Mange gonger har vi fått spørsmål om det er råd å høyre programma i Valle Radio på anna tid enn når sendinga går. Då har vi alltid sagt at vi ikkje har podcast-funksjon i radioen, så det er ikkje råd.

Men då eg såg på Siste endringar-sida på Setesdalswiki i dag, hadde teknisk sjef i Valle Radio lagt inn lenke til fem sendingar frå november/ desember i fjor. Du finn dei lettast ved å gå til den sida og leite deg fram til endringar gjort 11. desember.

Elles i dag la Geir inn på Setesdalswiki fleire artiklar basert på jubileumsskriftet til Nomeland bedehus. Slik veks leksikonet Setesdalwiki litt etter litt. Vi har til no i år auka med 840 artiklar, så det spørs om vi klarar å runde tusen i 2024, noko som er færre enn tidlegare år.