Du Byklehei med vatn blå

Du Byklehei med vatn blå også kalla Bykleheisong, er skriven av Ola Breivegen. Jon Hinna sette tone til sangen.

Tekst

der Otra kviler før ho stryk

til dals så kvite fossen ryk

du er for meg så kjær å sjå.

Det minner er i alt eg ser,

fordi min vår har løynt seg her.

Eg leikte solyr på di strand

til vatnskvalp i solgangsvind

med vatnet spegla nut og tind

og gauken gol ved andre land.

Eg all min dag må elske deg

fordi du såleis song for meg.

Eg såg deg og i anna ver,

når stormen kvein og snøen dreiv.

Da hende det eg gjekk og sveiv

og ønskte meg langt vekk frå her.

Men lell eg aldri var så fjåg

som når eg dine lier såg.

Du song for meg så mang ein kveld

om slikt som fjellfolk eig og har;

Om veideskog og odelsgard

om alt som fins imellom fjell.

Den songen vil eg gøyme på

om eg blir krokete og grå.

Men gladast er no songen din

når våren spelar opp til dans

så nuten får ein tåflekk krans

som aukar ikring toppen sin.

Då takkar eg dei nutar blå

at det er her eg er ifrå.

Då står eg i elvesjog

og høyrer alle lier syng

om vakna liv i gras og lyng

og lauvsprett gjennom all min skog.

Då sit ein gut i heimeli

og syng eit stev for jenta si.