Onsdagsprogram Valle Radio 20101215
Onsdagsprogram Valle Radio 20101215 var overføring av møte i Valle kommunestyre. Teknikar var Jørund Georg Jore. Møtet starta klokka 18.00 etter at partigruppene hadde hatt møte frå klokka 17.00.
Steinar Kyrvestad hadde merknader til saklista i høve til sak «PS 108/10 Nyval i kontrollutvalet og foreslo at saken skulle trekkjast. Avstemming vart gjort umiddelbart og vart teken opp mot tre stemmer.
Annette Bjørgum Berg og Hilde Kiland vart valde til å skrive under protokollen.
Saker
PS 96/10 Referatsaker
- PS 96/10 Referatsaker
- RS 47/10 Møteprotokoll frå formannskapet 10.11.10
- RS 48/10 Møteprotokoll frå formannskapet 1.12.10
- RS 49/10 Møteprotokoll frå planutval 9.11.10
- RS 50/10 Møteprotokoll frå planutval 14.12.10
- RS 51/10 Møteprotokoll frå administrasjonsutvalet 6.12.10
- RS 52/10 Møteprotokoll frå arbeidsmiljçutvalet 7.12.10
- RS 53/10 Møteprotokoll frå Valle barne - og ungdomsråd 7.12.10
- RS 54/10 Møteprotokoll frå eldrerådet 13.12.10
- RS 55/10 Rådmannens månadsrapport
- RS 56/10 Møtebok kontrollutvalet 18.11.10
- Møteboka vart delt ut. Rådmann Elise Marie Kringen las opp orientering frå Arne Tronsen, fung. leiar teknisk avdeling, i høve bygget som GD Laftebygg leier.
- RS 57/10 Særutskrift kontrollutvalet - sak 6/10
- RS 58/10 Uttale frå Skogeigarlaget og Bondelaget i høve innspel til heieplanen
- RS 59/10 Signert tilleggsavtale til aksjonæravtale
- RS 60/10 Forstudierapport interkommunalt helsesamarbeid i Setesdal - IKT Helse
- RS 61/10 Forslag om avvikling av "Tveitestemna" som fast arrangement i Valle kommune
Ingen andre saker vart tekne opp.
PS 97/10 Rådmannen orienterer
- Leiar for NAV Setesdal har sagt opp og kvar kommune sin leiar fungerer no som leiar.
- Samhandlingsreformen kjem til høyring i neste månad med frist 18. januar 2011, så det vert truleg formannskapet som må uttale seg. Hovudprinsipp er å forebygge innlegging i sjukehus og at pasientar skal kome tidlegare tilbake. Difor treng regionen lokalmedisinske senger.
- «Psykisk helse og rus» er eit tema ein jobbar med samen med dei andre kommunane i Setesdal Regionråd.
PS 98/10 Ordføraren orienterer
- Det har vore møte om Heieplanen. Det var ikkje motivasjon til å gå vidare på tanken om at Austheia skal vere «anna område». Bygdeutviklingssone og villreinsone er to områdesonar i randområda til Heieplanen. Basert på innspela vil det bli laga eit drøftingsdokument som kommunane får drøfte før det går tilbake til Heieplanutvalet sitt sekretariat. Truleg vert det ikkje løyst innanfor den noverande valperioden.
- Grøne sertifikat vil føre til full utbygging av Brokke Nord og Brokke Sør
- Nedfrysingsprosjektet på Hekni kan gjennomførast i år i høve til å fjerne krypsiv. Ein plan for å gjere dette er godkjent av kommunestyret i Bygland. Ordføraren ba om tilslutning til å gjere dette og ba om kommentarar.
- Steinar Kyrvestad kommenterte og gav si tilslutning til innfrysingsprosjektet. Deretter spurte han om Heieplanen, der dei andre kommunane hadde gitt opp. Valle sitt innspel bør kome med i drøftingsdokumentet.
PS 99/10 Førespurnader
- Torleif Harstad spurde om det var råd å få ei betre ordning med omsyn til skulebusskøyringa ved Valle skule, der er det vanskeleg for bussane å kome fram. Ordføreren meinte at dette burde administrasjonen ordne innan februar.
- Toralf Andersen: Rapporten frå revisor til kontrollutvalet bør leggjast fram for kommunestyret. Skal verte kopiert opp.
- Steinar Kyrvestad: Er det ein avtale om fri skuleskyss for Homme og Tveitebø frå tidleg på 1960-talet? Ordføraren svarte at ein har vore heilt tilbake til 1950-talet uten å ha funne noko som er juridisk bindande for kommunen.
PS 100/10 Ny høyring - Framlegg til organisering av polititenesta i Agder politidistrikt
- Vedtak i formannskapet 1. desember 2010 etter tilråding frå rådmannen
Ved ny framtidig tenestestruktur i Agder politidistrikt legg Valle kommune til grunn at Setesdal politistasjonsdistrikt har hovudplassering i Valle, men med avdelingskontor på Evje.
- Samrøystes vedteke.
