Tennessee Five

Tennessee Five var eit band som spelte countrymusikk med meir i Setesdal på byrjinga av 1970-talet. Fleire av medlemene i bandet gjekk på Hornnes gymnas, og øvingane var i gymsalen der. Med i gruppa var Vidar Frøysnes, Oddvar Omnes (vokalist), Jostein Barsnes (bass), Rolf Helge Rønneseth (trommer) og Olav Liestøl (sologitar).

Oddvar Omnes song om lag 20 melodiar av Johnny Cash, Vidar FRøysnes hadde rundt 20 melodiar av Buck Owens og Olav Liestøl kunne spele eit dusin Shadows-låtar. Den første spelejobben med skriftleg kontrakt var med Rolf Nilsen på Dølen Hotel på Evje. Bandet blei oppløyst våren 1973 då russetida på Hornnes var over.

Kjelder

• Sigurd Haugsgjerd, Gjenforening 50 år etter, artikkel i Setesdølen nr. 29, 2023, side 16
• Vidar Frøysnes, 50 år i musikken, stykke i Setesdal og setesdølar 2026, utgjeve av Setesdal sogelag, utgjeve mars 2026, side 6–49