Tysdag 1. november kjem tre ungdommar frå Ungdom i Oppdrag til Valle radio for å fortelje om aktivitetar dei har her i kyrkjelyden. Dei skal vere her i vinter og ha praksis, medan dei har tilknytning til Skjærgårdsheimen på Flekkerøy.
Ungdom i Oppdrag er ei rørsle der unge på eigen kostnad i ein lenger eller kortare periode deltek i kristent arbeid i ein kyrkjelyd.
Kva synest du om at unge kristne gjev eit år til å fortelje andre om gleda ved å tru på Jesus?
Lytt til programmet i Valle radio tysdag klokka 19-20. Anten du høyrer eller ikkje kan du skrive synspunkta dine i bloggen vår.
31. oktober 1517 var dagen da Luther slo opp 95 teser på slottskyrkjedøra i Wittenberg. Detter markerer vi i Valle radio i kveld, tysdag 1. november med eit radioforedrag om emnet klokka 20:00 og med Postludium klokka 20:30 der vi får høyre orgelmusikk og korverk basert på Luther si salme Vår Gud han er så fast ei borg.
Gjennom tesene starta prosessen som førte til at den vestlege kyrkja fekk mange underavdelingar i protest mot den romersk-katolske kyrkja. 20 år seinare slo dennne reformrørsla rot i Danmark-Norge, som fekk ei luthersk statskyrkje der over 80 prosent av folka i Noreg er med til denne dag.
Er kyrkjehistorie noko du er interessert i? Bli med i diskusjonen på bloggen til Valle radio.