Her hadde eg laga rebusar frå Setesdølen tysdag 6. desember. Karin Bøe var gjest, ho hadde gjeve vevstoga Valle Vev fri denne kvelden. Men vi snakka litt om Setesdal Regionråds gåve til Kirsten Bråten Berg i høve tildelinga av St. Olav. Teppet, som var mastergradsoppgåva til Karin, hadde fått fin eksponering i avisa, og sjølv hadde ho høyrt reportasjen i Valle radio dagen etter tildelinga.

Deretter var det tid for oppgåvene, og dei som kom inn i studio, fekk julesongar som ekstraoppgåve. Det førte til triveleg prat når eg spela jolesongar frå ei SKRUK-plate, men snakka over begynnelsen, slik at oppgåva ikkje skulle vere alt for lett.

På halvannan time løyste vi 9 rebusar, og Ellen Lien vann sekken, medan Pål Dale fekk rosa.

1. Valle sparebank opnar kontor i Kristiansand
Torleif Hovet og Tor Arild Rysstad kom i studio for å fortelje om at Valle sparebank i januar opnar kontor i Markens gate 2. Banken har 1000 kundar som bur i Kristiansand og vonar at dei vil ha nytte av kontoret. Samstundes ser dei at det gjennom Terra-samarbeidet er mogleg å få fleire kundar i personmarknaden.

Fædrelandsvennen skreiv om dette alt i sommar, sjå
http://www.fedrelandsvennen.no/naringsliv/article287180.ece

2. Setesdal Regionråd har hatt møte tysdag 6. desember
Sjølv om det såg ut til å vere mange møte denne dagen ut frå annonsen i avisa, skuldast det prinsippet om gjennomgåande representasjon, fortalde Arne Tronsen. -Det er dei same folka som har ulike hattar på seg. Regionrådet har stått for praktisk tilrettelegging, og dei hadde også møte der dei mellom anna vedtok å auke bompengesatsane. Om to år er det slutt på bomstasjonen på Vassend, grensa mellom Bygland og Evje. Deretter vert det innkreving i begge retningar på grensa mellom Valle og Bygland.

Truleg vil Iveland gå ut av samarbeidet i 2007. Det var også to interessante foredrag av folk som ser på regionalt samarbeid med andre briller; Paal Helge Haugen tala om “Kva skal vi med Setesdal i ein globalisert verden?” og Tarjei Haugen tala om “Natur og kultur som grunnlag for utvikling av tettstader.”

3. Ungdomsprosjektet i VAFA
Torjus Uppstad og Toralf Andersen orienterte om rapporten som er lagd fram om Ungdomsprosjektet 2005. VAFA vil gå vidare og prøve å få til eit tilsvarande prosjekt til sommaren. VAFA har i stor grad hatt innsatsen retta mot vatna på heia, men det er viktig å ikkje gløyme Otra. Dei som fiskar med ruser på Rysstad får stor og fin fisk, men sportsfiske er svært vanskeleg på grunn av alt krypsivet.

Aktuelle saker på kultursektoren.
Hege Sandhaug fortalde at i Valle kommune er det rektor Leif Kvinlog som er kontaktperson for Den kulturelle skulesekken. Ein arbeider for å få produsert lokale program som kan nyttast i denne samanhengen.

Ho fortalde og at hennar stilling er delt med 50% når det gjeld kulturarrangement og 50& til å vere prosjektleiar i driftsetaten og at mykje av tida til dette no har vore nytta til kursing.

Når det gjeld kultur, har det særleg vore program for born som Valle kommune har arbeidd med å skaffe til bygda, mellom anna fordi scenen i Storstoga ikkje er så godt eigna for større framsyningar. Men programma for born har vore populære, og også i 2006 vil det verte slike program.

Dette programmet hadde Niklos K. Besteland ansvaret for, og han nytta desse platene i eit temaprogram over melodien Folkefrelsar til oss kom . Nun komm der Heiden Heiland – Veni redeptor gentium – ei salme av Ambrosius frå Milano ca 397, omsett til tysk av Luther og til norsk av Bernt Støylen.

