Olav Bjørnson Tveit
| Olav Bjørnson Tveit | ||
|---|---|---|
| Født: | 19. mars 1916 | |
| Død: | 16. desember 1975 (59 år) | |
Olav Bjørnson Tveit (fødd 19. mars 1916, død 16. desember 1975) frå Hylestad var sjømann i 23 år, første turen i 1934 og siste i 1957. Han var i den norske handelsflåten 1939–1940 og i uteflåten 1940–1945. Han kom først heim til jol i 1945. Han var utan tvil den hylstringen med lengst aktiv krigsinnsats bak seg, heiter det i Valle kultursoge. Han mottok Krigsmedaljen og Kong Haakon VIIs Frihetsmedalje for krigsinnsatsen.
Olav Bjørnson var fødd på Tveit i Bygland. Foreldra var skogsarbeidar Bjørn Olavson Heistad og Birgit Olavsdotter Tveit (f. Langeid). Han vaks opp på Nomeland i Hylestad i Valle. 16 år gamal kom han til Høvåg som gardsgut. To år seinare reiste han ut på sjøen.
Olav var gift med Torbjørg Berg (f. 1921, d. 1994). Dei gifta seg 13. desember 1946. Dei hadde borna Birgit (f. 17. november 1949) og Hallvard Tveit Berg (f. 18. juni 1953).
Kjelder
- Krigsseilerregisteret
- Facebookgruppa Bilder av Bykle og Valle i gamle dager
- Geni.com
- Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 563–564