Nomeland Maskin
Nomeland Maskin er eit entreprenørselskap (AS) med base på Rysstad i Valle. Verksemda starta opp i mars/april 2018, og er tufta på den tidlegare verksemda til Nomeland Anlegg som gjekk konkurs rundt påsketider i 2018. Nomelands Anleggsmaskiner AS eig alle aksjane i selskapet. Entreprenørselskapet Olav Martin Sørli AS i Kristiansand overtok frå 1. januar 2023 eigarskapen til Nomeland Maskin AS og Nomelands Anleggsmaskiner AS. Frå før var ferdigbetong-verksemda seld til Ribe Betong. Steinar Nomeland er dagleg leiar. Det er rundt 45 tilsette i verksemda (2022).
Ved oppstarten hadde firmaet oppdrag å gå i gang med knytta til bygging av ny E-18 mellom Arendal og Tvedestrand.
I 2022 hadde firmaet oppdraget med grunn- og betongarbeid ved Flateland kraftverk i Vegusdal. Kaspar Strømme AS var med som underetreprenør for betongen. Før sommarferien 2022 fekk dei to nye oppdrag for Statens vegvesen. Det var svingutbetringar på Riksveg 9 frå Stemmen til Fånefjell, og utbetring av busshaldeplassar på Rv-9 mellom Hægeland og Hovden. Kontraktane hadde ein samla verdi på rundt 40 millionar kroner.
I 2026 gjorde Nomeland Maskin avtale med Statens Vegvesen om tilsyn med og levering av strøsand og salt til lager på Bygland, Skaiå, Vatnestrøm og Evje fram til 2033.
Kjelder
- Ole Birger Lien, Startar opp nytt selskap, artikkel i Setesdølen nr. 25, 2018, side 9
- Proff.no
- Sigurd Haugsgjerd, Grunn- og betong til 40 mill., artikkel i Setesdølen nr. 11, 2022, side 12
- Sigurd Haugsgjerd, Vann oppdrag for 40 mill. kr., artikkel i Setesdølen nr. 54, 2022, side 2
- Olav Åsen Haugsgjerd: Skal levere strøsand og salt for 12,6 millionar kroner. Artikkel i Setesdølen nr. 19, 2026 side 4