Etiske retningsliner for bruk av sosiale medier i Valle kommune

Etiske retningsliner for bruk av sosiale medier i Valle kommune vart vedtekne i Valle kommunestyre 30. april 2014.

Sosiale medier er fellesnemninga på nettstader der brukarane sjølv skaper innhaldet. Eksempel på dette er til dømes Facebook, LinkedIn, Twitter, Youtube, bloggar og diskusjonssider.

Som tilsett i Valle kommune er det positivt at du er «til stades» på nettet, deltek i debattar og meiningsutvekslingar etc, men hugs at du alltid representerer arbeidsgjevar. Ha alltid «kommunebrillene» på.
Ikkje kommenter eller publisér informasjon som du har tileigna deg som tilsett i Valle kommune, og som er underlagt teieplikt, unnateke offentlegheit eller er ein del av pågåande sakshandsaming.
Ikkje publisér andre sitt materiale utan godkjenning.
Sosiale medier er møte mellom menneske. Legg gjerne til rette for dialog, men saksbehandling skal skje i andre kanalar.
Publisér svar på spørsmål og kommentarar snarast råd
Publiséring av bilde og anna frå kollegaer krev samtykke.
Ver høfleg og respektfull.
Diskuter sak, ikkje person.
Ver merksam på konfliktar og verbale kampar.
Sjekk fakta dersom du er usikker. Rett alltid opp faktafeil.
Ved innspel som krev saksbehandling skal avsendar oppmodast til å formelt rette dette til kommunen. Saka vil då bli behandla i tråd med gjeldande saksbehandlingsreglar.
Alle ytringar på den offisielle kontoen skal vere partipolitisk og religiøst nøytrale og (sjølvsagt) ikkje virke diskriminerande på nokon som helst måte.
Informer om arrangement, nyheiter og anna som er av verdi for brukarane.
Ingenting er privat på nettet, hugs det når du publiserer. Internett har ikkje angreknapp, ver varsam.

Ver bevisst din rolle som tilsett i Valle kommune ved all bruk av sosiale medier.
Ver open om at du er tilsett i Valle kommune i samanhengar der dette er naturleg.
Bruk eige namn og opplys at du er tilsett i Valle kommune. Ikkje skriv anonymt. Presiser at du ytrar deg som privatperson og ikkje på vegne av Valle kommune dersom det kan skape tvil om kva rolle du har.
Presiser at du ytrar deg som privatperson og ikkje på vegne av Valle kommune dersom det kan skape tvil om kva rolle du har.
Presiser at du ytrar deg som privatperson og ikkje på vegne av Valle kommune dersom det kan skape tvil om kva rolle du har.
Ikkje bruk Valle kommunes logo når du opptrer som privatperson.
Hugs at reglane om teieplikt, personvern, ytringsfridom, lojalitetsplikt mv som du må halde deg til i din jobb i Valle kommune også gjeld når du opptrer som privatperson i sosiale medier.
Ver særleg bevisst som tilsett i kommunikasjon med særskilte grupper, slik som elevar, funksjonshemma, klientar eller pasientar.
Leiarar har eit særskilt ansvar i høve sine medarbeidarar, lærlingar som arbeider med barn og unge etc, jf. som leiar er du også rollemodell.
Ingenting er privat på nettet, hugs det når du publiserer. Internett har ikkje angreknapp, ver varsam.
Når du er på nettet som privatperson, hugs også retningslinene som gjeld for deg som tilsett.

Kommunens etiske retningsliner gjeld like mykje på nett som utanfor nett.
Brot på dei etiske retningslinene kan få konsekvensar for arbeidsforholdet. Alvorlege brot på reglane kan medføre åtvaring, oppseiing eller avskjed, uavhengig av kva for stilling/funksjon vedkomande har i Valle kommune.
Tilsvarande gjeld for brot på teieplikta.

Kjelde