Tveit (Evje)

Tveit, gard (gardsnr. 58 i Evje og Hornnes kommune) i Evje rett før ein kjem til Flatebygd langs fylkesvegen til Gautestad. Tveit er nabogard - etter klokka - til Odde, Evje (Prestegarden), Nordbø og Flåt. Tveit har truleg gått ut frå den nordlege garden Nordbø. Kanskje det var på 800-talet at Tveit vart sjølvstendig gard.

Nord for Tveit renn Tveitåna (Nordåna). Sør for garden renn Flåtåna (Søråna. I Tveit byrjar Stafossvegen, ein skogsbilveg som går nordover heilt fram til Årekleppvatnet opp mot Årdalsknapen.

Bruka på Tveit

• Der Nor, bnr. 1
• Hagebrotet, bnr. 2
• Bråbakkane
• Vestøl
• Der ute, bnr. 3
• Lilletveit, bnr. 6 og 10
• Der Heime, bnr. 5
• Lunnebakken
• Dølehagen, bnr. 7
• Der Nede, bnr. 4
• Ekreplassen

Kjelder

Arvid Tveit og Oddmund Mogstad, Tveit i Evje, artikkel i Arnstein, 2003, s. 21-33