Flåtheim

Dagens Flåtheim.

Foto: Geir Daasvatn

Flåtheim (Flåtbrakke) var eit hus som skytebas Nils Mørk Nicolaysen bygde i Gruvekleiva mellom Flatebygd og gruva kring 1916. Det var mange små rom i huset, som små hyblar. Det var folk som låg over der. Huset fungerte som eit slags vertshus. Det første budde det også eit kokkelag der, som laga mat til leigebuarane. Etter 1927 var det ikkje mange som budde der. Då blei huset helst familiebustad for Nicolaysen-familien.

I dag eig Stig Skarstein bustaden, som er mykje modernisert.

Kjelder

• Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 201 og side 203–204
• Sigmund Monen, Flåt nikkelgruver og bygda. Arbeidarhistorie, utgjeve av Evje og Hornnes kommune, 2016, side 271