Nokre gonger kjøper vi ny musikk, andre gonger får vi tilsendt plater frå folk som meiner at vi kan ha glede av dei. I programmet mellom klokka 20 og 21 i går, presenterte eg to nye plater vi har fått inn.

Eg starta med plata **Waltz_With_Me** av Annbjørg Lien, sjå wikipedia http://no.wikipedia.org/wiki/Waltz_With_Me (eg skreiv den artikkelen om plata etterpå). Frå den spelte eg første sporet, The Traveller, der og Kirsten Bråten Berg medverka med song. I samband med dette presenterte eg tekstforfattaren Arnt Birkedal, (sjå http://no.wikipedia.org/wiki/Arnt_Birkedal) som har fått Rasmus Løland-stipend. Komiteen for Løland-jubileet arrangerer stevleik i neste veke, så eg spelte eit par stev frå Kirsten si plate **mi kvedarlund** og før eg spelte eit anna kutt frå Walz With Me: Dancing the Years All Away.

Då eg kom i radioen i går og skulle ha tysdagssending, synte det seg at PC-ane var av, og då eg prøvde å kome på Internett, var det uråd. Etter kvart er vi blitt ganske avhengige av å ha tilgang til nettet, så eg ringde på mobilen til vår tekniske sjef i Valle Radio. Men Jørund Georg var i Tromsø, då var det ikkje mykje han kunne gjere for å fikse dette. Eg måtte difor endre noko på planen min for tysdagssendinga. I staden for det oppsette programmet Musikk og eit tema, sende eg Dameklubben frå Norea Radio. Det var for så vidt ganske likt den ideen eg hadde, tema var Mor og det var mykje fin musikk i den timen.

Men tanken på at onsdagssendinga og skulle gå utan Internett-tilgang var ikkje lysteleg. Etter at eg var ferdig med sendinga tysdagskvelden kom Britta Lise innom for å finne musikk til Open sending. Det måtte ho gje opp, utan Internett var det ikkje råd å laste ned den musikken ho trong. Heldigvis kunne ho løyse det ved å laste ned musikk heime, men då måtte ho brenne det på ei plate og ta med i radioen, i staden for å kunne laste det ned direkte til bruk i sendinga.

I dag snakka eg med Jamie som arbeider saman med Jørund i IT-avdelinga til Valle kommune. Han sa at han kunne prøve å finne ut kva som var problemet, og i eitt-tida gjekk vi saman ned i radiohuset for å finne ut korleis det stod til. Han kunne raskt konstatere at det stod dårleg til, men etter at han hadde vore ein tur i barnehagen og fiksa noko der, var det ein ny runde for å sjå om han kunne finne løysinga for radioen. Og sanneleg: Etter litt leiting fann han feilen og kunne sende melding om at det no var i orden.

Stor takk til Jamie, då Britta Lise kom innom etter arbeidstid i dag, var det i orden og ho kunne finne den musikken vi hadde som ho skulle bruke. Jamie sjekka og at streaminga på Internett fungerte, noko som synte seg då vi i Open sending i kveld fekk telefon frå Oslo frå ein Start-patriot som likar å høyre på Valle Radio.

Eg vil avslutte dette innlegget på bloggen med ein digresjon. Eg måtte ha timen mellom 20 og 21 i kveld, då Bjørgulv måtte tilbake til sauene sine, som har begynt å få lam. Eg valde å presentere nokre nye plater vi har fått til radioen, mellom anna Annbjørg Liens Waltz With Me. Då eg spelte den fyrste, The Traveller, plinga ei tekstmelding inn på mobilen min. Det var Jamie, som skreiv: Så flott at det endeleg kom folkemusikk i sendinga. Takk for det! Takken sender eg vidare til Kirsten, som sytte for at vi fekk den plata.

NRK1 mandag 14. april kl 19.55 Faktor: Den siste gjetaren Saue-gjetaren i Sirdal

Det var nok mange i dalen som fekk med seg dette programmet. Eg var ikkje klar over det, men fekk ein telefon, og då eg ringde vidare for å minne om programmet, var meldinga at vi sit som tende lys og ser.

**Her er omtalen hos NRK:**

Som far sin før han er Torleiv Lye sauegjetar på heiltid. (Foto: Svein Rune Skilnand)
Det fins faktisk nokre få igjen av dei – gjetarane som lever på gamlemåten i Noregs fjell.

