Torborg Uleberg
| Torborg Uleberg | ||
|---|---|---|
| ||
| Torborg med foreldra John og Anna på kvar si side. Foto: Privat
| ||
| Født: | 15. april 1906 | |
| Død: | 26. februar 1990 (83 år) | |
Torborg Uleberg (fødd 15. april 1906, død 26. februar 1990) var husmor og «bondekjerring» på småbruket Kleven på Øvre Dåsvatn i Dåsvannsdalen i Hornnes. Ho var gift med Søren T. Uleberg.
Torborg gjekk på Møglestu husmorskule. I ungdomen arbeidde ho i tolv somrar på Ryen Sommerhjem på Tveit i Kristiansand. Då mor hennar fekk dårlegare helse, flytta ho heim til Kleven. I feriane var ho i mange år på heiegarden Vetrhus og stelte og kokte for Asbjørnsen-familien.
I 1942 gifta ho seg med Søren, som flytta til Kleven. Ho var mykje med i gardsdrifta, og stelte kyr og sauer heilt til ho var i 70-åra. Ho dreiv også med farging av garn og veving.
Torborg og Søren fekk tre born saman: Ingrid Birkeland (fødd 1943, død 2018), Anne Marie Pedersen (fødd 1945) og Torgeir Uleberg (fødd 1948). Foreldra hennar var John T. Dåsvatn og Anna S. Dåsvatn (fødd Ose).
Kjelder
- Olav O. Uleberg, Hornnes I, Gards- og ættesoge, utgjeve av Hornnes bygdesogenemd, 1969, side 294
- Torleiv Vika, Våre røter - Kleven, Øvre Dåsvatn, utrykt slektsskrift, 2002