Juvet i Åseral

Juvet i Åseral er ein del av fylkesveg 502 mellom Kylland i Åseral og Kvåle i Eiken. Fenderen mellom vegen og juvet var ikkje høgare enn ei halvliters brusflaske og bygdefolk hadde bede om betre sikring i mange år. Hausten 2011 sette vegvesenet og Vest-Agder fylkeskommune opp ny fender, ikkje minst fordi ordførar Oddmund Ljosland engasjerte seg sterkt i saka.

Fredag 16. desember 2011 vart fenderen feira med kaker og bål og ettermiddagskos for små og store. Også Oddmund Ljosland og Åseral hornmusikk var invitert til å kaste glans over festen.

Kjelder

• Hornmusikk og kaker for ny fender ved Juvet i Åseral- Artikkel i Setesdølen nr. 97, 2011 side 16