Torleiv Lye er ein av dei – sauegjetar på heiltid i Sirdal i Vest-Agder. Ein tradisjon han har arva etter far sin. Men han er usikker på framtida. Vil han bli den siste gjetaren?

**200 år med sau **
Sirdal har ei historie som er heilt spesiell her i landet. Frå omlag 1830 kom gjetarar med saueflokkane sine frå Jæren og Dalane til heiene i Sirdal og Setesdal Vesthei. Dei brukte gjerne mellom ei og to veker på å drive flokken fram til beiteområdet. Det kunne vera opptil 10 000 sauer i ein slik flokk.

Tradisjonen med dei store sauedriftene har vore ubroten i snart 200 år, men det er grunn til å stilla spørsmål ved om den kan halda fram på same måten.

—-
I tillegg til vakre bilete fekk vi eit interessant møte med ein som kjenner heia utan GPS og andre hjelpemidde. Han har røynt heia i godver og uver, Torleiv Lye. Gleda ved å ta vare på sauene, den kunne vi merke gjennom reportasjen. Så hadde han bare 1% svinn i løpet av ein sesong.

Her er lenke til NRK sine sider om programmet: http://www.diggthislink.com/9849/

Jeg har hatt gleden av å få se to programmer fra Haydom på TRK1 søndagskvelder, hvor vi har fått se og bli kjent med folk og forhold rundt sykehuset. Her er lenke til ei side om dette: http://www.haydom.no/en/HaydomDevelopmentCompany.htm

Det har vært flott å få eit slikt innblikk i noko som dei fleste på Sørlandet i alle fall har høyrt mykje om. Sjølv har eg fått høyre koret av sjukepleiarstudenar under ein turne dei hadde i Norge for ei tid tilbake. Det var ei oppleving, og framsyninga vekte gode minne.

I dagens program handla det om vatn. Der fekk vi høyre at ein familie i Somalia måtte klare seg med 20 liter vatn på to dagar under tørkekatastrofe der. I Noreg brukar kvar person 300 liter dagleg i gjennomsnitt. Slik informasjon gjev grunn til ettertanke og takk. Å skaffe nok vatn og reint vatn er truleg eit av dei store og vanskelege spørsmåla i vår tid. Noko å tenkje på medan vi ventar på vårflaum når all snøen i heia skal ned i Otra og ut i havet.

Det var Ole Hallgrim Evjen Olsen som tok imot eldste dotter vår for 35 år sidan på Mandal sjukehus. Han arbeidde der når han var heime i Noreg i friperiodar frå sjukehuset i Haydom. Det er rart å tenkje på at han er borte og sjukehuset i Mandal no er nedlagt. Men arbeidet vert ført vidare på Haydom og framleis er folk her i landet med på å støtte utvikling i ein region i Tanzania vi bare har høyrt om og dei fleste av oss aldri kjem til å kome til, bare fordi ein person og hans mange medarbeidarar har makta å vekke engasjement og solidaritet og slik byggje bru mellom regionane.

Det vart ei spektakulær framsyning i TV då opninga av Operahuset i Oslo gjekk av stabelen. Slavekoret var ikkje bare ein vakker song, men var tydelegvis eit symbolsk stykke: Med songarar frå heile landet og frå dei som hadde arbeidd med å byggje huset. http://no.wikipedia.org/wiki/Operahuset

Eg fekk ikkje auga på Rønnaug Torvik, men Reidun såg ein songar i Setesdalsstakk. Det var og ein mann i dalebukse der, den såg eg. Men det er jo ikkje så lett å finne kjende i ei forsamling på 450 personar, bileta flagrar forbi og synet vert litt dimma av den vakre klangen og det vakre synet av bunader frå heile landet.

Eg er glad i vakker song, men truleg er eg laga for enklare verk enn dei mest intrikate ariar. Likevel vart eg sitjande framom TV heile laurdagskvelden, det er lenge sidan noko har halde meg så lenge framom skjermen. Fleire gonger dukka Nordic Tenors opp, dei hadde eg nyleg lese om på wikipedia, så det var jo hyggeleg å sjå dei i levande live. http://no.wikipedia.org/wiki/Nordic_Tenors

Elles hadde eg nok likt om namna til utøvarane hadde kome opp på skjermen, Arild Erikstad sa stykka og også namna nokre gonger, men når det fyk fort forbi og ein ikkje er merksam ein augneblenk, får ein det kanskje ikkje med seg, slik var det i alle fall for meg. Men eg har jo høve til å gå inn på nettsida til Den Norske Opera og sjå programmet på http://www.operaen.no/

I samband med innviinga av Den Norske Opera er det etablert eit kor med representantar frå dei fleste kommunane i Noreg. Valle har ingen representant med, men Rønnaug Torvik frå Bykle har fått plass i det 450 stemmers store koret. Det var opprinneleg plan at det skulle vore endå større, men ein meinte at det vart for tungt for konstruksjonen om det kom 150 songarar til.

