Tveit i Flatebygd

Tveit i framgrunnen og Nordbø i Flatebygd oppover i dalsida i bakgrunnen.

Foto: Geir Daasvatn

Tveit er ei lita grend og ein gard (gnr. 58) i Evje og Hornnes kommune i Evje rett før ein kjem til Flatebygd langs Fylkesveg 306 til Gautestad. Tveit er nabogard - etter klokka - til Odde, Evje (Prestegarden), Nordbø og Flåt.

Nord for Tveit renn Tveitåna (Nordåna). Sør for garden renn Flåtåna (Søråna). I Tveit byrjar Stafossvegen, ein skogsbilveg som går nordover heilt fram til Årekleppvatnet opp mot Årdalsknapen.

Historie

Tveit har truleg gått ut frå den nordlege garden Nordbø. Kanskje det var på 800-talet at Tveit vart sjølvstendig gard. I eldre tider, fram til rundt 1850, gjekk den gamle Futevegen forbi Tveit.

Heimar og bruk på Tveit

• Der Nor (Evje og Hornnes gnr. 58 bnr. 1)
• Hagebrotet (Evje og Hornnes gnr. 58 bnr. 2)
• Bråbakkane
• Vestøl
• Der ute (Evje og Hornnes gnr. 58 bnr. 3)
• Lilletveit
• Der Heime (Evje og Hornnes gnr. 58 bnr. 5)
• Lunnebakken
• Dølehagen (Evje og Hornnes gnr. 58 bnr. 7)
• Der Nede (Evje og Hornnes gnr. 58 bnr. 4)
• Ekreplassen

Kjelder

• Arvid Tveit (Evje) og Oddmund Mogstad, Tveit i Evje, artikkel i Arnstein, 2003, s. 21-33
• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 69 og 259