Hjellevatn

Hjellevatn ligg rett sør for Straumsfjorden, langt inne i Bygland austhei. Vatnet frå Hjellevatn renn utfor Svoletjønnfossen til Svoletjønn. Derfrå renn det vidare gjennom det vesle vatnet Vedbraut til Kilsvatn. Vatnet høyrer såleis til Tovdalsvassdraget.

På ein steinknaus ved Hjellevatn, eit par hundre meter sør for stemmen i enden av Straumsfjorden, ligg Steinsplass. Her skal det ha budd folk i ein kort periode på 1700-talet. Det er også registrert eit gardsanlegg frå steinaldertid på staden.

Kjelder

• Norgeskart.no
• Gunnar Stubseid, Då papa var lærar på Kile i Bygland, artikkel i Jol i Setesdal 2019, side 12-16
• Reidar Vollen, Bygland gard og ætt, bind III, side 199 og 204

Kart

Laster kart ...