seier seg godt nøgd med oppslag i fleire aviser. Her er lenke til heimesida for utstillinga:
http://setesdal.com/index.php?m=produkt&m_action=vis_prod&id=73&parent=10&spraakSet=no&type=3

Skuleavslutning er det for alle andre og denne veka. Vaksenopplæringa tek ferie til 20. august på same måte som andre skular. Nå vil vi nytte høvet til å lade batteria og gjere klart til neste skuleår.

Eg har no pendla i fem-seks år og kjem til å halde fram med det. To andre sentrale medarbeidarar i Valle Radio må og friste pendlarlivet frå hausten av. Då kjem Risa til å overta det arbeidet som **Mesta** no står for i Setesdal. Helge Homme og Torleiv Soltun Haugen må friste pendlarliv frå 1. september. Etter det eg skjøner, skal Torleiv Soltun Haugen knyttast til Vrådal, medan Helge Homme skal til Haukeligrend. Det vert å bu på hybel nokre dagar i veka. Eg reknar vel med at i alle fall Helge kjem til å ha med seg ein bærbar datamaskin og kople seg på nettet for å lese epost og blogg og anna interessant.

Her er lenke til Risa:

Risa hjem

Det ser ut til at dei søkjer etter folk til å gå inn i oppgåver her i Setesdal frå hausten. Men i mai overtok Risa heile Nærlandsheimen, tidlegare institusjon for psykisk utviklingshemma.
http://www.jbl.no/modules/module_123/proxy.asp?C=65&I=20751&D=2&mid=167

For oss i distriktet her kan det vere interessant å sjå på tibodet deira for vegvedlikehald: http://www.risa.no/risa/veg.htm

I vinter var dei med og brøyta på Sørlandet. Her er artikkel i Stavanger Aftenblad: http://web3.aftenbladet.no/innenriks/okonomi/article417659.ece

Andre artiklar om konsernet finn du her:
http://www.risa.no/risa/nyhetark.htm

Nokre av dei som har hatt kontraktar med Mesta om å brøyte, har fått kontraktar med Risa. Så får vi vone at dei som skal starte pendlarlivet frå hausten, finn ut at det er til å leve med sjølv om det nok vert ei forandring. Det var i alle fall mi erfaring.

Denne veka fekk vi tilsendt frå Bjøro Håland sitt plateselskap den siste plata hans. Vi vart inviterte til Hartmanns brygge i Kristiansand på platesleppet som var i går. Det var ikkje råd for oss å få til det, men onsdagskvelden spelte vi fleire av spora på plata i nyhetstimen mellom 18 og 19: Hank Williams Blues, I’m Just A Dreamer og Every Time I Lose I Win. Her er alle spora på albumet:

01: A Good Love Is Like A Good Song
02: Devil Woman
03: Somewhere Down The Line
04: Diamonds Are Forever
05: Blue Train
06: Any Old Love Will Do
07: I´m Just A Dreamer
08: The Way I Am
09: Every Time I Lose I Win
10: Hank Williams Blues
11: I Wish I Was Eighteen Again
12: Mañana

Bjøro Håland er ein songar eg har sansen for. Vi har fleire av platene hans i radioen. Den forrige plata hans var Mine Salmer, og han har spelt inn 22 album som har kome ut i fire millionar eksemplar. Det står litt om han på Wikipedia, der er det og lenke til heimesida hans. http://no.wikipedia.org/wiki/Bjøro_Håland
Og her er lenke til plateomtale på wikipedia:
http://no.wikipedia.org/wiki/Diamonds_Are_Forever_(album)
I ein omtale i Fædrelandsvennen i dag blir det sagt at den ikkje er oppdatert sidan 2003. Det er ikkje lagt ut på Internett, men NRK har ein artikkel her:
http://www.nrk.no/nyheter/distrikt/sorlandet/sanketeina/1.2583465

Laurdag 9. juni var det endeleg klart for kyrkjelydstur til Riskefjødd og onsdag 13. juni var Halvor Åmlid i Valle Radio for å fortelje. Han hadde fått spørsmål av Theis om å vere leiar for turen og hadde svara ja til det. Då turen vart planlagd, hadde dei trudd at den skulle kunna arrangerast før, men snø i fjellet gjorde det umogleg.

Riskefjødd ligg mellom Bykle og Valle og når opp mot 1200 meter, men målet for turen var ein støyl litt lågare. Etter tre timar og fleire pausar var dei framme ved støylen, som høyrer til Sygard Bø. Folk herifrå var og med på turen, det gav ei ekstra glede, meinte Halvor.

I veka før turen hadde han vore i terrenget tre gonger for å vere sikker på at han fann rette vegen og for å rydde der stien var tilgrodd. Tross alt var det mange år sidan han sjølv hadde vore der og. Med den tilgroinga det har vore, var ikkje landskapet slik som då han sprang i heia der som gutunge.

18 deltakarar fekk ein tur i flott ver. Vel framme etter ei god matøkt ville nokon fram på fjellet for å sjå til Hovet, andre fram ein litt annan stad for å sjå ned til Valle. Slik fekk dei prøve ulike ynskje. Og alle var samde om at det hadde vore ein fin tur.