Suplandsfossen
Suplandsfossen er eit fossefall i Nidelva, ved Simonstad i Åmli.
På Suplandsfoss var det ein tvangsarbeidsleir etter andre verdskrigen. Den største oppgåva for fangane var truleg senking av Suplandsfossen. I fleire tiår hadde kommunen planlagt å senke fosseleiet. Ved eit slikt tiltak kunne rundt 6 000 mål med jord- og skogbruksareal bli tørrlagt. Arbeidstjenesten hadde byrja på arbeidet under krigen (1944). Våren 1946 blei det teke opp att. Det heldt fram til hausten 1948. Fangane i leiren kom til å flytte nærare 20 000 kubikkmeter med stein. Steinen blei frakta vekk med tralle. Heile arbeidet nådde eit høgdepunkt 11. desember 1948, då fossen blei sprengt med dynamitt. Sprenginga laga ein djup og brei passasje som vatnet kunne fløyme uhindra gjennom.
Kjelder
- Johnny Haugen og Terje Nomeland, Fra krig til fred – Tvangsarbeidsleirene på Agder 1945–51, artikkel i Agder Historielag sitt Årsskrift nr. 89, 2017, side 155–177