Kvernhusvegen

Fil:Valle 201216.jpg

Starten på Kvernhusvegen ved bekken Gryte.

Foto: Geir Daasvatn

Kvernhusvegen er ein tursti som går i gamalt kulturlandskap frå Harstad til Tveitetunet og vidare høgt opp i dalsida til garden Brottveit sør for Valle sentrum. Frå Brottveit kan ein gå nedover i terrenget igjen til garden Rike, og tilbake langs Harstadvegen til utgangspunktet.

Starten på sjølve turstien er ved vegen inn i Harstadgrenda frå sør, ved brua over Gryte. Her er det skilt som syner vegen vidare. Men det er parkeringsplass og informasjonstavle ved Valle skule. Langs stien er det ein rik flora og fleire gamle kulturminner, mellom anna gamle kvernhus i tilknytning til bekken. Det er også mange fine utsiktspunkt både mot nord og vest. Frå Brottveit er det ein fantastisk utsikt utover Vallebygda.

Kjelder

• Ellen Svalheim, Registreringer i kulturlandskapet fra Valle sentrum og til Tveiten/Harstad. Valle kommune, registreringsrapport, Fylkesmannen i Aust-Agder, landbruksavdelinga, 2006
• Om Kvernhusstien på dittdistrikt.no

Eksterne lenker

• Geir Daasvatn sine bilete frå Kvernhusvegen på Flickr