Det dei skal syngje er Slavekoret frå Nebukadnesar av Verdi. Eg måtte til dansk wikipedia for å finne ei lenke til denne operaen, http://da.wikipedia.org/wiki/Nabucco

Onsdagskvelden hadde Øyvind Jacob ein prat med Rønnaug om arbeidet før konserten. Dei hadde hatt ei samling i Oslo og øvd på stykket, og i dag reiste ho inn for å gjere siste finpussen saman med alle dei andre.

På denne måten fekk Rønnaug høve til å vere med på ei historisk hending. Om ein skulle kjøpe billett, måtte ein vere sponsor med minst 250.000 kroner i sponsoravtalen. Og bare 200 ordinære billettar var til sals.

Heldigvis vil ein kunne sjå det på NRK1 laurdagskvelden. Rønnaug meinte det skulle sendast om lag klokka 21.15, så her er det bare å setje seg ned og fylgje med i programmet.

Rønnaug fortalde og at dei sundag skulle få omvisning i huset før dei dreg heim att, og at ho gledde seg til det, for om ein reiser inn som vanleg gjest til ei framsyning, får ein ikkje høve til slikt.

Vi kryssar fingrar for henne og ynskjer god tur og god sang.

I kveld hadde Øyvind Jacob med seg Jan Woitaczeck til å fortelje om Sesongfinalen i Brokke. Det var to entusiastiske herrar som snakka saman, ikkje minst om Brokkespranget, eit arrangement som minner om Ta Sjansen, og som Øyvind og kalla det i det han kalla forsnakking. Eg skal ikkje sjølv referere det dei sa, men siterer frå

**Brokke sitt nyhetsbrev om sesongfinalen**

Brokkespranget – DU er utfordret!

Du er herved utfordret til å delta i Brokkespranget til lørdag! Fra kl. 13.00 arrangeres “Brokkesparnget”. Vi er på utkikk etter den største våghalsen på alpinsenteret. I bunnen av bakken lager vi to vannbasseng. Et for barn og et for de eldre. Her er målet å ta seg fart i bakken og komme seg over vannbassenget på ski, snowboard eller andre fremkomstmidler. Vær kreativ! På slutten av dagen blir de største våghalsene premiert. Her spiller bekledning og originalitet like stor rolle som stilen over vannet, så finn frem kostymene! Det er også muligheter for bedrifter å profilere seg ved å delta.

Håper at velforeningene for hyttefeltene på Brokke tar tak i dette og stiller til kamp! Her skal feltets ære forsvares!

Afterski

Kl. 16.30 åpner vi dørene til party-teltet. Her blir det servert mat og drikke til god musikk fra DJ Jagedal. Det blir også servert alkoholholdig drikke i et eget avgrenset område.

Konsert med Lady B Goode & DJ Jagedal

Fra kl. 19.00 er det billettplikt. Det vil si at man må løse billett for å oppholde seg i teltet. Billetten koster kr 200,- og kan forhåndsbestilles på nett. Det er også muligheter for å bestille billetter ved inngang.

I løpet av kvelden kommer det svenske bandet Lady B Goode opp på scenen. Bandet regnes som et av Sveriges beste coverband og spiller alt fra rock, pop, listemusikk og disco med glimt i øyet. Dette blir garantert en uforglemmelig opplevelse når blant annet punk og hardrock tolkes på trekkspill. Mellom slagene sørger DJ Jagedal for god stemning. Her blir det skikkelig Brokke ‘n Roll! Alkoholserveringen avsluttes kl. 01.00.

Festbuss for de lokale!

Det blir satt opp busser som frakter de lokale fra Valle Kommune hjem. Foreløpig er det satt opp to avganger fra alpinsenteret. Denne første bussen er planlagt å gå i ett-tiden, mens den andre bussen går rundt klokken to. Så her er det ingen unnskylding for lokale til å ikke stille opp til fest!

Brokke Alpinsenter ønsker deg velkommen til avslutning!

Lady B Goode si heimeside er her: http://www.ladybgoode.nu/