Skutåna
Foto: Geir Daasvatn
Foto: Geir Daasvatn
Skutåna er ei lita elv ved Lislevand, aust i Evje og Hornnes, heilt inn til grensa mot Birkenes kommune. Ho renn ut av Hovvatn på heia rett sør for Himmelsyna og sørover til Hovlandsåna i Hovlandsdalen. Ho er såleis ein del av Uldalsvassdraget, ei sidegrein til Tovdalselva. Elva er omlag 3,9 kilometer lang.
I den nedre delen av elva, kort før ho renn under Fv-42 og ut i Hovlandsåna, er det ein godt bevart steindam frå tidleg på 1900-talet. Stemmen demde opp bekken, og vatnet blei brukt til å drive ei sag som tilhøyrde to av bruka på Lislevand. Saka skal ha vore i bruk fram mot 2. verdskrigen.
Kjelder
- Kart, GISLINE Webinnsyn Setesdal
- Om skrivemåten til elvenamnet hos Statens Kartverk
- Om gammel stem og sag i Skutåna på Kulturminnesøk.no
- Om Skutåna på vann-nett.no