Birkeland (Bygland)

Birkeland (Bygland gnr. 1) er ein gard på austsida av Otra, lengst nord i Bygland. På andre sida av elva ligg Langeid. Garden er samla i eitt stykke. I vest grensar han til Otra, i nord mot Straume i Valle, og i aust og sør mot Søndre Sordal.

Namnet

Birkeland er eit vanleg gardsnamn i Sør-Noreg. Til dømes er det ein Birkeland-gard i Evje og Hornnes. Namnet skriv seg frå treslaget bjørk, altså ein stad der det veks bjørk.^[2]

Historie

Det er registrert fornminne på Birkeland, mellom anna 16 gravrøyser som no er borte. Fornminna skriv seg truleg frå førkristen tid. Sett i samanheng med land-namnet, ein type gardsnamn som forskarane meiner stammar frå folkevandringstida, kan garden truleg ha kome til frå år 400–600 e.Kr.^[3]

I Bygland gard og ætt skriv Reidar Vollen at garden må ha blitt nedlagt som eigen gard. Truleg vart han lagt øyde før den store nedgangen rundt midten av 1300-talet. Sidan kom garden under nabogarden Sordal, og blei nytta som støyl og utmark. I åra rundt 1630–1640 blei Birkeland eigen gard att.^[4] Dei første brukarane ein kjenner til var Orm Tellefson Birkeland (født ca 1599, død ca 1668) og Notto Tellefson Sordal (født ca 1605, død ca 1673).^[5]

Referansar

↑ Opplysningar i grunnboka på nettsida til Statens Kartverk
↑ Reidar Vollen, Bygland gard og ætt, bind 1, utgjeve av Bygland kommune, 2002, side 17
↑ Bygland gard og ætt, B1, side 17
↑ Bygland gard og ætt, B1, side 19
↑ Bygland gard og ætt, B1, side 26 og 60

Kart

Birkeland på Norgeskart.no

[1] Opplysningar i grunnboka på nettsida til Statens Kartverk

[2] Reidar Vollen, Bygland gard og ætt, bind 1, utgjeve av Bygland kommune, 2002, side 17

[3] Bygland gard og ætt, B1, side 17

[4] Bygland gard og ætt, B1, side 19

[5] Bygland gard og ætt, B1, side 26 og 60

[1]

[2]

[3]

[4]

[5]