Evje ungdomsskule
Evje ungdomsskule er ungdomsskule for heile Evje og Hornnes kommune. Skulen ligg på Sindremoen, om lag ein km nord for Evje sentrum, på same staden som Evje barneskule. Skulen har om lag 136 elevar frå 8.–10. trinn. Det er rundt 20 tilsette ved skulen. Rektor og leiar for skulen 2003–2025 var Kjell Hansen. Han blei pensjonist frå 1. august 2025. Då overtok Wenche Moi Reinertsen rektorstillinga.
Til skulestart hausten 2021 var ungdomsskulen renovert og oppgradert. Det er også bygt ein ny fleirbrukshall ved skulane. Hallen erstatta den gamle gymnastikksalen, som ikkje lenger tilfredsstilte krava til slike bygg i dag.
Historie
Byggearbeida på dagens skulebygningar starta i desember 1962. Hovudbygget, klasserom og rom for administrasjonen, var ferdig til bruk i oktober 1963. Andre byggesteget, spesialromsfløyen og tannklinikken, kunne takast i bruk til skulestarten hausten 1964. Til sist kom gymnastikkbygget og symjehallen, som ungdomsskulen brukar saman med barneskulen. Symjehallen var klart til bruk først utpå nyåret 1966.
Rektorar
- Sofus Ausland (1963–1970)
- Søren Kallhovd (197–1971)
- Ingvard Østerhus 1971–1987)
- Alf Harry Nilsen (1987–1988)
- Aashild Refsnes (1988–2002)
- Lene Engdahl (2002–2003)
- Kjell Hansen (2003–2025)
- Wenche Moi Reinertsen (2025–)
Tilsette
Klasse-Quiz
- 28. mars 2025 deltok Maurits Aune, Sherif Safar og Henny Hjertholm i delfinale i klassequiz på NRK TV[1]
Kjelder
- Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, s. 448 flg. Omtalen av skulen i Evje og Hornnes etter 1960 er skriven av Torgrim Dåsnes
- Sigurd Haugsgjerd, Ny rektor ved Evje ungdomsskule, artikkel i Setesdølen nr. 22, 2025, side 11
- Johnny Haugen, Kjell Hansen takkar av – men ikkje heilt, artikkel i Setesdølen nr. 57, 2025, side 12
Referansar
- ↑ Sigurd Haugsgjerd: Evje ungdomsskule i TV-finale 28. mars. Artikkel i Setesdølen nr. 20, 2025 side 6