Klemet Syrtveit Aaneland
| Klemet Syrtveit Aaneland | ||
|---|---|---|
| Født: | 22. juni 1829 | |
| Død: | 20. august 1898 (69 år) | |
Klemet Gunnufsen Syrtveit Aaneland (fødd 22. juni 1829, død 20. august 1898) var lærar og kyrkjesongar i Evje. Han blei tilsett som lærar i skulen i Evje i 1845, og stod i posten til han fekk eit slagtilfelle i 1898 og måtte gje seg i yrket. Han var altså lærar i Evje i om lag 53 år.
Familie
Foreldra til Klemet var Gunnulv Halvorsen (fødd 1764) og Ragnhild Clemetsdatter Syrtveit (fødd 1793). Gunnulv var bonde på Syrtveit.
Barndom og oppvekst
Klemet var hjuring (gjetargut) då han var liten. Då han var 15 år og konfirmert, blei han tilkalt av presten Knutzon som ville ha han til å vere skulemeister. Same vinteren gjekk han i skule hos ein lærar i Kristiansand. Då han kom heim att, blei han så lærar i Evje.[1]
Tida som lærar
Den første tida var det omgangsskule. Klemet underviste rundt omkring i skulekrinsen. I 1852-1854 tok han lærarseminaret på Holt. I 1859 kjøpte han eigedom omlag midt i Ånelandsbygda. Her bygde han hus, og innreidde skulestove i eine enden. I andre enden budde han med familien.[2]
Kyrkjesongar
Kyrkjesongaren i Evje, Notto Jørgensen Tvedt, døydde i 1839. Tor Rosseland var konstituert kyrkjesongar i mange år etter han. Klemet Syrtveit Aaneland overtok vervet rundt 1851.[3]
Heider
- Borgerdådsmedaljen i sølv
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 354
Referansar
- ↑ Brit Bjørdalsbakke Mo, Slekten Aaneland - Slekt etter Klemet Syrtveit Aaneland, eget forlag, Mandal 2011, side 14
- ↑ Slekten Aaneland, side 14
- ↑ Slekten Aaneland, side 14