Olav Knutsson Skarberg
| Olav Knutsson Skarberg | ||
|---|---|---|
| Født: | 1893 | |
| Død: | 1969 (alder 75–76) | |
Olav Knutsson Skarberg (1893-1969) var bonde på garden Krone i Bykle. Garden hadde bruksnummer 12 og 13 under Trydal. Han dreiv garden saman med broren Ånund Knutsson Skarberg. I tillegg arbeidde han i Vegvesenet. Han var politikar for Arbeidarpartiet og sat i Bykle kommunestyre i mange år. Etter frigjeringa i 1945 var han ordførar ein periode.
I 1932 gifta han seg med Birgit Skarberg. Dei fekk barna Torbjørg Gundersen, Knut Skarberg, Jorånd Lærøen, Daniel Skarberg, Åsta Linn, Ånund Skarberg og Trygve Skarberg. I 1968 flytta familien til Kristiansand. Då overtok sonen Daniel heimelen til bruksnummer 12.