1. Anne Karin Kåsa: Folkefrelsar til oss kom. Spor 15 på denne plata
http://www.mic.musiconline.no/shop/displayAlbum.asp?id=26900

Teksten og litt om advent kan ein lese mellom anna her:
http://www.nesteklikk.no/20021129/31118.html

2. Johannes Eccard (1553-1611) Nun komm der Heiden Heiland
Ackermann-koret frå Rosenheim, dirigent Fritz Kernich
CHRISTOPHORUS LP SCHOLX 73852

3. Dietrich Buxtehude (1637-1707): Nun komm der Heiden Heiland BuxWV 211
Domorganist Michael Pohl på orgelet i Berlin Domkyrkje.
Motette Ursina cd 11991 Dei har ei dårleg heimeside som bare syner bilete av plata når du søkjer med nummeret. http://www.motette-verlag.de/

Meir om
Buxtehude finn du her: http://jan.ucc.nau.edu/~tas3/buxtehude.html
Orgelet i Berlindomen: http://www.sauerorgelbau.de/berlinerdom.htm
Michael Pohl: Fødd i 1940. Utdanna i Berlin og Potsdam. Domorganist i Berlin frå 1993

4. J.S. Bach (1685-1750) Nun komm der Heiden Heiland. Orgelkoral BWV 599
Pieter Leebeek på orgelet i Hylestad kyrkje
SOS Records cd 9711-02 Sjå plata her: http://www.orgelmakerijsteendam.nl/engels/cd04.htm

Meir om
Bach: http://www.jsbach.org/
Skriv ei helsing til Pieter Leebeek, som reiste frå Valle til Østre Halsen i Larvik, men som no er
Kantor, Nanset
Pieter Leebeek Tlf. 33 13 16 60 (arbeid)
pieter.leebeek@larvik.kommune.no

5. Johannes Brahms (1833-1897) O Heiland reiss die Himmel auf, Op 74 nr. 2
Wuppertaler Kurrende, dirigent Heinz-Rudolph Meyer
Koret si heimeside er her:
http://www.wuppertaler-kurrende.com/cms/front_content.php

Meir om Brahms finn du her
http://www.johannesbrahms.org/

Her finn du teksten til O Heiland
http://ingeb.org/spiritua/oheiland.html

Wikipedia har ei side med link til notene og musikken.
http://www.cpdl.org/wiki/index.php/O_Heiland,_reiss_die_Himmel_auf_(Johannes_Brahms)

6. Eilert M. Hægeland (1951-2004) Sonata con Chorale over “Folkefrelsar til oss kom”. Spor 16 på denne plata
http://www.mic.musiconline.no/shop/displayAlbum.asp?id=26900

Anders Olav Hægeland har laga ei side med informasjon om Eilert

Komponisten

Orgelet i Flekkefjord kyrkje er bygd av Marcussen & Søn, men dei har ikkje noko heimeside.

Takk til Niklos for eit fint program.

Harald

I kåseriet tysdag 6. desember tok eg opp eit tema frå sendinga fredag 2. desember.

I Setesdølen (sjå bloggen 4. desember) den dagen (2.12) stod det at det skulle vere kvinnekveld i Valle radio, Theis skulle ha med seg 4 kvinner i sendinga: Magnhild Bjørnarå som gjest i nyhetstimen, Marianne Fedde Lilland med nytt frå Hovden i den same nyhetstimen, Eva Olavsdotter i eit program om Rammstein og Birgit Attestog som gjest i Open sending. Eg lurte på om ikkje Theis fekk same problemet som styra i næringslivet, som heller ikkje klarer å leve opp til målsettinga om kvinner i styrene. Sjølv om det vart kalla kvinnekveld, var det 8 menn med i sendinga, og bare 4 kvinner.

Arbeiderpartiet hadde verdas tøffaste kjønnskvotering då dei vedtok 50 prosent kvinnerepresentasjon, men dei måtte langt ned på statssekretærnivået før dei kunne seie at regjeringa klarte å nå målsettinga etter valet.

Sjølv om intensjonen er god, er det ikkje alltid ein maktar å realisere den.

Før og etter kåseriet spelte eg frå plata Jol med Syngjandi, som har 12 kvinner og 8 menn på coveret, og såleis representerer radikal kjønnskvotering.