PS 101/10 Høyring - Framlegg til endringar i kommunelova
- Vedtak i formannskapet 1. desember 2010 etter framlegg frå ordførar
Valle kommune ynskjer å vidareføre dagens praksis med administrativ tilråding til politiske utval som vidare innstiller politisk til kommunestyret. Utover dette er kommunestyret einige i endringane i kommunelova.
- Ssamrøystes vedteke.
PS 102/10 IKT-samarbeid i Setesdal - Etablering av IKT Setesdal
- Vedtak i formannskapet 1. desember 2010 etter tilråding frå rådmannen
Valle kommune vil saman med kommunane Bygland, Bykle og Evje- og Hornnes organisere drift av IKT som eit samarbeid etter §27 i kommunelova. Samarbeidet blir organisert som eit eige rettssubjekt.
Valle kommune godkjenner framlagde vedtekter, og gir styret fullmakt til å godkjenne samarbeidsavtale, avtale med tilsette, tilsette dagleg leiar og følgje opp etableringa av ny organisasjon.
PS 103/10 Framlegg om utseting av revidering av Kommunedelplan for idrett, friluftsliv og kulturanlegg
- Vedtak i formannskapet 10. november 2010 etter tilråding frå rådmannen
Revidering av Kommunedelplan for idrett, friluftsliv og kulturanlegg blir utsett til 2011.
PS 104/10 Felles markering av nasjonaldagen i Valle kommune
- Samrøystes vedtak i formannskapet 1. desember 2010
Kommunestyret opprettheld to 17. mai feiringar i kommunen, som no. FAU Hylestad og FAU Valle organiserer barnevennleg opplegg på dagtid på båe plassane. På kveldstid vert det felles folkefest i kultursenteret. Valle kommune tek ansvar for organisering av kveldsarrangementet.
PS 105/10 Endring av reglement for Valle barne- og ungdomsråd
- Rådmannen tilrår
Reglar for Valle barne- og ungdomsråd blir vedtekne som lagt fram. Dei nye reglane gjeld frå 1.1.2011.
- Vedtak i Valle barne og ungdomsråd - 7. desember 2010
Reglar for Valle barne- og ungdomsråd blir vedtekne som lagt fram med endringar. Dei nye reglane gjeld frå 1.1.2011. Sammensetning av VBUR bør ikkje vere partall, 10 stk. Representant frå styret i ungdomsklubben bør fjernast og antall medlemmer vere 9.
PS 106/10 Møteplan for politiske utval 2011
- Rådmannen tilrår
Det vedlagde framlegget til møteplan for politiske møte i 2011 blir vedteke.
PS 107/10 Tilleggløyving til innstallering av vaskemaskin og tørketrommel
- Samrøystes vedtak i formannskapet 1. desember 2010 etter tilråding frå rådmannen
Det vert løyvd kr 150 000 frå ledige lån på konto 29100100 i tillegg skal refundert mva overførast til prosjektet.
PS 108/10 Nyval i kontrollutvalet
- Ordførar tilrår
Kommunestyret foretar følgjande nyval i kontrollutvalet:
- Leiar: ___________________________________ Nyval
- Nestleiar, øvrige medlemmer og varamedlemmer: Attval
PS 109/10 Årsbudsjett 2011
- Vedtak i formannskapet 1. desember 2010 etter framlegg frå rådmannen
I medhald av kommunelova §§ 45 og 46 vert det fatta slikt vedtak:
- Tildeling av netto budsjettramme på ansvarsområda i tråd med kapittel 4.4 i det vedlagde framlegg til årsbudsjett for 2011
- Investeringstiltak slik det går fram av budsjettdokumentet på kr 9 660 000. Av dette vert kr 6.366 000,- finansiert ved låneopptak. I tillegg blir kyrkjestova delvis finansiert ved bruk av næringsfond på kr 1 654 000.
- Avdragstid på låneopptak skal følgje § 50 i kommunelova.
- Formidlingslån på 2 mill kjem i tillegg og utlån følgjer retningslinane til Husbanken
- Endringar i avgifter og gebyr slik det går fram av kapittel 3
- Ved utrekning av formuesskatt og inntektsskatt for personlege skattytarar og andre skattytarar, skal det for 2011 nyttast maksimale skattesatsar slik desse vert fastsett i Stortinget
- Det skal skrivast ut eigedomsskatt på verk og bruk innan kommune sine grensar med ein skattesats på kr 7 av kvart tusen i taksverde (7 promille). Det skal nyttast maksimale satsar. Eigedomsskatten skal så langt råd skrivast ut før 1. mars 2011.
- Vedteke tilleggsframlegg frå ordførar Bjørgulv Sverdrup Lund
- Administrasjonen utarbeider kostnads – og inntektsoversikt ved fortsatt fri barnehage og konsekvensar ved inndekning i driften. Utgreiing leggjst fram til budsjetthandsaminga i kommunestyret.
Eksterne lenker
- Sakskart for møtet i Valle kommunestyre 15. desember 2010 Fullstendige sakspapir finn du om du trykkjer på symbolet for pdf under Innkalling på den sida.