Aust-Agder museum og arkiv

Aust-Agder museum og arkiv IKS blei etablert i 2015, då Aust-Agder kulturhistoriske senter IKS, Setesdalsmuseet IKS og Stiftelsen Grimstad bys museer vart slegne saman. Aust-Agder museum og arkiv har både arkiv- og museumsfunksjonar, og består av fem fagavdelingar på tre administrative stadar: Arkivavdelinga og Museumsavdelinga på Kuben i Arendal, Setesdalsmuseet og Setesdal bygningsvernsenter på Rysstad og Grimstad bys museer i Grimstad. Ved årsskiftet 2021/2022 var det 60 fast tilsette.

Ellen Aslaksen er tilsett som museumsdirektør og øvste leiar for museet frå 1. august 2022. Ho tok over etter Jan Ledang, som gjekk av med pensjon i april 2022. Anna Stella Karlsdottir, mangeårig leiar for Setesdalsmuseet fram til 2019, er assisterande direktør. Ho var konstituert museumsdirektør i perioden frå april 2022 til august 2022.

For 2025 fekk museet 17. mill til museumsdrift og 4,37 mill til investering. Til drift av Bjoren vart det løyvd 217.000 kroner.

Kjelder

• Heimesida til Aust-Agder museum og arkiv
• Om tilsetting av ny museumsdirektør på heimesida til AAMA