Harald

Dette programmet klokka 19:30 tysdag 6. desember hadde internasjonal jolemusikk som tema og eg spelte desse innslaga:

1. Adams: O holy night. Pavarotti
På svensk: O helga natt
2. Mendelssohn: Hark! The herald angels sing. Bach Choir
På norsk: Høyr kor englar kved i kor
3. Adeste fideles. Pavarotti & London Voices
På norsk: Kom alle kristne
4. Away in a manger. Catharina Rogers & Bach Choir
På norsk: En krybbe var vuggen
5. Joy to the world. Joan Sutherland & Ambrosian Singers
På norsk: Gled deg du jord

Her finn du plata som musikken var henta frå (men med anna cover enn det vi har i radioen):
http://www.arkivmusic.com/classical/album.jsp?album_id=112

Harald

Eg sat heime i Mandal og høyrde på sendinga over Internett. Etter kvart som programmet gjekk, skreiv eg notatar. Eg legg dei ut på bloggen utan særleg redigering:

1. I denne søte juletid med Kirsten Bråten Berg, frå plata Joletid2. Theis Salvesen og Magnhild Bjørnarå
a. Om Bykle Radio, som skal ha møte om framtida neste fredag. Theis har hatt ide om å ha radio for heile dalen, det meinte han alt då han sat i Setesdal Næringsfond for 12 år sidan.
b. Magnhild er i jolestemning og har bakt pepperkaker. Theis har hundre på lista som han skal sende jolekort til, men han kopierer opp og sender rundt. Magnhild skriv personlege kort.
c. Sviblane og amaryllisen til Theis spirer og lever og gror.

2. Rolling Stones: Dead Flowers
10. desember startar billettsalet til Rolling Stones konsert i Bergen 7. juli 2006.

3. Anders Wergeland frå UiO skal lage fellesarrangement for alle ungdommar i Setesdal. Det skal vere i Vallehalli og folk frå heile dalen er invitert til å vere med. Det vert laurdag 10. desember. Det skal vere fotballkampar heile dagen, og går fra klokka 10-18. Ein vonar det kjem 20 lag. Eit team på 15-20 unge frå UiO i Skien kjem opp og har eit show i Storstoga klokka 19.00. Det er gratis for alle og inneheld dans, drama, sang og vitnespyrd. Dagen etter vert det på Grendehuset på Hovden klokka 19.

4. Frå Maria Arredondos nye plate: Himmel på jord Plata heiter Min jul.

5. Samtale med Oddvar Skaiaa, fylkesordførar i Aust-Agder.
a. Fylkesutvalet har gått inn for å auke bompengane i Setesdal frå 25-30 kroner. Prognosane slår ikkje til, ein må finne fleire penger for å få utbetre Riksveg nr. 9, som jo er blitt stamveg.
b. Vidaregåande skular er slått saman administrativt, det er for å spare pengar. I tillegg til dei offentlege skulane har vi fått KVS Bygland, som etter Skaiås meining har vore positivt.
c. Neste veke skal det vere budsjettmøte for fylket. Det kostar å drive alle desse små skulane, men no var det samrøystes om å halde på skulestrukturen.
d. Staten har stoppa bevilgningane til Evje Utvikling, men Aust-Agder vil halde oppe støtten til dette.

6. Magnhild har valt musikk til kvelden. Jorunn Stiansen: Takes one to know one

7. Bjørn Robstad, Evje-ordførar og fråhaldsmann
a. Om pol på Evje; han har ikkje merka store problem ved at det har kome pol til Evje. Og handelsstanden er svært nøgd.
b. Evje treng ein region å vere senter for. Vi treng eit sterkt regionråd, og Robstad meinte det er dumt at Iveland vil trekke seg ut. Theis meiner at Bykle og Valle er for kipne.
c. Trafikkstasjon, likningsstasjon, trygdekontor osv. må vi arbeide for å behalde. Det er naturleg å kjempe for å ha ting sterkt desentralisert, men når det ikkje er mogleg, må ein stå saman om å få det i regionen
d. Evjemoen. Det er annleis å kjempe for noe enn mot noe. Kampen mot å leggje ned Evjemoen var sterk, men det er spennande å arbeide for å utvikle moen når det no ikkje lenger er militær aktivitet på Evje.

