Fossvik brygge
Fossvik brygge på Evje er den gamle dampskipsbrygga som blei bygd ved Fossvik på austsida av Otra nedanfor Fennefossen, då Bjoren tok til å gå heilt til Fennefoss i åra rundt 1880. Tidlegare hadde båten bare gått til Dåsnes.
Bryggevegen går frå Verksvegen forbi Kongshaugen og ned til brygga.
Historie
I boka om Postvegen skriv Leonhard Jansen at Bjoren si rute blei forlenga frå Dåsnes til Fossvik i 1879. I kulturminneplanen for Evje og Hornnes er det sagt at brygga i Fossvik kom i 1882. Lokalhistorikaren Sigmund Monen fortel at Evje nikkelverk bygde brygga kring 1880. Men det tok likevel, i følge Monen, fleire år før kaptein Godtfredsen ville køyre dampbåten til den nye brygga på Verksmoen og til Fennefoss brygge på andre sida av elva. Avtalen hans med dampskipsselskapet var at han bare skulle køyre båten til Faret ved Hornnes kyrkje![1]
Kjelder
- Leonhard Jansen m.fl., Frå postveg til riksveg - vegar og vegminne langs riksveg 9, Bokbyen Forlag, 2018, side 79-80
- Kulturminneplan Evje og Hornnes 2019-2024, vedtatt i Evje og Hornnes kommunestyre 28. februar 2019, side 12
Referansar
- ↑ Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 311-312