**Jaktar på folk som jobbar i jola**
Sigurd Haugsgjerd skreiv dette på side 14 i Setesdølen fredag 15. desember:
Valle Radio satsar også i år på storsending vesle jolaftan, med utereportar og live-innslag frå innspurten i jolehandelen i Valle sentrum frå klokka 17 til 18. Seinare på kvelden blir det variert og allsidig program frå studio der vertane Ørnulf Hasla og Bjørgulv T. Berg vil ha kontakt med folk som må arbeide i jolehelga.
-Tips oss om nokre av dei som held hjula i sving anten dei no er i Nordsjøen, på kraftstasjonane eller for den saks skuld på alders- og sjukeheimen, seier Ørnulf Hasla. Poenget er at dei har ei viss tilknytning til radioen sitt nedslagsfelt, altså Valle og Bykle eller deler av Bygland.
**Jol på hyttene**
Sendinga vesle joleaftan byr også på innslag frå utereportar som tar pulsen på hyttefolket si joleførebuing. For det er faktisk slik at mange feirar jol på hyttene sine. Også desse er ein stadig meir integrert del av både bygdebiletet og radioen sitt lyargrunnlag.
**Tenk deg om!**
Men for å få fart på telefonane til alle dei valldølar eller hylstringar som er på jobb eller vakt ein eller annan stad i inn- eller utland, så kan du hjelpe radiovertane med alt no å ringe Ørnulf Hasla på tlf 971 53214 eller Bjørgulv T. Berg på tlf 958 37610.
Valldøar finst det då over heile verda, så det er berre å tenkje seg litt om. Då kan du overraske nokon kvar om du får dei på lufta like etter at det store gratislotteriet og folkevrimmelen i Valle sentrum på vesle joleaftan.
**Tysdag 5. desember**
Ansvarleg: Harald Haugland
18:00 Kvarteret
18:15 Over ein open Bibel
18:30 Noreamagasinet
19:05 Møteplassen
19:30 Aksjon Håp
20:00 Bokaktuelt ved Lisbeth D. Homme
20:20 Dagens Mozart
20:30 Postludium. Musikk til advent ved Niklos K. Besteland
21:00 Kyrkjebakken
**Onsdag 6. desember**
Ansvarleg: Harald Haugland
Teknikar: Gudrun Rysstad
Telefonvakt: Berit Homme
18:00 Aktuell time
19:00 Kommunen informerer
19:30 Tankar frå Bibelen ved Håvard Viki
20:00 Fagforeningar i Valle 1: Utdanningsforbundet
20:30 Prosjekt Aktiv ressursforvaltning. Rune Mikkelsen fortel
21:00 Open sending. Harald Haugland og Hanni Podt. Nederland og Sinta Claas er tema for rebusane i kveld
Ansvarleg: Bjørgulv T. Berg
Teknikar: Torhild Sandnes
18:00 Aktuell time ved Bjørgulv
19:00 Samtale med Signe Sollien Haugå
19:30 Tankar frå Bibelen ved Torleif B. Harstad
20:00 Theis Salvesen i samtale med Annbjørg Uppstad og Sigrun Askland om Cuba-tur
20:30 Olav Rike les frå gamle hefter og bøker
21:00 Open sending ved Jorunn Lund Harstad
I Setesdølen i dag hadde Sigurd Haugsgjerd skrive dette om programmet i kveld:
**Valle Radio for heile dalen**
Valle radio har sending for heile dalen i kveld, med Bjørgulv T. Berg som programansvarleg. Han er i gang frå kl. 18 med aktuell time, der han har ein prat med kyrkjeverja i Bykle om det tilstundande kyrkjejublileet på Hovden neste år. Då er Fjellgardane kyrkje 50 år. Også Torleiv Bjørgum, kommuneansvarleg for Aksjon Håp 10. desember blir intervjua om innsamlingsaksjonen neste helg.
Den nytilsette daglege leiaren for Setesdal regionråd, Signe Sollien Haugå kjem i studio for å samtale litt om utfordringane i det interkommunale samarbeidet, no som altså Iveland er ute av regionrådet. Klokka 19.30 kjem Torleif B. Harstad med Tankar frå Bibelen, men alt halvtimen etter kjem kveldens Rammstein. Theis Salvesen, som har reist til Gutekalas i Kongsberg, har gjort klart opptak med m. a. Annbjørg Uppstad og Sigrun Askland frå Valle skule. Dei skal til Cuba og hjelpe Jan Olsen med å tøme containarane som snart er komne fram dit.
Kl. 20.30 hentar Olav Rike igjen smakebitar frå litteratur med tilknytning til dei indre bygder. Denne gongen les han ei forteljing frå dei indre bygder og dikt frå onkel Tårål si dagbok. Frå kl. 21 er det open sending ved Jorunn Lund Harstad. Då kan alt skje, men folk i heile dalen er i alle fall svært velkomne til å ringe inn helsingar frå kl. 20 på 379 37 577.
Det er svart november, heiter det i Kolbein Falkeids vise Tir n’a Noir som Vamp syng til glede for mange i denne mørketida. Her er lenke til teksten:
http://www.nopef.no/art_print.asp?id=7201
Frå den sida saksar eg:
Tir na Noir er en urgammel keltisk betegnelse på huldreland i havet, salige øyer, lykkeland. Dette er tidløse forestillinger i mange europeiske sammenhenger. Jevnfør vårt eget folkeeventyr “Skarvene fra Utrøst.
Alt gikk i oppfyllelse der. Landene åpenbarte seg uventet i havskodde og røyk. Den gode fikk sin belønning den vonde sin straff osv.