8. Magnhild har vore gift i 30 år, og var på Evjemoen då hennar rekrutt var der. No har Theis kjøpt seg scooter og til våren vil han kjøre som ei blå pil forbi Bjørnarå.

9. Rolf Erik Homme: Rekreasjon

10. Stangeland i Redningsselskapet har 20 styreverv. Magnhild har gått ut av styret i Bykle Radio, men ho er kasserar i Trydal grendelag. Ho er styremedlem i Henriksentunet, der det er jolemarknad i helga. Så er ho medlem i 1000-årskomiteen som har vorte til 100-årskomiteen. Og så er ho medlem i styret i Hovden reiselivslag,

11. som nettopp har tilsett ny reiselivssjef, Marianne Fedde Lilland. Ho er i Stavanger og markedsfører Hovden, Stavanger skal få snø frå Hovden til onsdag. Ho har vore hyttebyklar i 30 år, foreldrene har hytte på Ørnefjell, ho ønsker at løypenettet skal utviklast vidare, slik at ein ikkje treng bruke bil når ein skal ut.
a. Ein arbeider for å få sommarturisme til Hovden.
b. Sykkel-løype er eit toårig prosjekt,
c. men vandring og betre presentasjon av løypene er viktig.
d. Dei arbeider og med å fylle midt-vekene, no er alt snart fullt i helgene og i påskehøgtida.

12. Theis flytter ikkje til Grim, han søkte, men han trur ikkje dei vil ha han. Han ønska Magnhild velkommen tilbake, ho høver i radio.

13. Tina Turner: Paradise is here.

Harald

Dette stod i Setesdølen fredag 2. desember:

Valle radio skal ha sending til heile Setesdal i kveld. I det høvet har Theis Salvesen hanka inn nokre av dei mest taleføre kvinnene i nedslagsfeltet, og me vil tru at sendinga lett let seg fylle. Den nye fellesrektoren for dei vidaregåande skulane i dalen, Birgit Attestog, kjem, men ikkje før i den opne sendinga frå kl. 21. Frå då av kan praten gå i minst eit par timar om ho og Theis orkar. Litt musikk innimellom blir det vel saktens også.

Tidlegare på kvelden er også kvinnene svært sentrale. Magnhild Bjørnarå, som i mangel av sendingar i Bykle Radio i kveld slepp til i Valle radio, blir med Theis i den aktuelle timen frå klokka 18. Ho skal snakke om både Bykle radio og joleførebuingar. Der skal også den nye reiselivsjefen på Hovden, Marianne Fedde Lilland intervjuast om overgangen frå hyttebyklar til å bli fastbuande på Hovden.

Ei litt yngre kvinne, Eva Olavsdotter, ein av Hylestad-konfirmantane, skal presentere si supergruppe Rammstein. Ho har vore på konsertar med dei, og perfeksjonert seg i tysk for også å få med seg teksten.

-Alle kan glede seg til ein fantastisk halvtime frå klokka 19, seier Theis.

Dei som treng å roe seg ned etterpå, kan få med seg Torleif B. Harstad sine tankar frå Bibelen kl. 19.30. Halvtimen seinare er det duka for næringsprat igjen. Denne gongen kjem Bjørgulv T. Berg frå Brokke Hyttegrend i studio for å tale om leilitheter og nye utbyggingsfelt, medan den daglege leiaren på alpinsenteret i Brokkeheia, Jan Wojtaszek fortel litt om sesongstarten.

Klokka 20.30 er det klart for “Dialekten vår” med Sigurd Brokke og Knut K. Homme, begge med talemål som det er ein fest å høyre på. Dei tek opp ord og uttrykk, og presenterer internettsida vallemal.no.

Anders Wergeland frå Ungdom i Oppdrag fortel i Aktuell time kl. 18 om cup og danseframsyning i Storstoga. Fylkesordførar Oddvar Skaiaa blir med på ein prat om bompengar, vidaregåande skule og fylkeskommunen sine ambisjonar for Setesdal framover, medan ordførar Bjørn Robstad blir intervjua om Evje som regionsenter.