Skagen bru
Skagen bru går over Otra, og knyt via Skagevegen gardane Hovet, Haugen og Bjørgum saman med resten av Hylestad. Brua er plassbygd i spennbetong, ei såkalla etterspent betongbjelkebru. Lengda er 82 meter. Ho blei opna i november 1992, og erstatta då ei eldre hengebru frå 1951.
Entreprenør for brua var Brødrene Reme i Kristiansand. Multiconsult hadde planarbeidet. Hallvard Homme var byggeleiar. Nomeland Anlegg tok seg av gravearbeidet og leverte betong.
Kjelder
- Reidar Tveito, Riksveg 9 - Bruer og særtrekk langs vegen, Byglandsfjord 2014, side 159–161