Nomeland Maskin

Nomeland Maskin er eit entreprenørselskap (AS) med base på Rysstad i Valle. Verksemda starta opp i mars/april 2018, og er tufta på den tidlegare verksemda til Nomeland Anlegg som gjekk konkurs rundt påsketider i 2018. Nomelands Anleggsmaskiner AS eig alle aksjane i selskapet. Steinar Nomeland er dagleg leiar. Ved oppstarten hadde firmaet oppdrag å gå i gang med knytta til bygging av ny E-18 mellom Arendal og Tvedestrand. Det er rundt 45 tilsette i verksemda (2022).

I 2022 hadde firmaet oppdraget med grunn- og betongarbeid ved Flateland kraftverk i Vegusdal. Kaspar Strømme AS var med som underetreprenør for betongen. Før sommarferien 2022 fekk dei to nye oppdrag for Statens vegvesen. Det var svingutbetringar på Riksveg 9 frå Stemmen til Fånefjell, og utbetring av busshaldeplassar på Rv-9 mellom Hægeland og Hovden. Kontraktane hadde ein samla verdi på rundt 40 millionar kroner.

Kjelder

• Ole Birger Lien, Startar opp nytt selskap, artikkel i Setesdølen nr. 25, 2018, side 9
• Proff.no
• Sigurd Haugsgjerd, Grunn- og betong til 40 mill., artikkel i Setesdølen nr. 11, 2022, side 12
• Sigurd Haugsgjerd, Vann oppdrag for 40 mill. kr., artikkel i Setesdølen nr. 54, 2022, side 2

Eksterne lenker

• Artikkel om Nomeland Maskin på Setesdalssida.no