Stålevannsvegen
Foto: Geir Daasvatn
Stålevannsvegen er ein skogsbilveg (bomveg) på heia mellom Tveit og Bjørndalsvatnet vest i Hornnes i Evje og Hornnes kommune. Vegen tek til frå Sveindalsvegen (Fylkesveg 42), og går sørover forbi Stålevatnet og inn til dei svære myrområda Moland og Stedjan under Abusdalsknuten. Ved Stålevatnet er det ei forgreining av vegen oppover i Stålevassliane til eit hyttefelt der.