Dysjebekken

Dysjebekken renn frå fjellheimen nord for Dysje ned til og ut i Botsvatn ved dei nedlagte gardsbruka på Dysje i Botnen i Bykle.

Bøndene på Dysje hadde kvern til å male korn i Dysjebekken. Ho låg på vestsida av bekken. Eit snøras tok med seg kvernhuset, truleg like før eller tidleg under andre verdskrigen. Ein av kvernsteinane skal vere brukt som utebord på ei hytte på Skreppstøylhaugen. Litt lenger nede langs bekken var det slipestell.