Veiåni kraftverk
Veiåni kraftverk ligg på austsida av Logna på Smeland i Åseral. Kraftstasjonen ligg på ein open plass på vestsida av Veiånæ før elva renn ut i Logna. Grunneigarar og eigarar av kraftverket er Ole Gunnar Reiersdal og Helge Eikild. Småkraft AS leiger kraftverket av dei. Etter utlaupet av leigeperioden vil grunneigarane igjen få råderett over kraftverket på avtalte vilkår.
Stasjonen kom i drift i 2008. Han er oppført i betong og tre med gras på taket. Ein fem meter lang kanal fører vatnet tilbake til Veiånæ. Det er installert ein peltonturbin, levert av Fadum tekniske. Kontrollsystemet er oppgradert til HM elektro i 2020. Kraftverket produserer nok straum til ca. 150 husstandar (ca. 2,4 GWh pr år). Røyrgata har ei lengde på 1 050 m og ein diameter på 500 mm. Heile vassvegen er gravd ned. Inntaket ligg 493 meter over havet.