Setesdal sogelag
Setesdal sogelag vart skipa i eit møte på Setesdalsmuseet onsdag 10. april 2013. I styret kom Hallvard Tveit Berg (vara Margit Dale), Magnhild Rygg (vara Torgeir Moseid) og Bjarne Tveiten (vara Magnhild Bjørnarå). Bjarne Tveiten vart vald til leiar og Astri Rysstad tok på seg rollen som sekretær.
Laget hadde 107 medlemer i februar 2015. Ved årsskiftet 2022/2023 er det 135 medlemer. I det talet er 9 familiemedlemskap.
Styre
- 2016: Bjarne Tveiten (leiar), Liv Åsne Austad Andersen (styremedlem), Hallvard Homme (styremedlem), Magnhild Bjørnarå (varamedlem), Torgeir Moseid (varamedlem), Inger Lise Homme (varamedlem), Hallvard Tveit Berg (kasserar), Astri Rysstad (sekretær)
- 2017: Arve Rauk (leiar), Hege Rygnestad (skrivar), Torbjørn O. Frøysnes (kasserar), Reidun Taksdal Bjørnarå (styremedlem), Knut K. Homme (styremedlem), Niklos K. Besteland (varamedlem), Helga Jacobsen (varamedlem), Birgit Haugå Nordibø (varamedlem)
- 2018: Vidar Toreid (leiar), Reidun Taksdal Bjørnarå (styremedlem), Knut K. Homme (styremedlem), Birgit Haugå Nordibø (varamedlem), Niklos K. Besteland (varamedlem)
- 2019: Vidar Toreid (leiar)
- 2020: Vidar Toreid (leiar), Birgit Breive Lidtveit (nestleiar), Torgrim Nordgarden (kasserar), Vigdis Jeiskelid (styremedlem), Karin Bøe (styremedlem/skrivar), Niklos K. Besteland (1. varamedlem), Torgeir Moseid (2. varamedlem/redaktør årsskriftet, møtte på styremøta), Ingebjørg Helle Nesheim (3. varamedlem)
- 2021: Vidar Toreid (leiar), Birgit Breive Lidtveit (nestleiar), Torgrim Nordgarden (kasserar), Vigdis Jeiskelid (styremedlem), Karin Bøe (styremedlem), Torgeir Moseid (redaktør årsskriftet)
- 2022: Vidar Toreid (leiar), Vigdis Jeiskelid (nestleiar), Torgrim Nordgarden (kasserar), Karin Bøe (skrivar), Jan Olaf Rysstad (styremedlem), Knut Olav Uppstad (1. varamedlem), Torgeir Moseid (redaktør årsskriftet og 2. varamedlem), Liv Åsne Austad Andersen (3. varamedlem)
- 2023: Unn Hovden (leiar), Vigdis Jeiskelid, Torgrim Nordgarden, Knut Olav Uppstad, Karin Bøe, Jan Olaf Rysstad (varamedlem), Vidar Toreid (varamedlem) og Angerd Gjerden (varamedlem)
- 2025: Ingen leiar. Torgrim Nordgarden (styremedlem og kasserar), Jan Olaf Rysstad, Morgan Igland, Tarald Rike, Vidar Toreid (varamedlem), Angerd Gjerden (varamedlem) og Kjell Ove Tveiten (varamedlem)
Setesdal og setesdølar
I mars 2015 gav det nye sogelaget ut det første årsskriftet sitt, Setesdal og setesdølar. Redaktør for bladet var Andres Helle. Målet var å lage eit årsskrift med ei fin blanding av nytt og gamalt. Blant mange bidragsytarar i den første utgåva var Bjarne Tveiten, som tok for seg tamreinhistorien. Reidar Tveito såg på slektsgransking gjennom Facebook. Det var dikt og tekstar av Knut K. Homme og utdrag frå «Gard og ætt»/Nordbygdi av Olav M. Holen. Rosinen i pylsa var illustrasjonar av biletkunstnaren Hans Georg Kohler.
