Brurehylen

Brurehylen er ein høl, eit stillvetne i Otra, om lag ein halv kilometer nord-aust for Byklestøylane. Tradisjonen fortel at eit brurefølge frå Glidbjørg drukna i denne hølen då brureparet med følge var på veg til kyrkja i Dvolo for å bli vigde.

I Jol i Setesdal 2010 fortel Bjarne Tveiten om segna. Han meiner ho kan ha ein sann kjerne, men med understreking av kan. Mellom anna er det ikkje noko som tyder på at det nokon gong har stått ei kyrkje i Dvolo.