Siste veke i november 2006 vert det tre lokale sendingar på frekvensane våre:
**Tysdag 28. november**
Ansvarleg:Harald Haugland
18:00 Kvarteret
18:15 Over ein open Bibel Egil Elling Ellingsen
18:30 Noreamagasinet
19:05 Møteplassen
19:30 Munnharpeforum: John Melhus fortel om andre del av Munnharpefestivalen 2006. Sjå http://www.munnharpe.no/Norsk_Munnharpeforum.html
20:00 Bokaktuelt med Lisbeth D. Homme. Meir om Brageprisen
20:15 Dagens Mozart
20:30 Postludium ved Harald Haugland
21:00 Kyrkjebakken
**Onsdag 29. november**
Teknikar: Inga Flateland
18:00 Kommunestyremøte
**Fredag 1. desember**
Heile dalen. Meir om den seinare.
Ansvarleg: Ørnulf Hasla
Teknikar: Gudrun Rysstad
Telefonvakt: Gudrun Nomeland
**Program**
18:00 Aktuell time med intervju av Vidar Homme
19:00 Kommunen informerer
19:30 Tankar frå Bibelen ved Bjørgulv T. Berg
20:00 Musikk eg likar. Ved ungdomar frå Valle
21:00 Open sending ved Øyvind og Ørnulf
I Setesdølen tirsdag 21. november stod denne omtalen av programmet:
**Banksjefen i Valle radio**
VALLE: Onsdag byr Valle radio på eit intervju med Vidar Homme, den nye banksjefen i Valle sparebank i Aktuell time. Då får du truleg høyre meir om kvifor han vender tilbake til Valle etter ein kort karriere i Bykle kommune.
Ansvarleg:Harald Haugland
18:00 Kvarteret
18:15 Over ein open Bibel. Arvid Hunemo
18:30 Noreamagasinet
19:05 Møteplassen
19:30 Munnharpeforum. John Melhus om Munnharpefestivalen
20:00 Bokaktuelt. Lisbeth D. Homme om Brageprisen
20:20 Dagens Mozart
20:30 Postludium ved Harald Haugland
21:00 Kyrkjebakken
Kveldsansvarleg: Theis Salvesen
Teknisk ansvarleg: Torhild Sandnes
18:00 Aktuell time. Theis med gjest Lene Dyrkorn
19:00 Kommunen informerer. Kulturdrift ved Per Kristiansen
19:30 Tankar frå Bibelen ved Håvard Viki
20:00 Olav Rike les stubbar frå Setesdal
20:30 Monica Helle og Gunvor Salvesen røar saman og spelar musikk.
21:00 Open sending. Theis med gjest Annbjørg Uppstad
I Setesdølen i dag hadde Sigurd Haugsgjerd skrive dette:
Innhaldsrikt i Valle Radio:
**Vallestubbar, Byklenytt og trial-VM-prat**
Sendinga frå Valle radio i morgon kveld er spekka av interessante innslag med taleføre folk som kan få fram både gravalvor og gapskratt.
I den aktuelle timen frå kl. 18.00 ventar programleiar Theis Salvesen VM-deltakaren i trial, Lene Dyrkorn, på gjesting i studio. Ho er som kjent komen til Valle for å drive fram saka om den påtenkte folkehøgskulen som bygda gjerne vil ha. Innimellom prøver ho å skape interesse for trialsporten der ho altså sjølv har drive det like til eit internasjonalt høgt nivå. I morgon kveld blir det nok snakk både om trial og skuleplanar. Jan Wojtaszek fortel om det nye anlegget i Brokke skisenter, litt om snøforhola no og sesongen som er i vente og mangt anna som kan vere aktuelt å informere om.
Frå Breive til Røldal
Det blir også ein prat med Bjørnar Mørenskog om bokprosjektet han har i samarbeid med Bjarne Tveiten og kunstnaren Egil Torin Nesheim. Han har som kjent laga historisk kart over Bykle, og Bjarne har laga forteljing om familien i Breive som drog på pilgrimsvandring til stavkyrkja i Røldal. Emnet kan nok utdjupast i radioen i morgon kveld.
Sidan Bykle-radioen enno ikkje har kome på lufta att, er folka i Valle Radio opptekne av å få med nytt også frå Bykle. I morgon kveld kjem rådmann Tallak Hoslemo for å informere om kommunalt styre og stell, dagen etter kommunestyremøtet i kveld, og etter han kjem Per Kristiansen som etter planen skal snakke om kulturdrift generelt. Likevel blir det nok litt mimring om teatersuksessen i Valle i helga med “halve bygda” på den flotte Kardemommeby-oppsettinga.
Bibelske tankar og småstubbar
Håvard Viki tek lyarane med i Tankar frå Bibelen og spelar musikk i tillegg til personlege vitnemål. Klokka 20 les Olav Kn. Rike stubbar frå Setesdal. Mannen har ikkje berre den kanskje største private boksamlinga av lokal litteratur, men også ei målføring som gjer det til ei oppleving å høyre på han.
Ein halvtime seinare slepp ungjentene Monika Helle og Gunvor Salvesen til igjen. Dei småpratar og spelar musikk, men det skulle undre oss om dei ikkje også kjem inn på langturen dei snart skal ut på, til Sør-Amerika i 5 månader.
Frå kl. 21 blir det open sending med Annbjørg Uppstad som gjest. Hoe er opphavleg frå Sirdal, men er lærar i Valle. I samtale med Theis Salvesen ville ho tale om skilnaden mellom dei to dalføra som Brokke-Suleskarvegen knyter saman, og om tur til Cuba. Saman med Sigrunn Askland skal ho snart sørover, både for å treffe Jan Olsen, som drog sist fredag, og med opptaksutstyr frå Valle radio for å lage reportasjar til seinare program.