Jørundland kraftverk

Jørundland kraftverk ligg i Gjøvdal i Åmli kommune, ca. to mil nord for Åmli sentrum. Kraftverket nyttar eit fall i Gjøv på 282 meter frå reguleringsmagasinet Nesvatn i Fyresdal kommune.

Stasjonen har eitt aggregat. Installert effekt er 52 MW. Den årlege produksjonen er rundt 193 GWh. Det svarar til forbruket til om lag 12 000 bustader. Kraftverket blei sett i drift i 1970. Det er eigd av Å Energi Vannkraft.

Kjelder

• Omtalen av Jørundland kraftverk på nettsida til Å Energi
• Andreas Vevstad, Arendalsvassdraget. Et vassdrag i samfunnets tjeneste, utgjeve av Arendals Vasdrags Brugseierforening, 1987, side 279–286

Kart

• Jørundland kraftverk på Norgeskart.no