Fjotland kyrkje

Fjotland kyrkje er ei lafta langkyrkje frå 1836 på Fjotland i Kvinesdal kommne i Vest-Agder.

Kyrkja er oppført av byggmeister Torgje Torvaldson Berkjeland etter typeteikningar av H.D.F. Linstow. Ho har 420 sitjeplassar. Kyrkja avløyste ei eldre tømmerkyrkje. Denne tidlegare kyrkja var under oppføring heilt frå 1670 til 1737.

Kyrkja har to preikestolar oppe på fondveggen. Den til høgre er frå 1836, medan den til venstre er overført frå gamlekyrkja.

Det er kyrkjegard attmed kyrkja.

Kjelder

Artikkelen om Fjotland kyrkje på Wikipedia (nynorsk), besøkt 29. mars 2018