Årsskriftet kom også ut i 2016–2023, frå 2019 med Torgeir Moseid som redaktør etter Andres Helle.
Sogevandringar
- 2018: Gamle husmannsplassar i Bygland ved Arne Haugå
- 2019: Hommsåne i Homme i Valle, Byglandsfjord stasjon og Fånefjell vegmiljø 8. juni 2019
- 2020: Åraksbø 23. mai 2020, Oveinang med Flateland og Rygnestad 6. juni 2020
- 2021: Støyledalen i Nordbygdi i Bykle 26. juni 2021, Flyvraket ved Melejuvet i Bygland 5. juni 2022 og folkemusikkvandring på Rysstad 1. august 2021
- 2022: Hylesdalen i Valle 17. juni 2022, tur med Bjoren på Byglandsfjorden og Veteranbuss nr. 24 i Setesdal Bilruter 13. august 2022, Ålmannvegen i Bykle frå Dalen til Hartevatn 27. august 2022
Arrangement
- 2013: Kulturminnedagen 2013 i Lislestog i Bykle i samarbeid med Bykle kommune og soknerådet 8. september 2013
- 2015: Kulturminnedagen 2015 på Bygland i samarbeid med Lislefarmen 6. september 2015, temamøte om folkemusikk og turisme i Setesdal i samarbeid med Agder Historielag 11. oktober 2015
- 2018: Ulvetuva Fjellfestival i Bykle 18. august 2018, foredrag om villreindrifta ved Kjell Bitustøyl på Bygland og i Valle i samarbeid med Folkeakademiet
- 2020: Vise-Taddeiv-festivalen i Bykle 15. august 2020
- 2022: Svein Hovden-festival i Bykle 20. august 2022, omvising på Sigmund Lidi sitt gardsmuseum i Bygland 29. september 2022, møte med Sylfest Lomheim på Bygland Kulturscene 31. oktober 2022 i samarbeid med Bygland Bygdekvinnelag og mållaga
Bakgrunn
Knut K. Homme (Valle) møttest saman med Bjarne Tveiten (Bykle), Magnhild Rygg (Bygland) og Beint Foss frå Agder Historielag om hausten og vinteren 2012–2013 til tre førebuingsmøte i den gamle stasjonsbygninga på Byglandsfjord stasjon. Her blei dei fire einige om eit felles grunnlag for eit samla sogelag for Bykle, Valle og Bygland. Møta kom i kjølvatnet av at Johnny Haugen, på vegne av Agder Historielag, hadde skrive nokre innlegg om å opprette eit felles sogelag for heile Setesdal, mellom anna i Setesdølen 29. mars 2011. Olav M. Holen i Bykle tok opp tråden, og la fram forslag om eit slikt lag på årsmøtet i Agder Historielag i 2012. Etter å ha rådført seg med Beint Foss ringte han rundt til aktuelle personar i Bykle, Valle og Bygland som kunne vere interessert i å skipe laget. Til slutt stod dei tre nemnde personane att, saman med Beint Foss.
Sjå også
Setesdal sogelag Årsmelding 2018
Kjelder
- Sogelaget lagar årsskrift, artikkel i Setesdølen, 2. desember 2014, framsida og side 3
- Setesdal og setesdølar. Årsskrift 2015. Utgjeve av Setesdal Sogelag, side 4
- Johnny Haugen, Æres den som æres bør, lesarbrev i Setesdølen nr. 19, 2023, side 8
- Olav M. Holen, Om å skipe sogelag i Setesdal, lesarbrev i Setesdølen nr. 20, 2023, side 2
- Oversikt over styret i 2021 i Setesdal og setesdølar 2022, side 2
- Årsmeldinga for 2022
- Artikkelen om Setesdal sogelag på Lokalhistoriewiki
- Opplysningar om arrangement og sogevandringar i Setesdal og setesdølar 2015–2022
- Oversikt over styret i 2025 i Setesdal og setesdølar 2026